Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagður tölvupóstur frá Bergi Þorgeirssyni þar sem hann óskar lausnar frá störfum í skipulags- og byggingarnefnd og vinnuhópum um aðalskipulag Borgarbyggðar og deiliskipulag Hvanneyrar.

Byggðarráð samþykkti að fallast á lausnarbeiðnina.

Samþykkt var að tilnefna Kolbein Magnússon sem aðalmann í skipulags- og byggingarnefnd og Ólaf Guðmundsson sem varamann hans.

Samþykkt var að tilnefna Einar Ole Pedersen í vinnuhóp um aðalskipulag

Samþykkt var að tilnefna Theodóru Ragnarsdóttur í vinnuhóp um deiliskipulag á Hvanneyri.

 

Framlögð fundargerð 35. fundar fræðslunefndar, en þar voru til umfjöllunar eftirfarandi erindi sem byggðarráð hafði vísað til umsagnar.

Samþykkt var að stytta sumarlokun leikskólans á Varmalandi um þrjár vikur frá því sem verið hefur.

Samþykkt var erindi frá leikskólastjóra Klettaborgar um að námskeiðs- og starfsdagar leikskólans verði teknir saman og skólinn því lokaður í 3 - 4 daga í nóvember.

Framlögð umsögn umhverfis- og landbúnaðarnefndar varðandi erindi Sorpurðunar Vesturlands um tillögu verkefnisstjórnar sorpsamlagana á suðvesturlandi um framtíðalausnir í úrgangsmálum.

Byggðarráð samþykkti að Borgarbyggð taki þátt í verkefninu.

Framlagt bréf dagsett 27.02. 2008 frá Sigvalda Ásgeirssyni Vilmundarstöðum Reykholtsdal þar sem hann óskar eftir að 19 ha. spilda úr landi Vilmundarstaða verði gerð að séreign. Ekki er óskað eftir breytingu á landnotkun.

Samþykkt að óska eftir umsögn umhverfis- og landbúnaðarnefndar og Búnaðarsamtaka Vesturlands.

 

Framlagt minnisblað frá vinnuhópi um skipan skólahverfa í Borgarbyggð.

Byggðarráð tekur undir niðurstöður hópsins og var samþykkt að fela fræðslustjóra að gera könnun meðal íbúa Borgarhrepps um viðhorf til breytinga á skólahverfum.

Samþykkt að fela sveitarstjóra að auglýsa stöðu skólastjóra Grunnskóla Borgarfjarðar.

Framlagt minnisblað frá Menningarráði Vesturlands vegna erindis sem lagt var fram á fundi byggðarráðs 27.02. 2008.

Afgreiðslu frestað og óskað eftir að fulltrúi Borgarbyggðar í Menningarráði Vesturlands komi á næsta fund byggðarráðs.

Framlagt bréf dagsett 26.02. 2008 frá umhverfisnefnd Alþingis þar sem óskað er umsagnar um eftirtalin lagafrumvörp; Skipulagslög, Mannvirki, Brunavarnir.

Vísað til skipulags- og byggingarnefndar.

Framlögð endurskoðuð erindisbréf fyrir ungmennaráð og öldungaráð.

Gerðar voru breytingar á erindisbréfunum og þeim vísað til afgreiðslu sveitarstjórnar.

Rætt um húsnæði í eigu Borgarbyggðar og nýtingu þess.

Samþykkt að fela sveitarstjóra að segja upp leigusamningi um læknisbústaðinn á Kleppjárnsreykjum og framkvæmdasviði falið að gera úttekt á ástandi hússins og nýtingarmöguleikum þess.

Sveinbjörn sat hjá við afgreiðslu málsins.

Framlögð drög að samkomulag um uppbyggingu íbúðabyggðar í landi Prestsetrasjóðs í Reykholti.

Samþykkt að fela sveitarstjóra að vinna áfram að málinu.

Á fundinn mættu Jökull Helgason og Kristján F. Kristjánsson frá framkvæmdasviði Borgarbyggðar.

