Fara í efni

Félagsheimili

Níu félagsheimili eru starfrækt í Borgarbyggð.

Sjö eru að hluta til eða alfarið í eigu Borgarbyggðar, tvö í eigu ungmennafélaga.

Gjaldskrár

Brautartunga í Lundarreykjadal 

Félagsheimilið Brautartunga er staðsett í Lundarreykjadal við bæinn Brautartungu. Það er í eigu Ungmennafélagsins Dagrenningar og var byggt af félagsmönnum árið 1964 og síðar var húsið stækkað og byggð sundlaug. Félagsheimilið hefur verið vinsæll staður fyrir ættarmót, brúðkaup og aðra viðburði en í húsinu er stór salur sem rúmar um 200 manns í sæti. Öðru megin salarins er svið en hinumegin minni salur og rúmgott eldhús. Á efri hæð er setustofa með nokkrum sófum og sófaborðum.

Hægt er að panta húsið eða fá frekari upplýsingar um aðstöðu, verð og annað í gegnum netfangið umfdagrenning@gmail.com eða í síma 869-7193.

Brúarás í Hálsasveit

Félagsheimilið Brúarás er í landi Stóra Áss og staðsett við brúna yfir Hvítá við Bjarnastaði.

Félagsheimilið Brúarás er að meirihluta í eigu Borgarbyggðar. Aðrir eigendur eru kvenfélögin í Hálsasveit og Hvítársíðu auk Búnaðarfélags Hálsasveitar og Þverárþings.

Félagsheimilið er í langtímaleigu og rekur fyrirtækið Brúarás ehf þar veitingahús.

Meðal áhugaverðra staða í nágrenni Brúaráss má nefna Hraunfossa og Barnafoss, Húsafell, Víðgelmi í landi Fljótstungu og Surtshelli.

Brún í Bæjarsveit

Félagsheimilið Brún er staðsett í Bæjarsveit í Andakíl.

Í húsinu er ágætur samkomusalur, ágætlega búið eldhús, snyrtingar og lítið svið.

Sundlaug er við húsið og stutt er í sundlaug á Kleppjárnsreykjum.

Húsvörður er Haraldur Sigurðsson sími 869-5889. Netfang:haraldurs@hotmail.com

Hægt er að leigja húsið fyrir allar almennar samkomur, einkasamkvæmi, ættarmót og fleira.
Við Brún er aðstaða til að tjalda og er svæðið leigt til þess jafnhliða leigu á húsinu.

Brún er að meirihluta í eigu Borgarbyggðar en Skorradalshreppur á um 10% eignarhlut í húsinu. Sundlaugin í Brún er í eigu Borgarbyggðar.

Stutt er í flugvöll á Stóra Kroppi.

Hjálmaklettur í Borgarnesi

Nánari upplýsingar hér.

Lindartunga í Kolbeinsstaðahreppi

Félagsheimilið Lindartunga er staðsett í Kolbeinsstaðahreppi skammt vestan við Kaldármela. 40 km. frá Borgarnesi.

Í húsinu er samkomusalur með litlu sviði, ágætt eldhús og snyrtingar. Við húsið eru tjaldstæði sem leigð eru með húsinu.

Hægt er að leigja húsið fyrir allar almennar samkomur, einkasamkvæmi og ættarmót.

Lindartunga er í eigu Borgarbyggðar, kvenfélagsins Bjarkar og Ungmennafélgsins Eldborgar.

Formaður húsnefndar er Kristján Magnússon sími 863-6658.
Húsvörður í Lindatungu er Helga Jóhannsdóttir sími 435-6762 og 866-5790
Netfang: haukatungasydri2@gmail.com

Næsta sundlaug er í Laugargerði ca. 14 km.

Áhugaverðir staðir í nágrenni Lindartungu eru m.a. Eldborg, Rauðamelsölkelda, Rauðamelskirkja og Laugargerði.

Logaland í Reykholtsdal

Félagsheimilið Logaland er staðsett í Reykholtsdal í Borgarfirði.

