Byggðarráð Borgarbyggðar

37. byggðarráðsfundur

Mættir voru:

Aðalfulltrúar: Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Fjármálastjóri: Linda B. Pálsdóttir sem ritaði fundargerð

Eftirfarandi var tekið fyrir:

Framlagt minnisblað frá fræðslustjóra um rekstur leikskóla í Borgarbyggð og búnaðarkaup fyrir nýjan leikskóla við Ugluklett.

Samþykkt að fela leikskólastjórum Uglukletts og Hnoðrabóls að ganga frá starfsmannaráðningum í samræmi við framlagt minnisblað fræðslustjóra. Jafnframt er leikskólastjóra Uglukletts falið að kaupa búnað fyrir leikskólann skv. minnisblaðinu, þeim kostnaði er vísað til endurskoðunar fjárhagsáætlunar.

Framlagt bréf frá Valdimar Sigurjónssyni þar sem hann tilkynnir brottflutning úr sveitarfélaginu og segir því af sér nefndarstörfum fyrir Borgarbyggð.

Samþykkt að vísa erindinu til afgreiðslu í sveitarstjórn.

Framlögð fyrirspurn frá Eyþóri R. Þórhallssyni um jörðina Moldbrekku í Kolbeinsstaðarhreppi.

Ekki er unnt að verða við erindinu.

Framlögð fyrirspurn frá Kristínu Sigurðardóttur þar sem hún óskar eftir að selja íbúð sína að Borgarbraut 65 á frjálsum markaði.

Byggðarráð verður við ósk um að falla frá kaupskyldu.

Framlögð tillaga að gagngjaldi vegna samninga við Skorradalshrepp um þjónustu slökkviliðs.

Sveitarstjóra falið að vinna áfram að samningagerðinni.

Framlagt minnisblað frá Háskólanum á Bifröst um nám fyrir stjórnendur sveitarfélagsins.

Sveitarstjóra falið að vinna málið áfram.

Rætt um húnæðismál grunn- og leikskóla á Varmalandi.

Samþykkt að fela framkvæmdasviði að kostnaðarmeta breytingarnar. Byggðarráð tekur einnig undir bókun fræðslunefndar frá 19. fundi þar sem lagt er til að haldinn verði kynningarfundur um málið í skólahverfi Varmalandsskóla sem fyrst.

Framlagðar tvær umsóknir um stuðning við námsvist í tónlistarskóla utan Borgarbyggðar.

Byggðarráð óskar eftir umsögn fræðslustjóra vegna umsóknanna.

Rætt um viðræður við Eykt um byggingarland.

Rætt um framtíðaruppbyggingu í Brákarey og vinnu við deiliskipulag eyjarinnar.

Framlagt minnisblað sveitarstjóra og honum falið að vinna áfram að málinu.

Á fundinn mætti Magnús Á. Magnússon til viðræðna um vinnu við framtíðarsýn Borgarbyggðar.

Á fundinn mætti Ingi Tryggvason hdl. til viðræðna við byggðarráð vegna úrskurðar Sýslumanns í Borgarnesi vegna kæru Sigvalda Ásgeirssonar um álagningu fjallskilagjalda. Óskað eftir minnisblaði frá Inga vegna málsins.

Linda B. Pálsdóttir fjármálastjóri lagði fram yfirlit yfir rekstur sveitarfélagsins fyrstu þrjá mánuði ársins.

Byggðarráð samþykkir að fela sveitarstjóra að ganga til samninga við KPMG vegna verkefna fyrir eignasjóð og fjárhagsáætlunargerð.

Framlagt bréf framkvæmdastjóra Heilbrigðiseftirlits Vesturlands varðandi breytingar á fjárhagsáætlun eftirlitsins.

Samþykkt.

Framlagt fundarboð á aðalfund samstarfsnefndar um tónlistarfræðslu í Borgarfirði

Framlögð og henni vísað til sveitarstjórnar.

SE lagði fram eftirfarandi bókun:

"Fagna vinnu hópsins og tillögum. Finnst þó vanta:

a) Að gera ákveðinn aðila innan stjórnsýslunnar ábyrgan fyrir málaflokknum.

b) Að vinna kostnaðarmat á tillögunum þar sem sveitarfélagið er að vinna þessa stefnu í fyrsta sinn."

FR lagði fram eftirfarandi bókun:

"Sú stefnumótun sem hér er kynnt lýsir vilja til að vinna að málefnum innflytjenda með ákveðnum hætti. Nánari útfærslu þarf til að draga fram kostnað sem hlýst af því að fylgja stefnunni og eðlilegt að sá kostnaður komi fram við fjárhagsáætlunargerð ár hvert."

Framlagt minnisblað frá framkvæmdasviði vegna tillögu að gerð tjaldsvæðis við Granastaði.

Á fundinn mætti Jökull Helgason, verkefnisstjóri á framkvæmdasviði, til viðræðna um kostnaðarmat við framkvæmdina. Samþykkt að fela framkvæmdasviði að koma upp lágmarksaðstöðu á staðnum að fengnu samþykki Heilbrigðiseftirlits Vesturlands og Vegagerðarinnar.

Jökull Helgason, verkefnisstjóri á framkvæmdasviði, fór yfir stöðu verkefnanna. Samþykkt að fela framkvæmdasviði að semja við lægstbjóðendur í hverju verki, á grundvelli tilboða þeirra, en áður en gengið verði frá verksamningum verði lögð vinna í endurskoðun á skiladögum verka og ýmsa aðra hagræðingu hvað varðar tilhögun verksins.

Jökull vék af fundi.

Framlagðar tillögur umhverfisfulltrúa að gróðursetningu í Borgarnesi og frágangi á almennum svæðum á Hvanneyri. Umhverfisfulltrúa falið að vinna áfram að verkefnunum.

Framkvæmdasviði falið að kynna hugmyndir að staðsetningu risatjalds fyrir hagsmunaaðilum.

Samþykkt að úthluta Loftorku 2,38 ha lóð úr landi Kárastaða skv. yfirlitsmynd frá framkvæmdasviði Borgarbyggðar dags. 30. maí 2007.

Undir þessum lið var samþykkt að óska eftir fundi með prestsetrasjóði.

Staðan rædd og sveitarstjóra falið að vinna minnisblað fyrir næsta fund.

Samþykkt að fela framkvæmdasviði að kostnaðarmeta þær framkvæmdir sem eftir eru við gatnagerðina.

Fleira ekki gert.

Fundargerðin upplesin og samþykkt samhljóða.

Fundi slitið kl. 12:30