Byggðarráð Borgarbyggðar

Mættir voru:

Aðalfulltrúar: Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafssonsem ritaði fundargerð

Eftirfarandi var tekið fyrir:

Framlagt bréf dagsett 18.10. 2006 frá stjórnarformanni Dvalarheimilis aldraðra í Borgarnesi vegna breytinga á samþykktum fyrir heimilið.

Samþykkt var skipa eftirtalda í fulltrúaráð Dvalarheimilisins:

Finnbogi Rögnvaldsson, Sigríður Björk Jónsdóttir, Haukur Júlíusson, Þór Þorsteinsson, Björn Bjarki Þorsteinsson, Torfi Jóhannesson, Ingunn Alexandersdóttir, Þórvör Embla Guðmundsdóttir, Sveinbjörn Eyjólfsson, Finnbogi Leifsson, Jenný Egilsdóttir og Guðbjörg Sigurðardóttir.

 

Framlagt erindi frá félagsmálanefnd Alþingis þar sem óskað er umsagnar um frumvarp til laga um lögheimili og skipulags- og byggingarlög.

Samþykkt að óska eftir umsögn skipulags- og byggingarnefndar um frumvarpið.

Framlagt bréf dagsett 13.10. 2006 frá Böðvarr ehf. um skilgreiningu á byggingu húsa í Skeljabrekkulandi.

Afgreiðslu frestað og óskað eftir umsögn frá skipulags- og byggingarnefnd.

Framlagt minnisblað skrifstofustjóra um vátryggingar sveitarfélagsins.

Samþykkt að fela skrifstofustjóra að bjóða út tryggingar sveitarfélagsins.

Rætt um stöðu mála við Borgarbraut 55 - 59.

Samþykkt var að bjóða fulltrúum Skipulagsstofnunar til fundar við fulltrúa Borgarbyggðar 03. nóvember n.k.

Framlagt bréf dagsett 20.10. 2006 frá Tryggva Gunnarssyni vegna umferðarmála í Borgarnesi.

Samþykkt að fela sveitarstjóra að svara við bréfritara.

Framlögð styrkumsókn vegna atvinnumála.

Byggðarráð telur ekki hægt að verða við erindinu.

Framlagt bréf dagsett 12.10. 2006 frá foreldrum barna með börn á leikskólanum við Skallagrímsgötu sem einnig eiga börn á leikskólanum Klettaborg um niðurfellingu á kortersgjaldi.

Samþykkt að verða við erindinu.

Framlagt erindi dagsett 02.10.06 frá Orkuveitu Reykjavíkur þar sem óskað er eftir heimild eigenda til að gera ISDA mastersamninga.

Byggðarráð samþykkti erindið fyrir sitt leyti.

Framlagt bréf frá Kvennaathvarfinu þar sem óskað er eftir styrk til starfsemi athvarfsins fyrir árið 2007.

Samþykkt að veita styrk að upphæð kr. 50.000,- á árinu 2007.

Framlagður verksamningur við Nýverk ehf. vegna byggingar leikskóla við Ugluklett.

Byggðarráð samþykkti samninginn með 2 atkv. Bjarki sat hjá við afgreiðslu vegna tengsla við aðila málsins.

Framlagður verksamningur við Loftorku vegna fráveituframkvæmda við Engjaás.

Byggðarráð samþykkti með 2 atkv. að heimila sveitarstjóra að undirrita samninginn og var jafnframt samþykkt að óska eftir fundi með forsvarsmönnum Loftorku.

Sveinbjörn sat hjá við afgreiðslu málsins og lagði fram svohljóðandi bókun:

"Undirritaður kýs að sitja hjá og bendir á að upphæð verksamnings gefur fyllsta tilefni til að verkið verði boðið út."

Framlagt yfirlit um fasteignir sveitarfélagsins sem eru í leigu.

Samþykkt að óska eftir umsögn félagsmálastjóra um þörf fyrir félagslegt íbúðarhúsnæði.