Í húsinu eru tveir salir. Á neðri hæð er stór samkomusalur með ágætlega búnu eldhúsi, snyrtingum, stóru sviði og hægt er að ganga út í garð í anddyri.

Á efri hæð er minni salur (ca. 80 manns) með eldhúskrók, tvö rúmgóð herbergi með handlaugum og snyrtingar.

Ofan við húsið er fallegur skógur og gott tjaldsvæði sem leigt er út með húsinu.
Hægt er að leigja húsið fyrir allar almennar samkomur, einkasamkvæmi, ferðahópa og ættarmót.

Félagsheimilið Logaland er í eigu Ungmennafélags Reykdæla.   

Um útleigu sér Helga Jónsdóttir, sími 615-0231, netfang logaland@hotmail.com 

Meðal áhugaverðra staða í nágrenni Logalands eru Reykholt, Deildartunguhver, Hraunfossar og Barnafoss.

Stutt er í sundlaug á Kleppjárnsreykjum og flugvöll á Stóra Kroppi.

Lyngbrekka í Álftaneshreppi

Félagsheimilið Lyngbrekka er staðsett í Álftaneshreppi á Mýrum.

Í húsinu er ágætur samkomusalur með sviði og ágætlega búnu eldhúsi, litlu fundarherbergi og snyrtingum.

Hægt er að leigja húsið fyrir allar almennar samkomur, einkasamkvæmi, ættarmót og fleira.

Lyngbrekka er í eigu Borgarbyggðar og ungmennafélaganna Björns Hítdælakappa og Egils Skallagrímssonar.

Leikdeild UMF Skallagríms sér um rekstur og útleigu félagsheimilisins.

Umsjónarmaður: Ágúst Þorkelsson, sími 662-6275.
Netfang: f.h.lyngbrekka@gmail.com

Meðal áhugaverðra staða í nágrenni Lyngbrekku er Eldborg, Hítarvatn, Akrafjörur og Akrakirkja.

Samkomuhúsið við Þverárrétt

Samkomuhúsið við Þverárrétt er staðsett ofarlega í Þverárhlíð.

Í húsinu er lítill samkomusalur, ágætlega búið eldhús með borðstofu, snyrtingar og sturta.

Aðstaða til að tjalda við húsið er leigð út með húsinu. Þar er skjólsælt og mikill trjágróður.

Hægt er að leigja húsið út fyrir allar almennar samkomur, einkasamkvæmi og ættarmót.

Næsta sundlaug er á Varmalandi.

Samkomuhúsið við Þverárrétt er í eigu Borgarbyggðar en Kvenfélag Þverárhlíðar sér um rekstur þess. Upplýsingar um leigu á húsinu og starfsemi þar veitir Laufey Valsteinsdóttir í síma 435 1346, netfang: kviar@vesturland.is;

Áhugaverðir staðir í nágrenni við Samkomuhúsið við Þverárrétt eru m.a. Varmaland, Glanni og Paradísarlaut í Norðurárdal, Grjótháls og fleiri.

Valfell í Borgarhreppi

Félagsheimilið Valfell er staðsett rétt utan við Borgarnes.

Þar er ágætur samkomusalur með litlum hliðarsal við eldhús.

Hægt er að leigja Valfell undir allar almennar samkomur, einkasamkvæmi, fyrir ferðahópa og ættarmót.

Húsvörður er Björgvin Fjeldsted, sími 847-6319

Síminn í Valfelli er 437 1696.

Þinghamar á Varmalandi

Félagsheimilið Þinghamar er á Varmalandi í Stafholtstungum.

Þar er fullbúið eldhús og tveir salir, Blómasalurinn og íþróttasalur. Sturtur og búningsklefar.

Við Þinghamar er stórt og gott tjaldsvæði með heitu og köldu vatni.

Hægt er að leigja Þinghamar undir allar almennar samkomur, einkasamkvæmi og ættarmót.

Sundlaug er á Varmalandi.

Húsvörður er Guðmundur Finnsson sími 435-1425 og 898-8225