Tómstundanefnd Borgarbyggðar

 

Aðalfulltrúar:Björn Bjarki Þorsteinsson

Ari Björnsson

Kristmar Ólafsson

Ásdís Helga Bjarnadóttir

 

Íþrótta- og æskulýðfulltrúi:Indriði Jósafatsson

 

Formaður setti fund.

 

Íþrótta- og æskulýðsfulltrúi kynnti þann fjárhagsramma sem tómstundanefnd hefur verið úthlutað vegna vinnu við fjárhagsáætlun fyrir árið 2008. Íþrótta- og æskulýðsfulltrúi mun vinna greiningu og tillögu niður á einstaka liði og senda nefndarmönnum þannig að fyrir næsta fund nefndarinnar á að vera komin mótuð tillaga.

Starfsáætlun framlögð.

 

Farið yfir fyrstu hugmyndir að uppsetningu á "Tómstundadegi í Borgarbyggð". Verkefnið rætt og íþrótta og æskulýðsfulltrúa falið að vinna málið áfram þannig að 2. febrúar 2008 verði þessi dagur að veruleika.

 

Á fundinn mættu Hanna Sigríður Kjartansdóttir forvarnarfulltrúi og Sigurþór Kristjánsson, starfsmenn Óðals, og kynntu stöðu mála. Forvarnarvika verður dagana 5.-8. nóvember í Grunnskólanum í Borgarnesi og félagsmiðstöðinni Óðal og öðrum grunnskólum sveitarfélagsins verður boðin þátttaka í verkefninu.

 

Íþrótta og æskulýðsfulltrúi sagði frá kynnisferð hans með FÍÆT, Félagi íþrótta- æskulýðs- og tómstundafulltrúa á Íslandi til Danmerkur.

 

Sameiginlegt námskeið var haldið fyrir starfsfólk íþróttamiðstöðva á Hótel Hamri í vikunni og tókst með eindæmum vel. Á dagskrá var þjónustunámskeið og fleiri mál sem starfsfólk þarf að kunna skil á.

 

Íþrótta og æskulýðsfulltrúi kynnti nýjan innkaupsamning við Olís vegna klór og sápu kaupa í sundlaugar sveitarfélagsins.

 

Fleira ekki gert, fundi slitið kl. 18:55

IndriðiJósafatsson

(sign)