Borgarfjarðarstofa

Framlagt erindi Þyngslalappar ehf um styrk frá Borgarbyggð vegna uppsetningar sýningar um Edduveröld og einnig að sveitarfélagið leigi hluta af húsnæðinu til sýningarhalds. Erindinu var vísað til umsagnar Borgarfjarðarstofu frá byggðarráði.
Borgarfjarðarstofa lýsir yfir ánægju með uppbyggingu Þyngslalappar ehf. í Englendingavík og mælir með því að sveitarfélagið leigi efra pakkhúsið undir sýningarhald. Borgarfjarðarstofa tekur ekki afstöðu til erindis um styrkveitingu vegna búnaðarkaupa og vísar því til byggðarráðs.

Framlagðar fundargerðir frá starfsmannafundum nr. 116, 117 og 118 í Safnahúsi Borgarfjarðar.

Rætt um tillögu að viðmiðunargjaldskrá fyrir félagsheimili og Hjálmaklett. Tillagan var rædd á 22 fundi Borgarfjarðarstofu og 257 fundi byggðarráðs. Byggðarráð fól Borgarfjarðarstofu að vinna áfram að málinu sem m.a. var tekið fyrir á fundi með húsnefndum félagsheimila sem fram fór 21. janúar s.l.
Borgarfjarðarstofa vísar tillögunum til sveitarstjórnar með áorðnum breytingum.

Sigríður G. Bjarnadóttir vék af fundi eftir afgreiðslu þessa dagskrárliðar og Hrafnhildur Tryggvadóttir varamaður tók sæti hennar á fundinu.

Rætt um þjónustukönnun Capasent árið 2012. Borgarfjarðarstofa hvetur sveitarstjórn til að láta kanna frekar viðhorf íbúa til þjónustu Borgarbyggðar.

Framlögð samningsdrög við Markaðsstofu um stuðning Borgarbyggðar við rekstur upplýsingarmiðstöðvar í Borgarnesi.
Borgarfjarðarstofa samþykkti framlagðan samning.

Jafnfram rætt um hlutverk sveitarfélaga við uppbyggingu ferðaþjónustu með hliðsjón af skilgreiningu Markaðsstofu á því. Sérstaklega rætt um hlutverk sveitarfélaga við uppbyggingu á ferðamannastöðum. Borgarfjarðarstofa lýsir yfir óánægju með það að Borgarbyggð skildi ekki hafa fengið styrk úr Framkvæmdasjóði ferðamannastaða við síðustu úthlutun. Þá er óskað eftir að sveitarstjóri leggi fram á næsta fundi yfirlit yfir fjárveitingar til ferðamannastaða í Borgarbyggð og fyrirhugaðar umsóknir um styrki.

Stjórn samþykkir starfsáætlun fyrir Safnahúss Borgarfjarðar og Borgarfjarðarstofu.

Framlögð drög að erindisbréfi fyrir ritnefnd sem skal stýra ritun á 150 ára sögu Borgarness. Sveitarstjóra falið að kynna tillögu að erindisbréfi ritnefndar fyrir byggðarráði

Rætt um markaðs- og kynningarmál fyrir Borgarbyggð

Samkvæmt samþykktum Borgarbyggðar ber að skipa stjórn Menningarsjóðs Borgarbyggðar á tveggja ára fresti, kjörtímabili núverandi stjórnar lauk í árslok 2012. Lagt er til að sömu aðilar skipi stjórn Menningarsjóðs Borgarbyggðar og skipa stjórn Borgarfjarðarstofu. Þetta feli m.a. í sér að ekki verði greitt sérstaklega fyrir nefndarsetu í stjórn sjóðsins.