235. fundur Byggðarráðs Borgarbyggðar haldinn  í fundarsal í ráðhúsi að Borgarbraut 14 í Borgarnesi, fimmtudaginn 21. júní 2012 og hófst hann kl. 08:00

Fundinn sátu:
Björn Bjarki Þorsteinsson formaður, Ingibjörg Daníelsdóttir varaformaður, Geirlaug Jóhannsdóttir áheyrnarfulltrúi, Páll Snævar Brynjarsson sveitarstjóri og Finnbogi Leifsson aðalmaður.

Fundargerð ritaði:  Páll S. Brynjarsson, sveitarstjóri

Dagskrá:

1. 1206068 - Sótt um leyfi v/flutnings á fé á Oddsstaðaafrétt

Framlagt erindi frá Óskari Halldórssyni Krossi þar sem óskað er eftir leyfi til að flytja fé á Oddstaðaafrétt.
Byggðarráð getur ekki orðið við beiðni bréfritara

2. 1206055 - Boðað til aðalf. MB 21.júní 2012 kl.12:00

Samþykkt að Páll S. Brynjarsson fari með atkvæði Borgarbyggðar á fundinum. Fulltrúar Borgarbyggðar í stjórn MB verða; Vifill Karlsson, Hanna K. Þorgrímsdóttir, Geirlaug Jóhannsdóttir og Sigríður G. Bjarnadóttir. Varamenn þeirra verða Bjarki Þorsteinsson, Ulla Pedersen, Erla Stefánsdóttir og Bragi Þ. Svavarsson

3. 1206047 - Tillaga að eigendastefnu OR.

Byggðarráð samþykkti fyrirliggjandi tillögu að eigendastefnu Orkuveitu Reykjavíkur. Jafnframt gerir byggðarráð það að tillögu sinni að skipan áheyrnarfulltrúa Borgarbyggðar í stjórn fyrirtækisins verði sett í sameignarsamning.

4. 1206030 - Efnistaka, framkvæmdarleyfi og mat á umhverfisáhrifum

Framlagt bréf frá Umhverfisstofnun og Skipulagsstofnun um efnistöku, framkvæmdaleyfi og mat á umhverfisáhrifum.
Byggðarráð vísaði erindinu til umfjöllunar í umhverfis- og skipulagsnefnd.

5. 1206074 - Beiðni um skammtímaleyfi

Framlagt erindi Sigurði Erni Sigurðssyni þar sem óskað er eftir leyfi frá stöfum við Grunnskólann í Borgarnesi.
Byggðarráð samþykkti að veita starfsmanninum ársleyfi frá störfum.

6. 1206073 - Beiðni um skammtímaleyfi

Framlagt erindi frá Helgu Jensínu Svavarsdóttur þar sem óskað er eftir leyfi frá störfum við Grunnskólann í Borgarnesi.
Byggðarráð samþykkti að veita starfsmanninum ársleyfi frá störfum.

7. 1206072 - Kjörskrá vegna forsetakostninga

Framlögð kjörskrá í Borgarbyggð fyrir forsetakosningarnar sem fram fara 30. júní n.k. Á kjörskrá eru 2560.
Byggðarráð samþykkti kjörskrána

8. 1206075 - Lánasamningur við Lánasjóð sveitarfélaga

Sveitarstjórn Borgarbyggðar samþykkir hér með að taka lán hjá Lánasjóði sveitarfélaga að fjárhæð 95.000.000 kr., í samræmi við samþykkta skilmála lánveitingarinnar sem liggja fyrir fundinum. Til tryggingar láninu standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011. Er lánið tekið til að endurfjármagna hluta af afborgunum ársins 2012 hjá LS, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Páli S. Brynjarssyni kt.010365-4819, veitt fullt og ótakmarkað umboð til þess f.h. Borgarbyggðar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.

9. 1206041 - Vinnuhópur um skipulag sorphirðu

Framlagðar fundargerðir vinnuhóps um skipulag sorphirðu frá 25.04. og 23.05.

10. 1206044 - Bréf frá Kr. St. lögmannsstofu ehf.

Framlagt bréf frá Kristjáni Stefánssyni hrl. þar sem mótmælt er innheimtu á kostnaði vegna forðagæslu.
Byggðarráð samþykkti að óska eftir umsögn Inga Tryggvasonar hdl. um heimild Borgarbyggðar til að innheimta kostnað vegna forðagæslu.

11. 1206028 - Styrkbeiðni v/reksturs Aflsins 2012

Framlögð beiðni frá Aflinu- systursamtökum Stígamóta þar sem óskað er eftir styrk til starfsemi samtakanna.
Því miður sér Borgarbyggð sér ekki fært að veita samtökunum fjárstyrk.

12. 1206076 - Samgönguminjasafn í Brákarey

Byggðarráð samþykkti að veita Fornbílafjelagi Borgarfjarðar styrk að upphæð kr.200.000 vegna opnunar Samgönguminjasafns í Brákarey. Fjárveitingin verður tekin af liðnum 05.819 og verður hún viðauki við fjárhagsáætlun

13. 1206013 - Sala á Syðri-Hraundal

Rætt um sölu á jörðinni Syðri-Hraundal í Borgarbyggð, en sveitarstjórn vísaði málinu til frekari umræðu í byggðarráði.
Byggðarráð áréttar að um er ræða 709 hektara úr landi jarðarinnar neðan fjallgirðingar sem auglýstir eru til sölu.

14. 1205046 - Jarðvangur

Rætt um stofnun jarðvangs frá Berserkjahrauni að Grábrók, en sveitarstjórn vísaði málinu til umræðu í byggðarráði.
Byggðarráð tekur jákvætt í aðkomu að verkefninu og óskar eftir að fá fulltrúa í undirbúningshópinn.

