Fólkvangurinn Einkunnir, fundur nr. 19
Dags. 19.6.2008
Umsjónarnefnd fólkvangsins Einkunna
19. fundargerð
Fundur var haldinn hjá umsjónarnefnd fólkvangsins í Einkunnum 19. júní 2008 kl.16:00 í ráðhúsi Borgarbyggðar, Borgarbraut 14, Borgarnesi.
Mættir voru:
Nefndarmenn:
Finnur Torfi Hjörleifsson
Hilmar Már Arason
Sigríður Bjarnadóttir
Umhverfis- og kynningarfulltrúi:
Björg Gunnarsdóttir
- Ræktunaráætlun.
Friðrik Aspelund kynnir, fyrir hönd Skógræktarfélags Borgarbyggðar, drög að ítarlegri ræktunaráæltun en áður hafði verið kynnt.
- Framkvæmdir við Álatjörn.
Lögð fram drög að skipulagi við Álatjörn. Nefndin samþykkir að ganga frá samningi við Borgarverk vegna framkvæmda við Álatjörn. Sótt verður um framkvæmdaleyfi á næsta fundi Skipulags- og byggingarnefndar og einnig verður beiðni um framkvæmdaleyfi send Umhverfisstofnun. Áætlað er að framkvæmdir hefjist í júlí og ljúki á haustmánuðum 2008.
- Aðrar framkvæmdir í sumar.
Hilmar M. Arason fór yfir verkefni sumarsins og hvernig staða þeirra væri.
Lögð er áhersla á að koma upp 2-3 ruslafötum í Einkunnum í sumar.
- Uppsetning fræðsluskilta í Einkunnum.
Björg Gunnarsdóttir, umhverfis- og kynningarfulltrúi, sækir um leyfi til uppsetningu sex fræðsluskilta í Einkunnum fyrir hönd Borgarbyggðar.
Samþykkt
- Hringsjá.
Finnur Torfi Hjörleifsson sagði frá ferð sinni með Jakobi Hálfdánarsyni til að sýna honum væntanlegt stæði fyrir Hringsjánna sem á að reisa þar sumarið 2010.
- Fundartími.
Ákveðið að hafa fundi 3. þriðjudag í hverjum mánuði og að næsti fundur yrði 19. ágúst.
- Önnur mál.
Óskað er eftir að Björg Gunnarsdóttir ræði við Sigurjón Jóhannsson dreifbýlisfulltrúa varðandi reglur þær sem gilda í fólkvangnum og benda á að sérstakt leyfi umsjónarnefndarinnar þarf fyrir veiðum í fólkvangnum.
Fundi slitið kl. 17:00
Til baka