Grunnskóli Borgarfjarðar hefur nú fengið ný símanúmer. Aðalnúmer skólans er 430 1500 og þar fæst samband við allar deildir skólans. Símaskrá skólans má nálgast hér.

 

Símenntunarmiðstöðin hyggst halda námskeið í olíumálun ef næg þátttaka fæst. Farið verður í undirstöðuatriði olíumálunar, litblöndun. Myndbyggingu, áferð og íblöndun. Unnið verður á pappír og striga. Pappír og strigi er innifalið í námskeiðsgjaldi en þátttakendur taka með sér olíuliti og pensla.

 

Leikskólabörn í ráðhúsheimsókn á öskudaginn

Byggðarráð samþykkti á fundi sínum þann 2. september síðastliðinn að lengja daglegan opnunartíma leikskóla til kl. 16:30 frá og með 1. október næstkomandi.  Föstudagslokun vegna starfsmannafunda verður óbreytt út yfirstandandi ár en byggðarráð felur fræðslunefnd að skoða möguleika að breyttu fyrirkomulagi frá og með árinu 2011.       

 

Byggðasafni Borgarfjarðar hefur verið færð kærkomin gjöf. Um er að ræða aldraða rauðvínsflösku úr rannsóknaskipinu Pourquoi Pas? sem fórst við Mýrar í september 1936.  Það var Eysteinn Sveinbjörnsson sem færði safninu flöskuna, en hún hefur verið varðveitt hjá honum allar götur síðan skipið fannst á hafsbotni sumarið 1961, eða í tæplega hálfa öld. Ennfremur kom hann með blaðaúrklippur frá þeim tíma að skipið fannst og verða þær varðveittar í Héraðsskjalasafninu. 

Á sínum tíma var það hópur undir forystu Sigurðar Magnússonar sem fann rannsóknaskipið fræga eftir ítrekaða leit við skerið Hnokka. Var kafað niður að flakinu og fannst þá meðal annars skipsklukkan með nafni skipsins. Eysteinn var í þessum leiðangri og hefur flaskan verið í hans fórum síðan. Eitthvað af rauðvíninu er ennþá í flöskunni, en tappinn er aðfenginn. 

 

Í tilefni þessa hefur verið stillt upp lítilli sýningu í Safnahúsi um Pourquoi Pas? og eru þar eftirtaldir hlutir auk flöskunnar: Líkan af skipinu eftir Skúla Torfason, myndverk um harmleikinn eftir Björgvin Fredriksen og úrklippubók með fréttum af slysinu og eftirmálum þess.

 

Á meðfylgjandi mynd má sjá Eystein Sveinbjörnsson ásamt syni sínum Sveinbirni. Myndin er tekin þegar Eysteinn færði safninu flöskuna nú um helgina. Ljósmynd: Guðrún Jónsdóttir

(vefur safnahúss) 

Nú er sá tími að vetrardagskrá í íþrótta- og æskulýðsmálum er kynnt bæði sem í boði er á vegum sveitarfélagsins og einnig hjá frjálsum félagasamtökum sem sinna sínu mikilvæga starfi. 

Á heimasíðu þessari undir íþróttir- og æskulýðsmál má sjá hvað er í boði auk þess sem heimasíður deilda eru með nánari upplýsingar um starf sitt og æfingatöflur.  Við hvetjum alla að vera með í starfinu í vetur og taka virkan þátt í gefandi frítímastarfi. Undir íþróttamiðstöðvum má sjá tilboð fyrir almenning og æfingatöflur fyrir börn og unglinga. 

Í sumar var ágætis aðsókn í allar laugar enda sumarið einstaklega gott og enn eitt metið var slegið í sundlauginni í Borgarnesi  þegar tæplega 25.000 gestir heimsóttu okkur í júlí sem er mikil bæting frá fyrra ári og skýrist aðallega á unglingalandsmótinu.  Eins var júní einnig metmánuður með um 11.000 gestum.  Sjá dagskrá vetrar hér.

 

Opnunartími gámastöðvarinnar í Borgarnesi breyttist þann 1. september síðastliðinn.

Opnunartíminn verður framvegis frá kl. 14.00 – 18.00 alla daga nema sunnudaga og lögbundna frídaga.

 

Ungmennasamband Borgarfjarðar hefur skipulagt sjö kvöldgöngur í sumar og hafa þær verið vel sóttar. Sjöunda og síðasta kvöldganga Ungmennasambandsins í sumar verður  í kvöld, fimmtudaginn 2. september. Gangan hefst kl. 19.30 og gengið verður upp Árdalsgil  

Mæting við Árdal. Göngustjóri verður Pétur Jónsson.

Í tengslum við verkefnið Fjölskyldan á fjallið á eftir að fara tvær göngur til að ná í póstkassa og gestabækur upp á Varmalækjamúla og Þyril. Þær göngur verða auglýstar síðar. 

