Byggðarráð Borgarbyggðar

Mættir voru:

Aðalfulltrúar: Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagður samningur við landeigendur að Bjargi vegna kaupa á spildu úr landi Bjargs.

Byggðarráð samþykkti samninginn.

Framlagð tillaga um afslátt á fasteignaskatts elli- og örorkulífeyrisþega.

Byggðarráð samþykkti tillöguna.

Framlagt erindi frá Matthildi Gestsdóttur Lambalæk dagsett 11.01 2007 vegna skólaaksturs.

Samþykkt að vísa erindinu til fræðslunefndar.

Framlagt erindi frá Upplýsinga- og kynningarmiðstöð Vesturlands þar sem óskað er eftir hækkun á rekstrarframlagi Borgarbyggðar vegna ársins 2007.

Byggðarráð samþykkti að hækka ekki framlagið en sveitarstjóra var falið að ræða við bréfritara.

Rætt um fyrirspurnir sem borist hafa vegna fasteignagjalda á eignum Borgarness og Reykholtskirkna.

Afgreiðslu var frestað og óskaði byggðarráð eftir upplýsingum um hvort þessir aðilar hafi fengið afslátt á undanförnum árum og með hvaða hætti.

Framlagt bréf frá Orkuveitu Reykjavíkur í tilefni af vígslu Grábrókarveitu.

Byggðarráð þakkar Orkuveitunni fyrir vatnspóst sem Borgarbyggð var færður að gjöf af þessu tilefni og þakkar einnig samstarf um hátíðahöld við vígsluna.

Framlögð viljayfirlýsing um kaup Borgarbyggðar á raforku frá Orkuveitu Reykjavíkur. Jafnframt eru framlögð drög að samningi við OR vegna raforkukaupa.

Sveitarstjóra var falið að vinna áfram að málinu.

Framlagt erindi frá Nafnfræðifélaginu dagsett 02.01. 2007 þar sem óskað er eftir þátttöku Borgarbyggðar í 14. norrænu nafnaráðstefunni sem fram fer í Borgarnesi í ágúst 2007.

Byggðarráð tók jákvætt í erindið og var sveitarstjóra falið að ræða við bréfritara.

Framlagt yfirlit yfir útköll hjá slökkviliði Borgarbyggðar á árinu 2006.

Samþykkt var að óska eftir samsvarandi yfirliti frá slökkviliði Borgarfjarðardala.

Rætt um reglur um úthlutun lóða í Borgarbyggð.

Framlagt erindi frá Skógræktarfélagi Borgarfjarðar dagsett 04.01. 2007 þar sem óskað er eftir stuðningi við starfsemi félagsins á árinu 2007.

Samkvæmt fjárhagsáætlun Borgarbyggðar 2007 er gert ráð fyrir framlagi til Skógræktarfélagsins.

Framlagt erindi frá Inga Tryggvasyni hdl. vegna landskipta eigenda jarðanna Stóra Fjalls og Túns í Borgarbyggð.

Afgreiðslu frestað og samþykkt að óska frekari upplýsinga um málið.

Rætt um skipan vinnuhóps vegna nýframkvæmda við leikskólann Andabæ.

Samþykkt var að í vinnuhópnum verði þrír fulltrúar skipaðir af fræðslunefnd, leikskólastjóri, fulltrúi frá foreldrafélagi skólans og fulltrúi frá starfsmönnum. Fræðslustjóri mun vinna með hópnum.

Framlögð fundargerð frá fundi í vinnuhópi um umferðaröryggismál í Borgarbyggð.

Byggðarráð samþykkti tillögur vinnuhópsins. Framkvæmdasviði var falið að hrinda tillögunum í framkvæmd.

Framlagður samningur við ábúendur á Brekku í Norðurárdal um leigu á spildu undir rétt og innrekstrarhólf í landi Brekku.

Byggðarráð samþykkti samninginn.

Framlagt minnisblað frá félagsmálastjóra vegna reksturs á bil fyrir fatlaða.

Samþykkt var að fela félagsmálastjóra að afla frekari gagna um málið.

Framlagt erindi frá Heimamönnum ehf. dagsett 09.01. 2007 þar sem óskað er eftir afnotum af íþróttamiðstöðinni í Borgarnesi vegna Góugleði 2007.

Bjarki vék af fundi meðan þessi liður var ræddur.

Byggðarráð samþykkti að verða við erindinu. Sveitarstjóra var falið að semja við umsækjendur um málið.

Framlögð bréf frá Guðna Ásgeirssyni og Eðvar Ó. Traustasyni þar sem þeir skila inn lóðum nr. 5 og 3 við Stekkjarholt í Borgarnesi.

Jafnframt var framlögð umsókn frá Elvu Pétursdóttur um lóð nr. 5 við Stekkjarholt.

Byggðarráð samþykkti að úthluta lóðinni til Elvu.

Samþykkt var að heimila að íbúð að Hrafnakletti 4 (03-01) verði seld.

Sveitarstjóra var falið að láta verðmeta eignina.

Samþykkt var að fela framkvæmdasviði að meta kostnað við viðhald og nauðsynlegar breytingar á skólamannvirkjum grunnskólanna á Varmalandi og Kleppjárnsreykjum á grundvelli fyrirliggjandi skýrslu vinnuhóps um skipan skólahverfa í Borgarbyggð.

Framlögð voru tilboð í áhaldahúsvinnu sem opnuð voru 16. janúar 2007 að undangengnu útboði.

Tilboð bárust frá eftirtöldum:

H.S. verktak kr. 12.439.635,-

Íslenska gámafélagið “ 14.395.482,-

Borgarverk ehf. “ 22.500.000,-

Fjárhagsáætlun framkvæmdasviðs var kr. 15.822.770,-

Samþykkt var að fela framkvæmdasviði að ganga til samninga við H.S. verktak á grundvelli tilboðsins.

a. Fundargerð frá fundi í deiliskipulagshópi Hvanneyrar

b. Bréf frá Hestamannafélaginu Skugga þar sem kynntar eru ályktanir frá landsþingi LH, sem og bréf vegna afstöðu Skugga til svæðis fyrir akstursíþróttir í landi Hamars. Áður kynnt á fundi byggðarráðs 06.12. 2006.

c. Bréf frá Jöfnunarsjóði sveitarfélaga varðandi framlag vegna sérþarfa fatlaðra í grunnskólum árið 2007.

d. Bréf frá menntamálaráðuneytinu vegna breytinga á grunnskólalögum.

Að loknum fundi fóru fundarmenn ásamt forstöðumanni framkvæmdasviðs í heimsókn á bæjarskrifstofuna í Hveragerði og ræddu við Aldísi Hafsteinsdóttur bæjarstjóra.

Fleira ekki gert.

Fundi slitið kl. 10,oo