Byggðarráð Borgarbyggðar

Mættir voru:

Aðalfulltrúar: Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagður ársreikningur 2006 fyrir Héraðsnefnd Mýrasýslu.

Byggðarráð samþykkti ársreikninginn.

Framlagt samkomulag við Stoðir ehf. um staðsetningu flaggstanga við Digranesgötu 6 í Borgarnesi.

Byggðarráð samþykkti samkomulagið.

Framlagt bréf félagsmálastjóra þar sem gerð er grein fyrir niðurstöðu könnunar á félagslegu húsnæði í sveitarfélaginu. Jafnframt framlögð tillaga að reglum um leigurétt og úthlutun félagslegra íbúða hjá Borgarbyggð.

Samþykkt að fela sveitarstjóra að kanna kosti þess að selja hluta af félagslegum íbúðum sveitarfélagsins.

Byggðarráð samþykkti tillögu að reglum um leigurétt og úthlutun félagslegra íbúða.

Framlagt erindi frá Svandísi Þorsteinsdóttur og Páli H. Jónssyni þar sem óskað er eftir að spilda úr landi Signýjarstaða, alls 1,8 hektari verði gerð að séreign og tekin undan landbúnaðarnotkun. Fyrirhuguð landnotkun er lóð fyrir íbúðarhús.

Byggðarráð samþykkti erindið.

Framlögð drög að samkomulagi um slit á samstarfi um Slökkvilið Borgarfjarðardala sem og drög að þjónustusamningi við Skorrdalshrepp um brunavarnir.

Samþykkt að fela sveitarstjóra að vinna áfram að málinu.

Jafnframt rætt um brunavarnaráætlun fyrir Borgarbyggð, Skorradalshrepp og Eyja- og Miklaholtshrepp.

Framlögð drög að samkomulagi um slit á byggðasamlagi um Tónlistarskóla Borgarfjarðar sem og drög að þjónustusamningi við Skorradalshrepp.

Byggðarráð samþykkti samkomulag um slit á byggðasamlaginu og var sveitarstjóra falið að vinna áfram að þjónustusamningnum.

Framlagðir samningar við Skorradalshrepp um félagsþjónustu og um vistun barna á leikskólanum Andabæ í Borgarbyggð.

Byggðarráð samþykkti samningana.

Rætt um starfsemi Safnahúss Borgarfjarðar.

Byggðarráð tekur jákvætt í að sýningin um Pourqui-pas? verði höfð opin í sumar og var samþykkt að heimila forstöðumanni Safnahúss að ráða minjavörð í hálft starf

Framlagt minnisblað fræðslustjóra um biðlista eftir leikskólaplássum á leikskólum í Borgarbyggð.

Framlögð erindi frá 17. fundi fræðslunefndar.

Samþykkt að Sóley Sigurþórsdóttir verði ráðgjafi verkefnisins byrjendalæsi.

Samþykkt var að fela skólastjóra að ráða starfsmann við skólaskjól Grunnskólans í Borgarnesi.

Fræðslunefnd leggur til að fimmti bekkur verði starfræktur við Grunnskóla Borgarfjarðar á Hvanneyri næsta skólaár. Byggðarráð samþykkir að kostnaði verði vísað til endurskoðunar fjárhagsáætlunar.

Framlögð erindi frá 18. fundi fræðslunefndar.

Framlögð uppsögn skólastjóra Varmalandsskóla. Byggðarráð felst á uppsögnina og var samþykkt að fela sveitarstjóra að auglýsa starf skólastjóra Varmalandsskóla laust til umsóknar.

Rætt um almannvarnir í Borgarbyggð.

Byggðarráð ítrekar fyrri beiðni um að almannavarnanefnd Mýra- og Borgarfjarðarsýslu verði kölluð saman til fundar.

Framlögð tillaga Vegagerðarinnar um skiptingu á safnvegafé fyrir árið 2007.

Samþykkt var að vísa þeim hluta sem snýr að Mýrasýslu til landbúnaðarnefndar en það sem snýr að Borgarfjarðarsýslu verður tekið til umfjöllunar hjá Héraðsnefnd Borgarfjarðarsýslu.

Rætt um verkefni Búnaðarsamtaka Vesturlands um brunavarnir í sveitum.

Byggðarráð samþykkti að taka þátt í verkefninu og var kostnaði vísað til endurskoðunar fjárhagsáætlunar.

Framlagt bréf dagsett 04.05. 2007 frá Jón S. Þorbergssyni og Ólöfu H. Sigurðardóttur vegna uppskipta á jörðinni Skíðsholtum í Borgarbyggð.

Byggðarráð samþykkti erindið.

Framlagður og samþykktur ársreikningur Héraðsnefndar Borgarfjarðarsýslu fyrir árið 2006.

Framlögð fundargerð frá fundi í Héraðsnefnd Borgarfjarðarsýslu sem fram fór 26. apríl s.l. Jafnframt rætt um þau verkefni sem Borgarbyggð tekur yfir eftir Héraðsnefnd Borgarfjarðarsýslu.

