Byggðarráð Borgarbyggðar

Mættir voru:

Aðalfulltrúar: Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt bréf samgöngunefndar alþingis dagsett 22.02. 2007 þar sem óskað er umsagnar um samgönguáætlun fyrir árin 2007-2010.

Sveitarstjóra var falið að senda umsögn. Þar verði lögð áhersla á að færsla þjóðvegar 1 við Borgarnes verði flýtt frá því sem er í tillögu að samgönguáætlun þannig að framkvæmdum verði lokið á yfirstandandi kjörtímabili sveitarstjórnar. Brýnt er að hefja undirbúning þegar í stað.

Einnig leggur byggðarráð áherslu á að fé til safn- og tengivega verið aukið enn frekar en nú er gert ráð fyrir í tillögunni.

Jafnframt er framlagt minnisblað formanns byggðarráðs um safn- og tengivegi.

Framlagður verksamningur við Borgarverk vegna yfirborðsfrágangs í Stöðulsholti.

Byggðarráð gerði athugasemdir við dagsetningar í þriðju grein en að öðru leiti var samningurinn samþykktur með 2 atkv. SE sat hjá.

Framlagt erindi dagsett 19.02. 2007 frá Borgarfjarðardeild Rauðakrossins vegna þjónustu við innflytjendur í Borgarbyggð.

Samþykkt að vísa erindinu til vinnuhóps um málefni innflytjenda og kynningar í félagsmálanefnd.

Framlagt bréf dagsett 23.02. 2007 frá forsvarsmönnum Loftorku ehf. vegna sumarlokunar leikskóla í Borgarnesi.

Samþykkt að vísa bréfinu til fræðslunefndar.

Framlagt tilboð frá Borgarverki í bergskeringu við Vallarás í Borgarnesi.

Tilboðið var samþykkt með 2 atkv. SE sat hjá.

Framlagt minnisblað sveitarstjóra vegna uppgjörs fyrir vinnu Teiknistofu Guðrúnar Jónsdóttur við aðalskipulagsgerð fyrir Borgarfjarðarsveit.

Sveitarstjóra var falið að vinna áfram að málinu.

Rætt um stjórnsýslu Borgarbyggðar.

Samþykkt var að fela sveitarstjóra að hefja undirbúning að innleiðingu samningastjórnunar hjá Borgarbyggð.

Á fundinn mættu Indriði Jósafatsson íþrótta- og æskulýðsfulltrúi og Hjördís Hjartardóttirfélagsmálastjóri til viðræðna um vímuvarnir.

Samþykkt var að fela tómstundanefnd að skipa vímuvarnarhóp og óska eftir samstarfsaðilum.

Samþykkt var að fela tómstundanefnd að gera reglur um úthlutun tíma í íþróttahúsum sveitarfélagsins.

Á fundinn mættu Bergþór Kristleifsson og Snorri Jóhannesson og kynntu hugmyndir um uppbyggingu skíðasvæðis við Ok.

Samþykkt var að fela tómstundanefnd að láta kanna málið frekar.

Framlögð drög að svörum vegna athugasemda við deiliskipulagstillögu fyrir Borgarbraut 55-59 í Borgarnesi.

Samþykkt var að fela framkvæmdasviði að fullvinna svörin og leggja fram á næsta fundi sveitarstjórnar.

Rætt um skipulagsmál í gamla miðbænum í Borgarnesi.

Samþykkt var að fela framkvæmdasviði að ljúka við gerð deiliskipulags við Brákarbraut 11-15.

Framlagður var lóðaleigusamningur vegna Brákarbraut 11.

Samþykkt var að fela framkvæmdasviði að láta fjarlægja húsið að Brákarbraut 11a.

Rætt um stöðuna í viðræðum Launanefndar sveitarfélaga og Kennarsambands Íslands.

Samþykkt var að óska eftir fundi með fulltrúa Launanefndar sveitarfélaga um málið.

Framlögð umsókn Hlyns Ólafssonar um lóð við Kjartansgötu.

Samþykkt að hafna umsókninni þar sem ekki er um skipulagða byggingarlóð að ræða.

Samþykkt var að skipa Þórólf Sveinsson, Snorra Jóhannesson og Óðinn Sigþórsson í þriggja manna vinnuhóp sem geri tillögu um með hvaða hætti sveitarfélagið afli upplýsinga um landamerki eignarlands síns.

Lagt var fram yfirlit um álagningu fasteignagjalda ársins 2007.

Samþykkt var að fela skrifstofustjóra að taka saman upplýsingar um álagningu fasteignagjalda í nágrannasveitarfélögum Borgarbyggðar.

Á fundinn mætti Sigurður Páll Harðarson forstöðumaður framkvæmdasviðs.

Samþykkt var að fela framkvæmdasviði að leggja fram áætlun um endurbætur á götum og gangstéttum og nýframkvæmdum við götur og göngustíga.

Byggðarráð felur skipulags- og bygginganefnd að gera tillögu að vegtengingu við væntanlegt byggingarsvæði vestan Borgarvogs.

Kynnt var tillaga Vegagerðarinnar að nýrri veglínu þjóðvegar 54.

Samþykkt var að fela framkvæmdasviði að leggja fram tillögur að nýrri veglínu þjóðvegar 54 við Borgarnes í samráði við Vegagerðina.

Samþykkt var að fela framkvæmdasviði að láta loka bráðabirgðainnkeyrslu á lóð Skeljungs við Brúartorg.

Framlögð var beiðni Skorradalshrepps að kaupa þjónustu af Borgarbyggð á sviði skipulags- og byggingarmála.

Samþykkt að vísa erindinu til sveitarstjórnar.

Fleira ekki gert.

Fundargerðin upplesin og samþykkt samhljóða.

Fundi slitið kl. 11,55.