Fara í efni

Afréttarnefnd Þverárréttar

18. fundur 31. ágúst 2003 kl. 13:15 - 13:15 Eldri-fundur
Afréttarnefnd Þverárréttarupprekstrar, fundur nr. 18 Dags : 31.08.2003
Fundur afréttarnefndar Borgarbyggðar í Þverárréttarupprekstri var haldinn í Bakkakoti 31. ágúst 2003 og hófst hann kl. 13:15.
 
Mættir voru:
aðalfulltrúar: Kristján Axelsson
Þórir Finnsson
Egill Kristinsson
 
Kristján setti fundinn og stjórnaði honum. Þórir ritaði fundargerð.
 
Dagskrá:
1. Kristján sagði frá fundi sem hann sat í Fjallskilanefnd Mýrarsýslu 25. ágúst sl.
Á þeim fundi var Finnbogi Leifsson kosinn formaður nefndarinnar en Kristján Axelsson
varaformaður. Að öðru leyti er vísað til fundargerðar sem fylgir gögnum í möppu
afréttarnefndar.
 
2. Niðurjöfnun fjallskila.
Fjallskilum er jafnað niður á fjártölu sem er samtals 7852 kindur samkv.forðagæsluskýrslu sl. vor. Heildarfjallskilakostnaður er 1994.408 kr. sem gerir 254 kr. ákind. Fjallskilagjöld verða innheimt af bæjarskrifstofu Borgarbyggðar og er gjalddagi 1. nóvember en eindagi 20. nóvember.

Leitir:
Farið verður í fyrstu leit föstudaginn 12. september. Farið verður í aðra leit föstudaginn 19. september. Þriðju leit skal gera föstudaginn 26. september og laugardaginn 27. september. Þó er heimild til tilfærslu á leitardögum þriðju leitar samkvæmt fjallskilasamþykkt Mýrarsýslu. Fjallkóngar þriðju leitar taki ákvörðun um breytingu ef þurfa þykir. Fjórir menn frá Tungnamönnum fari inn í Dali og smali með Haukdælingum fyrri leitardag upp úr dölunum og niður í Hvassárdal. Menn, sem fari inn í Dali verði frá eftirtöldum bæjum: Bakkakoti, Hjartarholti (2 menn) og Steinum. Sindri Sigurgeirsson færi fyrir þessum hópi á laugardeginum.
 
Fjallkóngar í tungnamannaleitum verða:
1. leit Kristján Axelsson Bakkakoti
2. leit Jóhann Oddsson Steinum
3. leit Trausti Magnússon Hamraendum
 
Fjallkóngar í Þverhlíðingaleitum verða:
1. leit Einar S. Örnólfsson Sigmundarstöðum
2. leit Grétar Þ. Reynisson Höll
3. leit Eysteinn Bergþórsson Höfða

Fjallskiladagsverkið er metið á kr. 6000.
Leitin er metin á 18000 kr.
Laugardagsleit 9000 kr
Brekkurétt 6000 kr
Nesmelsrétt6000 kr
Vökumaður6000 kr
Dráttarvél 12000 kr
 
Áríðandi er að leitarmenn séu vel útbúnir í hlýjum og vatnsheldum fatnaði í skærum litum.
 
Fyrsta þverárrétt verður mánudaginn 15. september og hefst kl. 07:00.
Önnur þverárrétt verður mánudaginn 22. september og hefst kl. 10:00.
Þriðja þverárrétt verður mánudaginn 29. september og hefst kl. 10:00.
Réttarstjóri verður Davíð Aðalsteinsson.
Landeigendur og/eða umráðamenn jarða smali heimalönd fyrir þriðju rétt og færi óskilafé þangað. Hestagirðingin verður fjárheld og því til afnota fyrir óskilafé. Eigendur kosti sjálfir flutning á fé sem kemur fyrir í Dalasýslu eftir 5. nóvember.
Skýringar á skammstöfunum á fjallskilaseðlunum.
1.l. laug.: Menn, sem fara til Tungnamanna laugardaginn 13. sept. og smala þann dag.
2.l. laug.: Menn sem fara til Tungnamanna laugardaginn 20. sept. og smala þann dag.
Hv.s.: Menn sem fara til Hvítsíðinga.

Önnur mál:
Á skýrslu frá Borgarbyggð er sýnir breytingu á fjölda búfjár frá hausti til vors var gerð athugasemd frá Höfða og þess getið að fjártala væri of há. Á umræddri skýrslu er fjártalan um 1795 kindur. Skýrslan er undirrituð af Eiríki Blöndal og Friðriki Jónssyni frá Búnaðarsamtökum Vesturlands dags. 25.03.03. Fyrir hönd fjáreigenda á Höfða undirritar Sigurður Bergþórsson skýrsluna með fyrirvara um fjártölu. Í samtali við formann afréttarnefndar sagði Sigurður að fjártalan væri 1640 s.l. vor. Einnig fór hann fram á að leiðrétting yrði gerð vegna álagningar fjallskila s.l. haust, en þá hefði verið ofáætlað um 100 kindur. Afréttarnefndin tók þessar athugasemdir til greina en leggur áherslu á að eftirleiðis fari fram örugg vortalning á Höfða.

Fleira ekki tekið fyrir.
Fundi slitið kl. 17:30
 
Þórir Finnsson
fundarritari