Samþykkt var að leggja til að landbúnaðarnefnd taki yfir málefni fjallskilanefndar, málefni samgöngunefndar fari undir landbúnaðarnefnd og málefni gróðurverndarnefndar og náttúruverndarnefndar fari undir umhverfisnefnd.

Rætt um húsnæðismál á Varmlandi.

Framlagt minnisblað frá framkvæmdasviði.

Á fundinn mætti forstöðumaður framkvæmdasviðs.

Rætt um umhverfismál í Borgarbyggð.

Erindinu er vísað til byggðarráðs frá sveitarstjórn eftir umfjöllun um fundargerð umhverfisnefndar frá 3. maí s.l.

Samþykkt var að fela umhverfisfulltrúa að vinna verkáætlun fyrir Staðardagskrá 21 í Borgarbyggð og leggja fyrir sveitarstjórn í byrjun júní.

Erindinu er vísað til byggðarráðs frá sveitarstjórn eftir umfjöllun um fundargerð umhverfisnefndar frá 3. maí s.l.

Samþykkt að fela framkvæmdasviði að kostnaðarmeta gerð malarplans fyrir stóra bíla við Vesturás.

Framlagt minisblað frá vinnuhópi um breytingar á stjórnsýslu Borgarbyggðar.

Rætt var um þjónustu við eldri borgara og öryrkja.

Samþykkt var að fela framkvæmdasviði að taka saman kostnað við garðslátt hjá eldri borgurum og öryrkjum.

Framlagt bréf Ragnars Olgeirssonar varðandi greiðslur fyrir heimilisþjónustu.

Sveitarstjóra var falið að svara bréfritara.

Rætt um ónotaðar eignir sveitarfélagsins.

Forstöðumaður framkvæmdasviðs fór yfir vinnu við gerð verksamninga vegna nýlegra útboða sveitarfélagsins.

Framlagt álit lögmanns Borgarbyggðar á tilboðum sem bárust í verkið Gatnagerð í Borgarnesi, Bjargsland II og hesthúsahverfi.

Með vísan í grein 0.1.1. var samþykkt að hafna tilboði lægstbjóðenda og var forstöðumanni framkvæmdasviðs falið að ganga til samninga við Borgarverk ehf. sem átti næst lægsta tilboð í verkið.

Samþykkt var með 2 atkv. gegn 1 (SE) að fela forstöðumanni framkvæmdasviðs að ganga til samninga við HS-verktak um gangstéttaviðgerðir - gangbraut, skv. framlagðri magnskrá.

Sveinbjörn lagði fram svohljóðandi bókun:

"Þar sem umfang þessara verkefna er mun meira en gert var ráð fyrir sem viðhald gangstétta í útboði á áhaldahúsvinnu tel ég eðlilegt að verkefnið verði boðið út að stærstum hluta."

Finnbogi lagði fram svohljóðandi bókun:

"Það er skoðun meirihluta byggðarráðs að samningur við HS-verktak um þetta verk, þjóni hagsmunum sveitarfélagsins."

Samþykkt að fela framkvæmdasviði að láta endurgera grjótvörn við Brákarsund og malbika plan og bílastæði við Skúlagötu 3, 5 og 7 - 11 skv. framlögðum gögnum.

Framlagt minnisblað umhverfisfulltrúa dags. 22. maí 2007 varðandi aðgerðir vegna gámasvæða.

Framlagt samkomulag milli Borgarbyggðar og Akraness um gagnkvæmt aðgengi að bóka- og ljósmyndasöfnum sveitarfélaganna.

Byggðarráð leggur áherslu á að bókasafn Snorrastofu verði hluti af samkomulaginu.

Framlagt bréf Jóns Gíslasonar Lundi dags. 16.05.07 vegna afréttargirðingar á Lundartungu.

Samþykkt að fela dreifbýlisfulltrúa að sjá um að girðingin verði lagfærð.

Framlagt fundarboð á aðalfund Veiðifélagsins Hvítá sem haldinn verður 29. maí n.k.

Samþykkt að Sigurjón Jóhannsson verði fulltrúi Borgarbyggðar á fundinum.

Rætt um starfsmannamál og stöðugildi hjá sveitarfélaginu.

Samþykkt að fela framkvæmdasviði að skoða rekstrarforsendur fyrir tjaldsvæði innan eignarlands Borgarbyggðar á komandi sumri.

Jafnframt var óskað umsagnar Upplýsinga- og kynningarmiðstöðvar Vesturlands varðandi þörf fyrir tjaldsvæði.

a) Ársreikningur Veiðifélags Norðurár 2006.

b) Fundargerð frá aðalfundi Menningarráðs Vesturlands 11.04.07.

Fleira ekki gert.

Fundargerðin upplesin og samþykkt samhljóða.

Fundi slitið kl. 12,00.