Barnapakki
Hugmyndin
Það er fagnaðarefni og ánægjuleg tímamót í hverju samfélagi þegar nýr einstaklingur fæðist í heiminn og Borgarbyggð vill leggja sitt af mörkum til að taka vel á móti nýjum einstaklingum. Innan þriggja mánaða frá fæðingu barns fá foreldrar barnapakka með ýmsum nauðsynjavörum og er markmið barnapakkans að létta undir með foreldrum á þessum skemmtilegu en eflaust krefjandi tímum.
Hugmyndin af þessu verkefni er fengin frá Finnlandi og Noregi.
Barnapakki Borgarbyggðar var fyrst afhentur á Heilsugæslunni í Borgarnesi miðvikudaginn 13. febrúar 2019.
Innihald barnapakkans 2023
- Þvottastykki, taubleyjur og poka utan um Barnapakkann í boði Öldunnar.
- Húfur prjónaðar af konum í Félagi eldri borgara í Borgarnesi og nágrenni með garni í boði Brúartorgs.
- Vandaður ullargalli í boði Kaupfélags Borgfirðinga.
- Bleyjur, blautþurrkur, snuð, mat og ýmislegt annað sem gagnast bæði foreldrum og barni í boði Nettó.
- Prjónuð þvottastykki í boði Vinnustofunnar í Brákarhlíð.
Samstarfsaðilar 2023
Þetta verkefni er unnið af Borgarbyggð í samtarfi við fyrirtæki í sveitarfélaginu og starfsfólk ungbarnaeftirlits Heilbrigðisstofnunar Vesturlands í Borgarnesi. Árið 2023 eru samstarfsaðilar eftirfarandi:
- Aldan - vinnustofa
- Vinnustofa Brákarhlíðar
- Félag eldri borgara í Borgarnesi og nágrenni
- Kaupfélag Borgfirðinga
- Nettó
- Brúartorg
Borgarbyggð og samstarfsaðilar um Barnapakka Borgarbyggðar bjóða nýjan einstakling velkominn og óska honum og foreldrum hans alls hins besta.