 

Frá og með 1. október verður sú breyting á sorphirðu að endurvinnslutunnur verða settar við öll hús í þéttbýli í Borgarbyggð. Þetta á því við um Borgarnes, Hvanneyri, Kleppjárnsreyki, Reykholt, Bæjarsveit, Varmaland og Bifröst. Þeim sem nú þegar eru með endurvinnslutunnur er bent á að þeir geta sagt þeim upp til viðkomandi fyrirtækis en nýju tunnurnar verða á vegum sveitarfélagsins.

 

Undanfarna daga hefur starfsfólk gámafyrirtækja verið að skipta út gámum á gámavöllum í Borgarbyggð.

 

Ungmennafélagið Íslendingur heldur fótboltamót á Sverrisvelli á Hvanneyri næstkomandi laugardag 4. september. Mótið hefst kl. 11.00 og keppt verður í fimm aldursflokkum, 6 - 9 ára, 10 - 12 ára, 13 - 15 ára, 16 - 19 ára og 20 ára og eldri. Keppt verður í sjö manna bolta og liðin mega vera blönduð. Að keppni lokinni verða skemmtiatriði og mótsslit í skjólbeltunum á Hvanneyri. Grillið verður heitt og tilvalið að hafa með sér mat og drykk.

 

 

Vegna viðgerða á gólfefnum í anddyri íþróttamiðstöðvarinnar í Borgarnesi verða gestir okkar og iðkendur að ganga inn í húsið að neðanvörðu þ.e. inn milliganginn niður með húsinu næstu þrjá daga. Beðið er velvirðingar á óþægindum þessum.

Spinning og þolfiminámskeið hefjast svo í næstu viku þ.e. 6. sept. en vatnsleikfimi og æfingar í þreksal eru þegar komið á fulla ferð með Írisi.

Íþrótta- og æskulýðsfulltrúi.

 

 

Aðalskipulag Borgarbyggðar 2010 – 2022

 

Niðurfelling svæðisskipulags sveitarfélaganna norðan Skarðsheiðar 1997-2017

 

Niðurfelling svæðisskipulags Mýrasýslu 1998-2010

 

Fastanefndir Borgarbyggðar sem hafa reglulega fundartíma hafa nú ákveðið hvenær fundir þeirra fara fram.  

Byggðarráð

Byggðarráð fundar á fimmtudögum kl. 8.00 í ráðhúsi Borgarbyggðar. Formaður byggðarráðs er Björn Bjarki Þorsteinsson.

Borgarfjarðarstofa

Borgarfjarðarstofa fundar fyrsta fimmtudag í hverjum mánuði kl. 16.30. Formaður Borgarfjarðarstofu er Jónína Erna Arnardóttir.

Velferðanefnd

Velferðanefnd fundar annan mánudag í hverjum mánuði kl. 15.00. Formaður velferðanefndar er Friðrik Aspelund.

Tómstundanefnd

Tómstundanefnd fundar fyrsta mánudag í hverjum mánuði kl. 16.00. Formaður tómstundanefndar er Eiríkur Jónsson.

Fræðslunefnd

Fræðslunefnd fundar fyrsta þriðjudag í hverjum mánuði kl. 10.00. Formaður fræðslunefndar er Björn Bjarki Þorsteinsson.

Landbúnaðarnefnd

Landbúnaðarnefnd mun funda fjórum sinnum á ári en hefur ekki ákveðinn fundartíma. Formaður landbúnaðarnefndar er Ingibjörg Daníelsdóttir. Næsti fundur nefndarinnar verður í nóvember.

Umhverfis- og skipulagsnefnd

Umhverfis- og skipulagsnefnd fundar annan mánudag í hverjum mánuði kl. 8.30. Formaður umhverfis- og skipulagsnefndar er Ragnar Frank Kristjánsson.

Sveitarstjórn

Sveitarstjórnarfundir eru einu sinni í mánuði, annan fimmtudag kl. 16.00. Forseti sveitarstjórnar er Ragnar Frank Kristjánsson

 

Aðrar nefndir hafa óreglulegan fundartíma sem sem oft ræðst af árstíðarbundnu hlutverki þeirra eða sérverkefnum. Fundir allra nefnda, byggðarráðs og sveitarstjórnar fara alla jafna fram í Ráðhúsi Borgarbyggðar.

 

 

Frá Grímsstaðarétt haustið 2009

Bændasamtök Íslands hafa birt lista yfir fjár- og stóðréttir haustið 2010 á vef sínum. Það er Ólafur Dýrmundsson ráðunautur sem hefur tekið listann saman. Heildarlistann yfir allar réttir á landinu má nálgast á vef Bændasamtakanna http://bondi.is/ 

 

Réttir í Borgarbyggð verða sem hér segir:

Kaldárbakkarétt í Kolbeinsstaðahreppi sunnudaginn 5. sept.
Fljótstungurétt í Hvítársíðu laugardaginn 11. sept.
Oddsstaðarétt í Lundarreykjadal miðvikudaginn 15. sept.
Brekkurétt í Norðurárdal sunnudaginn 19. sept.

