Fundargerð

2. fundur eldriborgararáðs Borgarbyggðar haldinn 18. febrúar 2009 kl. 14.00 í ráðhúsi Borgarbyggðar, Borgarbraut 14, Borgarnesi.

     Mættir:                         Sveinn G. Hálfdánarson

                                          Bjarni Arason

                                          Brynjólfur Gíslason

                                          Margrét Guðmundsdóttir

                                          Sigríður Blöndal

                                          Jenni R. Ólason

                                          Helga Guðráðsdóttir

                                          Guðrún Eggertsdóttir

                                         Auk þess sat Hjördís Hjartardóttir, félagsmálastjóri, fundinn.

1.      Formaður setti  fund og bauð fundarmenn velkomna.

2.      Fundargerð síðasta fundar var lögð fram til afgreiðslu og samþykkt.

Samþykkt var að framvegis skyldi afgreiðslu fundargerða ráðsins hagað með eftirgreindum hætti: Eftir hvern fund skal senda út fundargerðina í pósti og hafi fundarritara ekki borist athugasemdir 7 dögum frá útsendingu skoðast fundargerðin samþykkt.

3.      Rætt var um starfssvið ráðsins og starfsfyrirkomulag. Samþykkt var að félagsmálastjóri sitji þá fundi sem ráðið óskar eftir. Fram kom, að þrátt fyrir talsverða leit, hafi aðeins tekist að finna eitt sveitarfélag, sem hefði kannski sambærilega nefnd eða ráð í sinni stjórnskipan.

4.      Félagsmálastjóri greindi frá þeirri þjónustu sem sveitarfélagið býður eldri borgurum upp á í dag.

Samþykkt var að fá starfsmann frá Heilsugæslunni til að koma á fund hjá ráðinu til að segja frá þjónustu við eldri borgara á starfssvæði stofnunarinnar.

Einnig var samþykkt að fá formann stjórnar Dvalarheimilisins til að koma á fund eldriborgararáðsins og segja frá fyrirhugaðri stækkun Dvalarheimilis aldraðra og starfsemi DAB.

5.      Eftirfarandi ályktun var samþykkt:

“Eldriborgararáð Borgarbyggðar fagnar því að ráðið skuli vera tekið til starfa og lýsir yfir ánægju með erindisbréfið sem starfa ber eftir. Eldriborgararáðið leggur þunga áherslu á að samráð verði haft við ráðið áður en ákvarðanir verða teknar á hverjum tíma varðandi þennan málaflokk, eins og reyndar erindisbréfið kveður á um.”

Er líða tók á fundinn fékk ráðið óvænta heimsókn. Forseti Íslands Ólafur Ragnar Grímsson og Dorrit Moussaieff komu og heilsuðu upp á fundarmenn, en þau voru í heimsókn í Borgarnesi þennan dag.

Rætt var um að næsti fundur yrði haldinn í byrjun apríl.

                                       Fundi slitið

                                                      Guðrún Eggertsdóttir