Borgarfjarðarstofa

Á fundinn mætti Embla Guðmundsdóttir og ræddi málefni Menningarsjóðs Borgarbyggðar.

Rætt um umsóknir aðila í Borgarbyggð í Framkvæmdasjóð ferðmannastaða. Einnig rætt um hugmyndir Neðribæjarsamtakanna um söguhringi í Borgarnesi (gönguleiðir).
Borgarfjarðarstofa fangar þeim umsóknum sem komnar eru fram og óskar eftir áframhaldandi samstarfi við Markaðsstofu Vesturlands og ferðaþjónustuaðila í sveitarfélaginu um uppbyggingu ferðamannastaða.

Sveitarstjóri greindi frá umræðu í Háskólaráði Borgarfjarðar um hvernig rétt sé að standa að kynningu á sveitarfélaginu og hvað hugmyndir hafi verið ræddar þar. Sveitarstjóra falið að vinna áfram að málinu.
Borgarfjarðarstofa samþykkti að Sigríður Bjarnadóttir verði tengiliður Borgarfjarðarstofu við starfsmenn sem eru að vinna endurbótum á heimasíðu sveitarfélagsins.
Formaður kynnti verkefni "Be Iceland" um að staðsetja sögustaði og þjónustustofnanir í Borgarbyggð í appinu. Samþykkt að fela sveitarstjóra að ræða við Markaðsstofu um verkefnið.

Rætt um útgáfu 150 ára sögu Borgarness, erindisbréf fyrir ritnefnd samþykkt.

Á fundinn kom Guðrún Jónsdóttir forstöðumaður Safnahúss Borgarfjarðar og kynnti hugmyndir sínar um uppsetningu á sýningu í Efra-pakkhúsinu í Englendingavík. Borgarfjarðarstofa samþykkti að óska eftir umsóknum frá lista eða handverksfólki til að starfa og sýna verk sín í húsinu. Jafnframt óskar Borgarfjarðarstofa eftir samstarfi við Neðribæjarsamtökin og Edduveröld um verkefnið.

Rætt um erindi Safnahúss Borgarfjarðar þar sem óskað er eftir styrk vegna uppsetningar á sýningu um Hallstein og Ásmund Sveinssyni. Í ljósi þess að verkefnið fékk ekki stuðning Menningarráðs Vesturlands þá hvetur Borgarfjarðarstofa sveitarstjórn til að veita fjármagni til verkefnisins.

Framlagðar fundargerðir frá 119 og 120 fundi starfsmanna Safnahúss Borgarfjarðar.