Byggðarráð Borgarbyggðar

Miðvikudaginn 08. ágúst 2007 kom byggðarráð Borgarbyggðar saman til fundar kl. 08.00 að Borgarbraut 14 í Borgarnesi.

Mættir voru:

Aðalfulltrúar: Finnbogi Rögnvaldsson

Björn Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt erindi frá Jakobi Jakobssyni dags. 31.07.07 fyrir hönd landeigenda að Jaðri 1 í Borgarbyggð þar sem óskað er eftir því að fjórar landspildur verði stofnaðar út úr Jaðri 1. Landnotkun verði óbreytt.

Byggðarráð samþykkti að heimila spildurnar verði stofnaðar en vekur athygli á að í heimildinni felst ekki breytt landnotkun eða skipulag.

Framlagt erindi frá Agnesi Guðmundsdótur f.h. Kvenfélags Hvítársíðu og Kvenfélags Hálsasveitar þar sem óskað er eftir styrk til skógræktar í skógræktargirðingu við félagsheimilið Brúarás.

Samþykkt að styrkja félagið um kr. 40.000,- vegna verkefnisins.

Framlagður tölvupóstur frá oddvita Eyja- og Miklaholtshrepps vegna fyrirhugaðra framkvæmda við byggingu sparkvallar við Laugargerðisskóla.

Samþykkt að fela sveitarstjóra að ræða við bréfritara.

Framlögð umsókn Trésmiðjunnar Eikar um lóðir á Varmlandi.

Afgreiðslu frestað og framkvæmdasviði falið að ræða við umsækjenda.

Framlögð drög að lögreglusamþykkt fyrir Borgarbyggð.

Samþykkt að vísa drögunum til umsagnar skipulags- og bygginganefndar, landbúnaðarnefndar, félagsmálanefndar, umhverfisnefndar og umferðaröryggishóps.

Framlagt kostnaðarmat vegna samnings við lóðarhafa að Brákarbraut 11 í Borgarnesi.

Lögð fram tillaga að vinnureglum við starfsmannaráðningar hjá Borgarbyggð.

Tillagan var samþykkt með 2 atkv. gegn 1 (SE).

Sveinbjörn lagði fram svohljóðandi bókun:

"Tel eðlilegt að umsóknir um störf sem byggðarráð ræður í komi beint til ráðsins sem í framhaldi tæki ákvörðun um meðferð þeirra. Það er í mínum huga nær ákvæðum um mannaráðningar í samþykktum Borgarbyggðar."

Framlögð drög að erindisbréfum fyrir ungmennaráð og öldungaráð.

Samþykkt að vísa drögunum með áorðnum breytingum til umsagnar fræðslunefndar, menningarnefndar, tómstundanefndar og félagsmálanefndar.

Rætt um verkefnaáætlun meirihluta sveitarstjórnar.

Rætt um úthlutun lóða sem frestað var á fyrri fundum byggðarráðs.

Samþykkt var að úthluta lóðinni að Vallarási 11 til Verkstofunnar Einingar.

Samþykkt var að úthluta lóðunum að Vallarási 13 og 18 til Loftorku Borgarnesi ehf.

Fleira ekki gert.

Fundargerðin upplesin og samþykkt samhljóða.

Fundi slitið kl. 09.20.