Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt erindi dagsett 15.11. 2007 frá Stígamótum þar sem óskað er eftir stuðningi við starfsemina á árinu 2008.

Vísað til félagsmálanefndar.

Framlagt erindi dagsett 20.11. 2007 frá Ungmennafélaginu Íslendingi um uppbyggingu íþróttamannvirkja á Hvanneyri.

Vísað til tómstundanefndar og sveitarstjóra falið að ræða við bréfritara.

Á fundinn mætti Bjarni Kr. Þorsteinsson slökkviliðsstjóri til viðræðna um búnaðarkaup í nýjan slökkvibíl Borgarbyggðar.

Byggðarráð samþykkti að kaupa búnað skv. framlögðum lista.

Sveitarstjóra og skrifstofustjóra falið að athuga hvort framlag vegna sameiningar geti notast til að greiða kostnað við sameiningu slökkviliða.

Framlagt yfirlit frá dreifbýlisfulltrúum um afréttargirðingar í Mýrasýslu, Borgarfjarðarsýslu og Kolbeinsstaðahreppi.

Vísað til nefndar sem vinnur að endurskoðun afréttarmála í Borgarbyggð.

Framlagt erindi frá Jóni Kjartanssyni varðandi útilýsingu við Refstaði og Haukagil.

Samhliða vinnu við gerð fjárhagsáætlunar 2008 verður lögð fram áætlun um útilýsingu í dreifbýli og var þessu erindi ásamt öðrum sem borist hafa vísað til þeirrar vinnu.

Framlögð greinargerð Fjarhitunar um mögulegar endurbætur á vatnsveitu Álftaneshrepps.

Framkvæmdasviði var falið að meta kosti við endurbætur á vatnsveitunni og þá sérstaklega sbr. kosti 1 í skýrslu Fjarhitunar.

Samþykkt var að gjaldskrá ársins 2007 verði sú sama og árið 2006 með vísitöluhækkun á hámarksgjaldi.

Samþykkt að vatnsgjald ársins 2008 verði innheimt með fasteignagjöldum.

Framlagður tölvupóstur frá Skipulagsstofnun dags. 06.11.07 varðandi landnotkun og skipulag í Húsafelli.

Samþykkt að vísa skipulagi til vinnu við gerð aðalskipulags Borgarbyggðar.

Sveitarstjóra falið að kynna erindið fyrir landeigendum.

Framlögð drög að þjónustuyfirlýsingum við landeigendur þar sem skipulagðir eru litlir byggðakjarnar í landi þeirra.

Vísað til skipulags- og byggingarnefndar og vinnuhóps um aðalskipulag.

Á fundinn mætti Stefán Logi Haraldsson frá BM-Vallá til viðræðna um umsókn fyrirtækisins um lóðarstækkun.

Jökull Helgason forstöðumaður framkvæmdasviðs og Sigurjón Einarssonverkefnisstjóri skipulagsmála sátu fundinn meðan þessi liður var ræddur.

Á fundinn mætti Bryndís Hlöðversdóttir stjórnarformaður og Hjörleifur Kvaran forstóri OR til viðræðna um samskipti OR og Borgarbyggðar og þá þjónustu sem OR er að veita í Borgarbyggð.

Lagt var fram erindi OR dags. 20.11.07 varðandi samþykki eigenda vegna lántöku fyrirtækisins.

Vísað til afgreiðslu sveitarstjórnar.

Rætt um fjárhagsáætlun fyrir árið 2008.

Á fundinn mætti Jökull Helgason forstöðumaður framkvæmdasviðs.

Rætt um vinnu við þriggja ára áætlun fyrir árin 2009-2011.

Kynnt tillaga um breytingu á skólaakstri í Borgarnesi.

Samþykkt að fela framkvæmdasviði að kynna íbúum Borgarvíkur tillöguna og vinna áfram að útfærslu hennar.

Á fundinn mætti Sigurjón Einarssonverkefnisstjóri skipulagsmála og kynnti tillögu að breyttu skipulagi við Kárastaðaflugvöll.

Vísað til næsta fundar.

Framlögð umsögn Búnaðarsamtaka Vesturlands dags. 19.11.07 um landskipti sem áður hafði verið vísað til þeirra.

Byggðarráð samþykkir að heimila fyrir sitt leyti landskipti Norðtungu.

Byggðarráð samþykkti að heimila ekki að stofnuð verði 87,18 ha spilda úr landi Jaðars 1 fyrr en deiliskipulag allrar jarðarinnar liggur fyrir.

Rætt um starfsmannamál.

a. Fundargerðir frá fundi í stjórn fulltrúaráði Fjölbrautaskóla Vesturlands.

b. Framlagður ársreikningur Snorrastofu ses fyrir árið 2006.

Fleira ekki gert.

Fundargerðin upplesin og

samþykkt samhljóða.

Fundi slitið kl. 14,05.