Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Björn Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt erindi dagsett 15.10. 2007 frá íbúum í Lindarholti í Borgarbyggð þar sem óskað er eftir að settir verði upp ljósastaurar við íbúðarhús.

Vísað til gerðar næstu fjárhagsáætlunar.

Samþykkt var að óska eftir upplýsingum frá framkvæmdasviði um hvar í dreifbýli sveitarfélagsins er ekki búið að setja upp ljósastaura.

Framlagt bréf dagsett 12.10. 2007 frá Jöfnunarsjóði sveitarfélaga þar sem gert er grein fyrir reglum um úthlutun aukaframlags að upphæð 1.400 mkr. á árinu 2007.

Framlagt bréf dagsett 17.10. 2007 frá Landbúnaðarráðuneytinu vegna skýrslu um jörðina Kleppjárnsreyki í Borgarbyggð.

Samþykkt að fela sveitarstjóra að ganga til viðræðna við fulltrúa ráðuneytisins um kaup á jörðinni.

Framlagt samkomulag við Olís um vörukaup í íþróttamiðstöðvar í sveitarfélaginu.

Byggðarráð samþykkti samninginn.

Á fundinn mætti Jökull Helgason verkefnastjóri á framkvæmdasviði og skýrði tilboð í húsgögn í Varmalandsskóla.

Samþykkt að taka tilboði Pennans og verður fjárveitingin tekin af auknum tekjum sveitarfélagsins.

Framlagt minnisblað frá framkvæmdasviði yfir verkefni sem unnið hefur verið að á árinu 2007 og eru inni í þriggja ára áætlun fyrir 2008. Jafnframt rætt um gjaldskrár fyrir árið 2008.

Á fundinn mætti Linda B. Pálsdóttir og kynnti tillögu að endurskoðaðri áætlun 2007.

Samþykkt að vísa tillögunni til sveitarstjórnar.

Framlagt erindi frá Ingibjörg Ingu Guðmundsdóttur og Sigurði Magnússyni þar sem þau óska eftir að skrá lögheimili sitt að Brekkuhvammi í Reykholtsdal í Borgarbyggð. Jafnframt framlagt erindi frá Guðna Þórðarsyni og Sigrúnu Jónsdóttur þar sem þau óska eftir að fasteign þeirra að Breiðabólstað í Reykholtsdal verði skráð sem íbúðarhús. Loks er framlagt erindi frá Gunnari Birgissyni og Hildi Karlsdóttur þar sem þau óska eftir heimild til að byggja íbúðarhús á lóð sinni að Fögruhlíð í landi Munaðarness.

Samþykkt að vísa erindunum til umsagnar hjá skipulags- og byggingarnefnd.

Framlagt erindi dagsett 17.10. 2007 frá Sigurði Ragnarssyni og Ingu Stefánsdóttur vegna viðskilnaðar við Meðferðarheimilið á Hvítárbakka.

Samþykkt að fela verkefnastjóra á framkvæmdasviði að leggja fram minnisblað um framkvæmdir á Hvítárbakka og sveitarstjóra falið að svara bréfritara.

Framlagt erindi dagsett 03.10. 2007 frá Ólafi Pálssyni þar sem óskað er eftir að Haukatunga syðri verði skráð sem lögbýli.

Byggðarráð gerir ekki athugasemdir við að jörðin verði skráð lögbýli.

Rætt um málefni Orkuveitu Reykjavíkur og erindi Umboðsmanns Alþingis varðandi samskipti Borgarbyggðar og Orkuveitunnar og framlögð drög að svörum.

Sveitarstjóra falið að ganga frá endanlegum svörum og leggja fyrir sveitarstjórnarfund sem haldinn verður 29. október n.k.

Framlögð tillaga byggingarfulltrúa að breytingu á lóðarmörkum við lóðina nr.24 í Kvíaholti í Borgarnesi.

Byggðarráð samþykkti tillöguna.

Framlögð tillaga dreifbýlisfulltrúa að skiptinu styrkvegafjár í Borgarbyggð sunnan Hvítár.

Byggðarráð samþykkti tillöguna.

Sveitarstjóri greindi frá viðræðum við aðila um mögulegt húsnæði undir bóka- og skjalasafn. Jafnframt rætt um geymslumál safna.

Framlögð tillaga að dagskrá fyrir heimsókn bæjarstjórnar Bolungarvíkur.

Framlögð beiðni skólastjóra leikskólans Varmalandi um að starfsemi skólans fari í annað húsnæði.

Samþykkt að fela framkvæmdasviði að kostnaðarmeta flutninginn.

Framlagt fundarboð á eigendafund Faxaflóahafna sem haldinn verður föstudaginn 26. október n.k.

Samþykkt að fela sveitarstjóra að vera fulltrúa Borgarbyggðar á fundinum.

Framlögð úttekt Gunnhildar Harðardóttur á skólaseli á Hvanneyri.

Vísað til gerðar fjárhagsáætlunar 2008.

Samþykkt að fela vinnuhóp um afréttarmál að halda íbúafund í nóvember.

Sveitarstjóri hefur að höfðu samráði við afréttarnefndir Þverárréttarupprekstrar og Norðurárdals og Ystu-Tungu sent þeim aðilum bréf sem ekki hafa sinnt fjallskilum.

a. Fjármálaráðstefna sveitarfélaga 2007.

b. Fundargerð frá fundi í skólanefnd Fjölbrautarskóla Vesturlands

c. Ársreikningur fyrir Bifur ehf.

d. Fundargerð frá fundi í húsnefnd félagsheimilisins Brúnar.

Fleira ekki gert.

Fundargerðin upplesin og samþykkt samhljóða.

Fundi slitið kl. 11,15.