Fara í efni

Sumarfjör - sumarnámskeið fyrir börn

Sumarfjör 2020

Starfsstöðvar: Borgarnes og Hvanneyri – Ferðir frá Baulu og Kleppjárnsreykjum

Kæru foreldrar/forráðamenn barna í 1.-4. bekk í Borgarbyggð. Hér koma upplýsingar varðandi Sumarfjörið 2020.

Skráning í Sumarfjör hefst í byrjun maí. Skráning fer fram í gegnum íbúagáttina á heimasíðu Borgarbyggð, www.borgarbyggd.is. Hver vika í Sumarfjörinu er þematengd, en aðaláhersla lögð á útivist og leiki. Dæmi um þemavikur er listavika, íþróttavika, ævintýravika, náttúruvika og fleira. Nánari upplýsingar um dagskrá finnið þið hér.

Hægt er að skrá barn hálfan dag frá kl. 09:00-12:00 eða frá kl. 13:00-16:00 á kr. 4.000 krónur fyrir vikuna.  Einnig er hægt að skrá barn heilan dag, frá kl. 09:00-16:00 á kr. 8.000 krónur fyrir vikuna. Systkinaafsláttur er á milli barna sem skráð eru í Sumarfjörið. Börnin mæta með nesti en á föstudögum munum við bjóða börnunum grillaðar pylsur. Þau börn sem eru allan daginn þurfa nesti fyrir þrjár máltíðir en þau sem eru hálfan daginn eina máltíð.

Þær vikur sem Sumarfjörið verður í boði eru:

  • Heimastöð: Skallagrímshúsið (UMSB húsið), 8. júní-17. júlí, 4.-19. ágúst.
  • Heimastöð: GBF-Hvanneyrardeild, 8.-30. júní, 4.-19. ágúst.

Boðið verður uppá ferðir frá Baulu (verslun) og Kleppjárnsreykjaskóla hvern morgun á leikjanámskeið á Hvanneyri og til baka seinnipartinn.

Þeir sem skrá barn í bílinn fá símtal þar sem verður farið betur yfir tímasetningar.

Síðari tvær vikurnar í júlí verður lokað á Hvanneyri. Þá mun bíllinn fara frá GBF-Hvanneyrardeild með börnin í Borgarnes.

Í ágúst eru börn fædd 2014 velkomin í Sumarfjörið.

Við mælum með að skrá börnin allar þær vikur sem þið haldið að þið munið nýta. Auðvelt er að breyta skráningu eftir á, þá sendið þið póst á sumarfjor@borgarbyggd.is. Símanúmer eru þau sömu og í frístund; Hvanneyri 776-6008 og Borgarnes 847-7997.
Yfirumsjón með Sumarfjöri hafa Svala Eyjólfsdóttir og Kristín Jónsdóttir, forstöðukonur í frístund í Borgarnesi og á Hvanneyri

Upplýsingar til foreldra