Samþykkt var að fela skrifstofustjóra að gera tillögu að reglum um leigugreiðslur íbúða.

Á fundinn mætti Theódóra Þorsteinsdóttir til viðræðna um rekstur Tónlistarskóla Borgarfjarðar.

Á fundinn mætti Páll Björgvinsson vegna fyrirspurnar hans um lóð fyrir veitingahús í Borgarnesi.

Samþykkt var að hafna beiðni Páls um að byggja veitingahús á plani við Bjargsafleggjara.

Einnig var samþykkt að fela forstöðumanni framkvæmdasviðs að kanna aðra möguleika á lóð fyrir veitingastað.

Sveinbjörn tók fram að hann vildi að það væri á skipulagðri lóð fyrir slíka starfsemi.

Rætt um fjárhagsáætlun fyrir árið 2007.

Framlögð tillaga að greiðslum fyrir refa- og minkaveiðar í Borgarbyggð 2006 - 2007.

Samþykkt að vísa tillögunni til landbúnaðarnefndar og umhverfisnefndar.

Rætt um friðlýsingu Hraundalsréttar sem er í landi Syðri-Hraundals.

Samþykkt að sækja um friðlýsingu til Minjavarðar Vesturlands.

Rætt um val á hönnuðum til að leggja fram skipulagstillögur um Brákarey.

Framlögð var beiðni Högna Gunnarssonar að setja til bráðabirgða íveruhús á sumarbústaðalóð í landi Múlasels.

Erindið var áður samþykkt á fundi skipulags- og bygginganefndar 14.10.06

Samþykkt að verða við beiðninni.

 

Lagt var fram endurskoðað tilboð frá Nepal ehf í heimasíðugerð fyrir Borgarbyggð.

Byggðarráð samþykkti tilboðið.

Samþykkt var svohljóðandi tillaga að breytingu á deiliskipulagi Brúartorgs (tillaga að deiliskipulagi á gamla íþróttavellinum í Borgarnesi):

"Byggðarráð Borgarbyggðar tók ofangreint mál fyrir að nýju að lokinni auglýsingu þess, athugasemdafresti, svörum við athugasemdum og fundi á Skipulagsstofnun um málið. Gerðar hafa verið ýmsar minniháttar breytingar og lagfæringar frá auglýstri og samþykktri tillögu, sem tíundaðar eru á deiliskipulagsuppdrættinum sem dagsettur er 7.7.2006 og síðast breyttur 20.10.2006. Að mati byggðarráðs eru umræddar breytingar og lagfæringar þess eðlis að þær eru ívilnandi fremur en íþyngjandi og til þess fallnar að skýra og upplýsa nánar óljós atriði. Í ljósi þess leggur byggðarráð til að auglýsa tillöguna ekki að nýju og samþykkir fyrirliggjandi breytingu á deiliskipulagi Brúartorgs. Ennfremur telur byggðarráð að umræddar breytingar og lagfæringar kalli ekki á að svara þurfi athugasemdum að nýju."

Framlagt bréf Ásbergs Jónssonar dags. 23.10.06 varðandi heimild til að flytja fé frá Hjarðarholti að Hraunholtum.

Byggðarráð gerir ekki athugasemdir við flutninginn ef Landbúnaðarstofnun leyfir að hann fari fram.

Lagðar voru fram umsóknir um starf umsjónarmanns fasteigna í Borgarnesi sem auglýst var fyrir skömmu.

Byggðarráð samþykkti að ráða Bjarna Guðjónsson í starfið.

a. Fundargerð frá fundi í skólanefnd Fjölbrautarskóla Vesturlands 03.10.06.

b. Fundargerð frá fundi í umsjónarnefnd fólkvangsins í Einkunnum dags. 04.10.06

c. Bréf frá Landgræðslu ríkisins 06.10.06.

Fleira ekki gert.

Fundargerðin upplesin og

samþykkt samhljóða.

 

Fundi slitið kl. 12,00.