Fara í efni

Afréttarnefnd Þverárréttar

7. fundur 16. ágúst 2008 kl. 11:52 - 11:52 Eldri-fundur
Afréttarnefnd Þverárréttar, fundur nr. 7 Dags : 16.08.2008
7. Fundur Afréttarnefndar Þverárréttarupprekstrar
var haldinn í Bakkakoti 16. ágúst 2008 og hófst hann kl. 13:30
 
 
Mættir voru: Kristján Axelsson, Ólafur Guðmundsson, Egill J Kristinsson og Þórir Finnsson.
 
Auk þeirra sat fundinn Sindri Sigurgeirsson , sem mataði tölvuna, en það er nýlunda að niðurjöfnum fjallskila í afréttarnefnd Þverárréttarupprekstrar fari að stórum hluta fram í tölvu.
Kristján setti fund og stjórnaði honum. Þórir ritaði fundargerð.
 
Dagskrá:1. Fundur settur
2. Fjallskilanefnd Borgarbyggðar ( fundargerðir)
3. Niðurjöfnun fjallskila
4. Önnur mál.
 
  1. Kristján sagði frá því helsta sem gerðist á fundnum, fjallskilanefndar Borgarbyggðar en 3 fundir hafa verið haldnir í þeirri nefnd 22. apríl s.l.
Eftirfarandi breytingar frá fjallskilasamþykkt Mýrasýslu voru samþykktar á síðasta fundi nefndarinnar þann 12. ágúst .
Önnur Grímsstaðarrétt verði mánudag 29. september kl 14.00
Þriðja Grímsstaðarrétt mánudag 6. október kl 14:00
Önnur Svignaskarðsrétt verði, mánudag 29. september kl 11:00
Þriðja Svignaskarðsrétt verði mánudag 6. október kl 11:00
Þriðja Hítardalsrétt verði mánudag 6. október kl 11:00
Heimasmalanir verði framkvæmdar helgina 4. og 5. október á svæðinu frá Sanddalsá að Haffjarðará .
Stefnt er að smölun fimmtudaginn 11. september á svæðinu Bjarnadal að Múlakoti og önnur smölun fimmtudaginn 25. september . Samþykkt að mat á dagsverki til fjallskila verði 7.000 kr. Afréttarnefndir Norðurárdals og Borgarhrepps hafa nú verið sameinaðar í eina nefnd.
 
  1. Niðurjöfnun fjallskila.
Fjallskilum er jafnað niður á fjártölu, sem er samtals 9582 kindur samkvæmt vortalningu forðagæslumanns með þeirri undantekningu að það er 24 kindum færra hjá Sindra í Bakkakoti því þær voru lagðar inn í sláturhús 11. apríl en talning hafði farið fram nokkru áður. Heildar fjallskilakostnaður er 2.922.510.- sem gerir 305 kr. á kind. Fjallskilagjöld verða innheimt af bæjarskrifstofu Borgarbyggðar og er gjalddagi 1. nóvember en eindagi 20. nóvember.
 
Leitir :
Farið verður í fyrstu leit föstudaginn 12. september , fimmtudaginn 11. september fara 6 manns í Stafholtstungnaleit og smala Svínadal og fyrir vestan fjöll.
Farið verður í aðra leit föstudaginn 19. september. Þriðju leit skal gera föstudaginn 26. og laugardaginn 27. september þá er heimild til tilfærslu á leitardögum þriðju leitar samkvæmt fjallskilasamþykkt Mýrasýslu .
Fjallkóngar þriðjuleitar taki ákvörðun um breytingu ef þurfa þykir . Áríðandi er að leitarmenn séu vel útbúnir í hlýjum og vatnsheldum fatnaði í skærum litum.
 
 
Fjallkóngar Tungnamannaleitum eru.
1 leit : Kristján Axelsson Bakkakoti
2.leit : Jóhann Oddsson Steinum
3 leit: Trausti Magnússon Hamraendum
 
Fjallkóngar í Þverhlíðingaleitum eru :
1 leit: Einar G Örnólfsson Sigmundastöðum
2 leit: Grétar Reynisson Höll
3 leit: Eysteinn Bergþórsson Höfða
 
Fjallkóngar í Hvítsíðingaleitum eru:
1 leit:Þorbjörn Oddsson Háafelli
2 leit:Guðjón Karlsson Síðumúlaveggjum
3 leit: Sigurður Gunnarsson Bjarnastöðum
 
Síðufjallsleit
1 leit: Ólafur Guðmundsson Grímsstöðum
2 leit: Ásgeir Ásgeirsson Þorgautsstöðum
 
Hver leit er metin á 21.000 kr. með eftirtöldum undantekningum , Svínadalsrétt og vestan Snjófjalla , sem tekur fjóra daga er metin á 28.000.kr.
Þriðja leit til Stafholtstungna og Þverhlíðinga er metin á 16.800.kr.
Síðufjallsleit er metin á 8.400.kr.
Brekkurétt er metin á 7.000.kr.
Nesmelsrétt er metin á 7.000.kr.
Vökumaður er metin á 7.000.kr.
Laugardagsrétt er metin á 8.400.kr.
 
Dráttarvél í 1. og 2. leit til Þverhlíðinga er metin á 14.000 kr. pr. leit.
Dráttarvél með manni í 3. leit til Þverhlíðinga er metin á 21.000 kr.
Dráttarvél með manni í Hvítsíðingaleitir er metin á 24.500 kr.
 
Réttir:
Fyrsta Þverárrétt verður mánudaginn 15. september og hefst kl. 7
Önnur Þverárrétt verður mánudaginn 22. september og hefst kl. 10
Þriðja Þverárrétt verður mánudaginn 29. september og hefst kl. 10
Nesmelsrétt verður laugardaginn 6. september um miðjan dag.
 
Landeigendur og / eða umráðamenn jarða smali heimalönd fyrir þriðju rétt og færi óskilafé þangað. Hestagirðingin verður fjárheld og því til afnota fyrir óskilafé.
 
Skýringar á skammstöfunum á fjallskilaseðlum.
1 L undan sem fara til Tungnamanna fimmtudaginn 11. september og smala föstudag.
1 L Lau Menn sem fara Tungnamanna laugardaginn 13. september og smala þann dag.
2 L Lau Menn sem fara til Tungnamanna laugardag 20. september og smala þann dag.
HVS menn sem fara til Hvítsíðinga
ÞVH menn sem fara til Þverhlíðinga
STH menn sem fara til Tungnamanna
 
 
Önnur mál:
 
Upplýst var að þessa dagana er verið að ljúka við girðingu á milli heimalands Króks og afréttarins.
Einnig er var upplýst að ógreiddir eru reikningar frá árinu 2007 vegna leita og flutnings fjár
úr Hvítsíðingaleitum.
Sendir verða skilamenn í Dalarétt eins og venjulega
 
 
Fleira ekki tekið fyrir og fundi slitið kl 17:30
 
 
Þórir Finnsson , Kristján F Axelsson , Egill J Kristinsson og Ólafur Guðmundsson.