Húsnefnd Valfells – 2. fundur, haldinn í Valfelli 12. október 2007.

Mætt: Þorkell Fjeldsted Ferjukoti, Ragnheiður Jóhannesdóttir Litlu-Brekku og Guðrún Kristjánsdóttir Ferjubakka. 

Formaður setti fund og byrjað var á að kíkja á síðustu fundargjörð til að athuga hvað hafi legið fyrir að gera fyrir húsið sem var m.a.: að slípa gólf í sal og á sviði. Skipta um krana á ofnum í eldhúsi og veitingaherbergi. Það hefur ekki enn verið gert, en gólfið verið slípað og lakkað og er mjög fallegt að sjá og er gott gólf. Einnig hefur verið keyptur ísskápur.

Nefndin rölti um húsið og kom þá fram hjá húsverði að eitthvað vandamál er með heita vatnið í eldhúsi og virðist sem túba í kjallara nái ekki að hita vatnið svo viðunandi sé. E.t.v. þarf að fá lítinn hitakút í eldhús.

Á kvennasalerni hefur málning flagnað af í lofti (horni v/gluggavegg) og við skoðun í sumar hafði komið í ljós að ekki virðist um leka af þaki að ræða en mála þarf þarna.

Veggljós í sal hafa lengi verið fá og þau sem eru líta illa út og eru úr sér gengin. Einnig í forstofu þarf endurnýjunar við. Á óskalista er einnig að mála húsið að utan. Gjaldskrá er að tillögu húsnefndar sem hér segir og hækkar um c.a. 15. %.

Veislur – leigutaki þrífur ekki = 28.500

Veislur – leigutaki þrífur = 19.500

Fundir – leigutaki þrífur = 8.000

Danskvöld = 4.600

Kórar = 2.800 pr. kvöld.

Staða hússins er þokkaleg fjárhagslega en lagt er til að fjárhagsáætlun hækki um það sem nemur verðbólgu.

Farið var yfir bréf frá Menningarnefnd Borgarbyggðar þar sem fram kemur að reynt verði að leita hagstæðra leiða í rekstrarfyrirkomulagi félagsheimila sem eru í eigu Borgarbyggðar að fullu eða að hluta en lagt til grundvallar að þau nýtist sveitarfélaginu og íbúum þess sem best. Ekki er á þessu stigi verið að tala um að selja húsin, en skoða mætti að auglýsa rekstur einhverra þeirra á markaði til reynslu í ákveðinn tíma, í samráði við aðra eignarhaldsaðila. Lýst er tillögum fyrir hvert húsanna 7 í eigu Borgarbyggðar.

Önnur mál

Fram kom aðð kvenfélagið Gufan í Borgarhreppi ætli að taka upp þráðinn úr hendi fyrrverandi kvenfélags hreppsins og halda jólasamkomu f. börn og er tillaga húsnefndar að lækka gjald vegna þeirrar samkomu.

Eftir kók og prince póló og lestur fundargjörðar var fundi slitið kl. 14.30.

                                                            Ritari húsnefndar: Guðrún Kristjánsdóttir (sign)