Fara í efni

Upplýsingasíða Borgarbyggðar vegna COVID-19

Upplýsingar á þessari síðu eru hugsaðar fyrir íbúa Borgarbyggðar og til kynningar á þeim ráðstöfunum sem sveitarfélagið grípur til hverju sinni. Tilkynningar um aðgerðir í samræmi við viðbragðsáætlun verða kynntar eftir þörfum og miðlað hér á vefsíðunni. 

Borgarbyggð hefur gripið til nokkurra ráðstafana til að bregðast við COVID-19 faraldrinum. Ein af þeim er að taka saman upplýsingar sem gætu gagnast íbúum Borgarbyggðar og miðla þeim hér á vef sveitarfélagsins.

Borgarbyggð fylgir leiðbeiningum stjórnvalda og hefur gripið til undirbúningsráðstafana í samræmi við þær. 

Borgarbyggð hvetur íbúa til að fylgja nýjustu fyrirmælum frá Embætti Landlæknis og Almannavarnadeild Ríkislögreglustjóra.

Í viðbragðsteymi Borgarbyggðar situr sveitarstjóri, samskiptastjóri, sviðsstjóri fjármálasviðs, sviðstjóri fjölskyldusviðs og félagsmálastjóri.

Viðbragðsáætlun Borgarbyggðar vegna COVID-19 (4. útgáfa 31. mars 2020)


Heilbrigðisráðherra hefur ákveðið í samræmi við tillögu sóttvarnalæknis að herða reglur samkomubannsins og taka þær reglur gildi á miðnætti aðfaranótt mánudagsins 5. október. Samtímis er lýst yfir neyðarstigi almannavarna.  

Takmörkun á fjölda einstaklinga sem koma saman miðast nú við 20 einstaklinga í stað 200 einstaklinga. Áætlað er að takmarkanirnar gildi í að minnsta kosti tvær - þrjár vikur.  

Eftirfarandi aðgerðir taka gildi frá og með 5. október: 

Skólahald í leik-, grunn- og tónlistaskóla 

  • Skólastarf í öllum leik-, grunn- og tónlistaskólum sveitarfélagsins helst óbreytt.  

  • Utanaðkomandi heimsóknir verða ekki leyfðar á meðan á þessum takmörkunum stendur nema í samráði við skólastjórnendur og starfsfólk.  

  • Foreldrar og forráðamenn eru hvattir til að leita upplýsinga hjá viðkomandi skólastjóra ef spurningar vakna. 

Frístund  

  • Starfsemi verður með hefðbundnum hætti.  

  • Foreldrar og forráðamenn eru hvattir til að leita upplýsinga hjá viðkomandi forstöðumanni ef spurningar vakna. 

Félagsmiðstöðin Óðal 

  • Starfsemi verður með hefðbundnum hætti. 

Íþróttamiðstöðvar  

  • Líkamsræktarsalurinn í Borgarnesi lokar. Staðan verður endurmetin þegar takmarkanir verða dregnar til baka. 

  • Hóptímar í íþróttahúsinu falla niður, það er; spinning, sundleikfimi, gigtarleikfimi, hádegispúl og morguntímar. 

  • Fjöldatakmarkanir verða í sundlaugum í Borgarnesi og á Kleppjárnsreykjum.  

Aldan 

  • Dósamóttakan og endurhæfing verður lokuð fyrir utanaðkomandi gesti. Önnur starfsemi helst óbreytt. 

  • Íbúar geta komið með dósir á mánudögum, þriðjudögum og fyrir hádegi á miðvikudögum - talið verður þremur dögum síðar.  

  • Eins verður hægt að koma með poka sem búið er að flokka og telja og fá þar með greitt samstundis. 

Félagsþjónusta aldraða 

  • Einungis 20 einstaklingar mega koma saman í einu. Notast skal við andlitsgrímur sé ekki hægt að tryggja eins metra fjarlægð milli aðila.  