15. 1205010 - Verkefnisstjóri Borgarfjarðarstofu, drög að starfslýsingu.

Rætt um drög að starfslýsingu fyrir starf verkefnisstjóra Borgarfjarðarstofu, en sveitarstjórn vísaði málinu til frekari umræðu byggðarráði.
 

16. 1205119 - Dómur Héraðsdóms Vesturlands

Rætt um dóm Héraðsdóms Vesturlands í máli Borgarbyggðar gegn Arion-banka.
Byggðarráð samþykkti að áfrýja málinu til Hæstaréttar.
 

17. 1206077 - Skólaakstur - niðurstöður útboðs 2012

Rætt um tilboð sem bárust í skólaakstur.
Sveitarstjóra falið að vinna áfram að málinu.

18. 1206078 - Bréf frá Davíð Ólafssyni og Einari S. Traustasyni vegna útboðs á skólaakstri.

Framlagt bréf frá Davíð Ólafssyni og Einar S. Traustasyni þar sem þeir gera athugasemdir við útboðsgögn vegna skólaaksturs og krefjast þess að sveitarstjórn ógildi útboðið.
Þar sem fyrir liggur að lögð hefur verið fram kæra vegna útboðs á skólaakstri samþykkti byggðarráð Borgarbyggðar að tilboðum verði ekki tekið í hinu kærða útboði fyrr en niðurstaða kærunefndarinnar um stöðvunarkröfu liggur fyrir.
 

19. 1206082 - Vatnsveita í Reykholtsdal

Rætt um stöðu á fyrirhuguðum framkvæmdum við nýja vatnsveitu í Reykholtsdal.
Byggðarráð hefur kallað eftir tímaáætlun frá Orkuveitu Reykjavikur vegna framkvæmda við vatnsveitu í Reykholtsdal og væntir svara innan skamms
 

20. 1205028 - Stofnun námsvers v/Grunnskólann í Borgarnesi fyrir nemendur á einhverfurófi.

Á fundinn komu Ásthildur Magnúsdóttir fræðslustjóri og Ásta B. Björnsdóttir sérkennsluráðgjafi og greindum frá undirbúningi að stofnun námsvers fyrir einhverf börn í Borgarbyggð.
Byggðarráð lýsir yfir ánægju með undirbúningsvinnu að stofnun námsvers og býður Ástu B. Björnsdóttur velkomna til starfa.
 

21. 1206083 - Viðbragðsáætlun

Rætt um viðbrögð Borgarbyggðar þegar alvarleg slys eða óhöpp verða í sveitarfélaginu.
Byggðarráð samþykkti að fela velferðarnefnd að vinna drög að viðbragðsáætlun þegar um alvarleg slys eða óhöpp verða í sveitarfélaginu.

22. 1206085 - Starfsmannamál

Rætt um starfsmannamál.
Sveitarstjóra falið að vinna áfram málinu.
 

23. 1206084 - Samþykkt um skipan samastarfsnefndar Akraneskaupstaðar, Hvalfjarðarsveitar, Skorradalshrepps og Borgarbyggðar um fjallskil

Framlögð samþykkt um skipan stjórn fjallskiladeildar Akraneskaupstaðar, Hvalfjarðarsveitar, Skorradalshrepps og Borgarbyggðar. Samkvæmt henni hefur Borgarbyggð rétt á að kjósa tvo fulltrúa í nefndina.
Samþykkt að óska eftir tilnefningum frá Fjallskilanefnd Borgarbyggðar í stjórnina.
 

24. 1206081 - Fjárhagsáætlun og rauntölur jan. - maí 2012

Á fundinn mætti Einar G. Pálsson fjármálafulltrúi og fór yfir rekstur Borgarbyggðar fyrstu fimm mánuði árins 2012.
Fjármálafulltrúa falið að funda með forstöðumönnum stofnana þar sem um frávik frá fjárhagsáætlun er að ræða.
 

25. 1206053 - Breyting á greiðsluröð afborgana lána frá Depfa og Dexia bönkunum.

Framlagt bréf Orkuveitu Reykjavíkur frá 18. þ.m. um samþykkt stjórnar OR um breytingu á greiðsluröð afborgana lána frá Depfa bankanum. Óskað er staðfestingar á breytingunum. Jafnframt eru framlögð umsögn fjármálastjóra Reykjavíkurborgar og umsögn frá fjármálaskrifstofu og borgarlögmanni frá 19. s.m. um erindið.

Þá var framlagt bréf Orkuveitu Reykjavíkur frá 18. þ.m. um samþykkt stjórnar OR um breytingu á greiðsluröð afborgana lána frá Dexia bankanum. Óskað er staðfestingar á breytingunum. Jafnframt er lögð fram umsögn fjármálastjóra Reykjavíkurborgar og sameiginleg umsögn fjármálaskrifstofu og borgarlögmanns frá 19. s.m. um erindið.

Byggðarráð samþykkti bæði erindin.

26. 1206021 - Framkvæmdir 2012

Byggðarráð samþykkir að fela forstöðumanni umhverfis- og skipulagssviðs að malbika bílastæði og snúningsplan á lóð Grunnskóla Borgarfjarðar á Hvanneyri árið 2012. Janframt óskar byggðarráð eftir frekari gögnum um gatnahönnun vegna fyrirhugaðra breytinga á Brúartorgi í Borgarnesi.
 

27. 1206042 - Fundargerð bygginganefndar 04.06.

Framlögð fundargerð byggingarnefndar DAB frá 04.06.
 

Fleira ekki gert. Fundi slitið kl. 12:00