Stofnun Árna Magnússonar í íslenskum fræðum, Menningarráð Vesturlands og Félag aldraðra í Borgarfjarðardölum gangast fyrir fundi um örnefni og örnefnasöfnun á Vesturlandi miðvikudaginn 30. september, kl. 13.00 í Snorrastofu, Reykholti.
Dagskrá:
- Svavar Sigmundsson; Örnefni og örnefnasöfnun
- Ragnhildur Helga Jónsdóttir; Örnefni í Andakíl
- Sigurgeir Skúlason; Örnefnamyndavél fyrir Skorradal
Á fundinum mun Svavar Sigmundsson stofustjóri Örnefnasafns stofnunarinnar m.a. fjalla um mikilvægi örnefnasöfnunar, til hvers örnefnum hefur verið safnað, hver hefur haft örnefnasöfnun á hendi til þessa og hvernig staðið hefur verið að söfnun. Þá fer hann yfir stöðu þessara mála á Vesturlandi. Svavar ræðir síðan um hvernig hægt er að koma örnefnum á framfæri við almenning og reynir að svara því hvernig eigi að varðveita örnefni sem best til framtíðar í heimi mikilla breytinga á atvinnuháttum og hugsunarhætti í þjóðfélaginu og hver eigi að kosta þá varðveislu.
Ragnhildur Helga Jónsdóttir mun segja frá örnefnum í Andakíl og Sigurgeir Skúlason landfræðingur sem hefur ný lokið við örnefnamyndavef fyrir Skorradal mun útskýra hann á fundinum.
Fyrirspurnir og umræður að loknum inngangserindum.
Ókeypis er á fundinn. Allir velkomnir.