Rauðsgilsrétt í Hálsasveit sunnudaginn 19. sept.
Hítardalsrétt í Hítardal mánudaginn 20. sept.
Grímsstaðarétt á Mýrum þriðjudaginn 21. sept.
Mýrdalsrétt þriðjudaginn 21. sept.
Svignaskarðsrétt mánudaginn 20. sept.
Þverárrétt í Þverárhlíð mánudaginn 20. sept.

 

Borgarbyggð og Atvinnuráðgjöf Vesturlands boða til opins fundar í Menntaskóla Borgarfjarðar á morgun, miðvikudaginn 25. ágúst kl. 17.00. Umræðuefnið er staða mála varðandi væntanlegt söluferli á Límtré Vírneti ehf.

 

Ljóðaverðlaunum Guðmundar Böðvarssonar og Borgfirskum menningarverðlaunum verður úthlutað á samkomu í Snorrastofu í Reykholti sunnudaginn 5. september næstkomandi. Minningarsjóður Guðmundar Böðvarssonar skálds og bónda á Kirkjubóli og Ingibjargar Sigurðardóttur konu hans veitir verðlaunin. Sjóðurinn var stofnaður árið 1974 og var fyrsta verkefni hans að reka hús þeirra hjóna á Kirkjubóli sem bústað fyrir skáld og listafólk. Aðilar sjóðsins eru Rithöfundasamband Íslands, Ungmennasamband Borgarfjarðar, Samband borgfirskra kvenna, Búnaðarsamtök Vesturlands og afkomendur þeirra hjóna. Síðan 1994 hefur sjóðurinn veitt áðurnefnd verðlaun, sem eru annars vegar Ljóðaverðlaun Guðmundar Böðvarssonar, sem veita skal íslensku ljóðskáldi og hins vegar menningarverðlaun sem veita skal Borgfirðingi, stofnun eða einstaklingi, fyrir sérstætt framlag til lista og menningarmála í héraði. Þetta er sjöunda úthlutun úr sjóðnum.

Samkoman hefst stundvíslega kl. 17.00 og er öllum opin.

Eftirtaldir aðilar hafa hingað til hlotið verðlaun sjóðsins:

Ljóðaverðlaun Guðmundar Böðvarssonar:

Hluti gesta á uppskeruhátíð

Uppskeruhátíð sumarlestrarátaks Héraðsbókasafns Borgarfjarðar var haldin fimmtudaginn 19. ágúst síðastliðinn og var mikið fjör þegar krakkarnir mættu í Safnahúsið í Borgarnesi. Farið var í leiki og þrautir leystar undir styrkri stjórn Sævars Inga Jónssonar héraðsbókavarðar og Eddu Bergsveinsdóttur sumarstarfsmanns safnanna. Meðal annars þurftu foreldrar og börn að kljást við þá þraut að stökkva jafnfætis yfir sauðarlegg,  en slíkt hefur áður verið gert í Þjóðminjasafninu við góðar undirtektir. Einnig voru veittar viðurkenningar fyrir góðan árangur, en alls lásu  47 krakkar 305 bækur þetta sumar sem telst frábær frammistaða. Þetta er met þátttaka í sumarlestrarverkefninu, en þetta er í þriðja sinn sem Safnahús stendur fyrir slíku hvatningarátaki í lestri að sumri til. (safnahus.is)

 

Inga Björk Bjarnadóttir sem unnið hefur hjá Borgarbyggð í sumar við skráningu gæludýra var einnig ráðin til að kanna aðgengi fatlaðra hjá stofnunum Borgarbyggðar og skila skýrslu um niðurstöðurnar. Miðvikudaginn 18. ágúst hafði Inga Björk skipulagt ,,hjólastólarallý“ þar sem hún bauð Páli S. Brynjarssyni sveitarstjóra og Jökli Helgasyni forstöðumanni framkvæmdasviðs að ferðast um á hjólastólum á nokkra staði í Borgarnesi. Með í för voru Haukur Valsson hjá Slökkviliði Borgarbyggðar sem keyrði þjónustubílinn og Björg Gunnarsdóttir umhverfis- og landbúnaðarfulltrúi sem skrásetti það sem fyrir augu bar og tók myndir, en nokkrar þeirra fylgja hér með fréttinni.

Byrjað var í ráðhúsi Borgarbyggðar þar sem kannað var aðgengi að fundarsölum, lyftunni og salerni auk þess að athuga hvernig þátttakendum gengi að komast út úr húsinu. Þaðan var ekið í leikskólann Ugluklett þar sem öll aðstaða innan og utanhúss var könnuð og síðan niður í Íþróttamiðstöðina í Borgarnesi þar sem kannað var aðgengi fatlaðra að búningsklefum, salernum og sundlauginni. Þá var farið að ráðhúsinu aftur og farið á hjólastólunum um gangstíga og gangbrautir í nágrenni þess.

Þetta var afar fróðleg ferð sem sýndi hversu mörgu þarf að huga að þegar verið er að skipuleggja húsnæði, götur og gangstíga. Niðurstöður Ingu Bjarkar munu verða birtar á heimasíðunni þegar verkefninu lýkur.