Borgarfjarðarstofa

Framlagt minnisblað um stöðu á verkefnum Borgarfjarðarstofu er varða kynningarmál og voru samþykkt á fundi 1. mars s.l.

Sveitarstjóra falið að vinna áfram að þessum málum.

Framlagt erindi frá umhverfis- og skipulagssviði vegna uppsetningar á skilti við Hjálmaklett.  Skiltið verður staðsett á lóðarmörkum við Borgarbraut og á því verður kynnt sú starfsemi sem fer fram í húsinu.

Stjórn Borgarfjarðarstofu samþykkti tillögu að skilti og óskar eftir því að sett verði upp lýsing við skiltið.  Kostnaður við verkefnið skráist á rekstur Hjálmakletts.

Framlögð skýrsla vinnuhóps um nýtingu vindorku í Borgarbyggð.

Stjórn Borgarfjarðarstofu þakkar vinnuhópnum fyrir vel unnin störf og felur sveitarstjóra að kynna skýrsluna á heimasíðu Borgarbyggðar.  Jafnframt hvetur stjórnin til þess að áfram verði unnið að skoðun á nýtingu nýrra orkugjafa á köldum svæðum.

Framlagt erindi frá forsvarsmönnum verkefnisins fjárfestum í flygli fyrir Hjálmaklett.

Stjórn Borgarfjarðarstofu fagnar þessu frumkvæði áhugahópsins og hvetur sveitarstjórn til að leggja þessu verkefni lið

Framlagt erindi frá Ómari S. Kristinssyni þar sem óskað er eftir stuðningi vegna útgáfu bókar um hjólaleiðir á Vesturlandi.

Stjórn Borgarfjarðarstofu mælir með því að sveitarfélagið veiti kr.40.000 til verkefnisins og verðí fjármagn tekið af liðnum 13.01 í rekstarreikningi Borgarbyggðar.

Framlögð drög að starfslýsingu fyrir verkefnisstjóra Borgarfjarðarstofu.

Stjórn Borgarfjarðarstofu óskar eftir því að fá heimild til ráða verkefnisstjóra fyrir Borgarfjarðarstofu frá og með ágústmánuði 2012.  Jafnframt er sveitarstjóra falið að vinna áfram að starfslýsingu og kostnaðaráætlun.

Framlagður samningur við Snorrastofu um fjárveitingu Borgarbyggðar til stofnunarinnar árið 2012.

Framlagður samningur við Markaðsstofu Vesturlands um verkefni sem stofnunin mun vinna fyrir Borgarbyggð árið 2012.

Framlögð fundargerð Húsnefndar Lyngbrekku.

Umhverfis- og skipulagssviði falið að vinna að frekari kostnaðaráætlun um endurbætur á Lyngbrekku, auk þess sem sviðinu er falið að kostnaðarmeta uppsetningu á varmadælum í félagsheimilum í eigu Borgarbyggðar.

Framlagðar fundargerðir frá starfsmannafundum í Safnahúsi Borgarfjarðar.