Safnahúsið 

  • Starfsemi verður með hefðbundnum hætti en gætt verður að fjöldatakmörkunum sem miðast við 20 einstaklinga í senn. 

  • Starfsfólk munu gæta þess að sótthreinsa reglulega sameiginlega snerti fleti. 

Ráðhúsið 

  • Starfsemi verður með hefðbundnum hætti en íbúar og aðrir gestur eru beðnir um að hringja eða senda tölvupóst þurfi þeir að ná samband við starfsfólk. 

Aðrar stofnanir sveitarfélagsins munu loka fyrir utanaðkomandi gesti. 

Íbúar Borgarbyggðar sem og aðrir gestir eru beðnir um að lágmarka heimsóknir sínar í stofnanir sveitarfélagsins eins og kostur er. Mælst er til þess að nota þess í stað síma eða tölvupóst þurfi þeir á þjónustu eða upplýsingum að halda. Hér má sjá nánari upplýsingar um netföng starfsfólks og símanúmer í stofnunum sveitarfélagsins. 

Borgarbyggð vill minna íbúa á að öflugast vörnin við veirunni er að huga að einstaklingsbundnum smitvörnum. Mikilvægt er að þvo sér um hendurnar reglulega, spritta, halda eins metra fjarlægð og halda sig heima ef einkenni gera vart við sig. 

Ef það leikur grunur á smiti skal strax hafa samband við heilsugæsluna í gegnum síma, við netspjall Heilsuveru.is eða við Læknavaktina í síma 1700. Heilbrigðisstarfsfólk ráðleggur ykkur um næstu skref. 

Auglýsing um takmörkun á samkomum vegna farsóttar


Tilkynning til einstaklinga í sumarhúsum sem eru í sóttkví

Að gefnu tilefni er vakin athygli á því að reglur um sóttkví gilda líka um þá sem kjósa að dvelja í sumarhúsi á meðan sóttkví stendur.

  • Einstaklingar í sóttkví mega ekki fara sjálfir eftir aðföngum og þar af leiðandi ekki í matvöruverslanir. 
  • Einstaklingar í sóttkví mega ekki fara sjálfir með sorp á móttökustöðvar sveitarfélaga. 
  • Einstaklingar í sóttkví mega fara í göngutúra en verða skilyrðislaust að halda reglur um fjarlægð frá öðrum.

Vinnum saman og hindrum frekari útbreiðslu smita. 

Athygli er vakin á því að brot á reglum um sóttkví varða við lög.

Rauði kross Íslands minnir á að þeir sem eru í sóttkví, einangrun eða varnarsóttkví geta notfært sér hjálparsíma Rauða krossins 1717, ef þeir þurfa aðstoð við að fá aðföng úr verslunum, lyf eða aðrar nauðsynjar. 

Covid-19

Breyttar takmarkanir vegna Covid-19

Þann 20. október tók gildi ný auglýsing sem hefur verið staðfest af heilbrigðisráðherra. Umræddar reglur gilda til og með 10. nóvember 2020.
Covid-19

Fækkum smitleiðum

Í ljósi aukinna smita á landvísu eru íbúar og gestir í Borgarbyggð hvattir til að fara áfram varlega og huga vel að persónulegum sóttvörnum.
Covid-19

Aðgerðir í Borgarbyggð sem taka gildi á morgun, 5. október vegna Covid-19

Heilbrigðisráðherra hefur ákveðið í samræmi við tillögu sóttvarnalæknis að herða reglur samkomubannsins og taka þær reglur gildi á miðnætti aðfaranótt mánudagsins 5. október. Samtímis er lýst yfir neyðarstigi almannavarna.
Covid-19

Leiðbeiningar vegna gangna og rétta í Borgarbyggð vegna Covid-19

Landssamtök sauðfjárbænda í samvinnu við Samband íslenskra sveitarfélaga, almannavarnir og sóttvarnalæknir hafa gefið út leiðbeiningar vegna gangna og rétta í Borgarbyggð vegna Covid-19.