Framlagt minnisblað frá framkvæmdasviði vegna fráveitu frá Hamri að lögn við Vallarás.

Samþykkt að fela framkvæmdasviði að vinna kostnaðaráætlun og nánari útfærslu á framkvæmdinni.

Jökull og Kristján lögðu fram viðhaldsáætlanir til næstu þriggja ára fyrir fasteignir sem hýsa stofnanir Borgarbyggðar.

Framlagt endurskoðað tilboð frá Snertli ehf. vegna landupplýsingakerfis fyrir Borgarbyggð.

Byggðarráð samþykkti tilboðið.

Framlögð til annarrar umræðu breytingatillaga á gjaldskrá um gatnagerðargjöld í Borgarbyggð.

Framlögð fundargerð frá opnun tilboða í byggingu leikskólans á Hvanneyri.

Eftirtalin fyrirtæki buðu í verkið:

Nýverk ehf. kr. 180.679.603

Art-sérsmíði ehf " 214.567.984

Betri bær ehf. " 195.911.238

Ans ehf. " 188.376.299

Strandaverk ehf " 253.257.608

Kostnaðaráætlun var kr. 155.221.949

Samþykkt að fela framkvæmdasviði að ræða við lægstbjóðanda.

Á fundinn mætti Bragi Guðbrandsson forstöðumaður Barnaverndarstofu til viðræðna um starfsemi stofnunarinnar á Hvítárbakka.

Lagt var fram erindi frá Jóni Fr. Jónssyni vegna eignar sveitarfélagsins á Hvítárbakka.

Sveitarstjóra falið að svara erindinu.

Framlögð samantekt fjármálastjóra um stuðning sveitarfélaga við Snorrastofu.

Framlagt erindi frá Vaxtasamningi Vesturlands vegna frumkvöðlaseturs í Borgarnesi.

Byggðarráð samþykkti að Borgarbyggð komi að stofnun frumkvöðlasetursins með framlagi að upphæð kr. 250.000,-. Jafnframt bendir byggðarráð á að rétt sé að bjóða háskólum í héraðinu aðild að frumkvöðlasetrinu.

Framlagt erindi frá félagsmálanefnd vegna jafnréttismála.

Sveitarstjóra var falið að kynna fyrir byggðarráði þá launastefnu sem Akureyrarbær hefur innleitt.

Framlögð drög að starfsmannastefnu fyrir Borgarbyggð.

Sveitarstjóra falið að vinna áfram að málinu og kynna fyrir starfsmönnum sveitarfélagsins.

Framlagt erindi frá Guðmundi Inga Waage dags. 14.02.08 þar sem hann óskar eftir aðkomu sveitarfélagsins að uppsetningu þvottaplana við bensínstöðvar í Borgarnesi.

Samþykkt að óska eftir upplýsingum frá olíufélögunum, sem eru með starfsemi í Borgarbyggð, um áform þeirra um uppbyggingu aðstöðu til að þvo bifreiðar.

Sveitarstjóra falið að svara bréfritara.

Framlagt erindi frá Orkuveitu Reykjavíkur þar sem spurst er fyrir um hvort mögulegt sé að stækka lóðina nr. 10 við Sólbakka í Borgarnesi.

Byggðarráð tók jákvætt í erindið og var framkvæmdasviði falið að ræða við bréfritara.

Framlagt erindi frá umhverfisfulltrúa varðandi merkingar á hellum í sveitarfélaginu.

Samþykkt að fresta erindinu til næsta fundar meðan það er til umfjöllunar í umhverfis- og landbúnaðarnefnd.

Framlögð skýrsla vinnuhóps um afréttar- og fjallskilamál Borgarbyggð.

Framlagt álit skipulags- og byggingarnefndar á stofnun nýrrar lóðar og breytta landnotkun úr landi jarðarinnar Skiphyls.

Nefndin gerir ekki athugasemdir við erindið.

Byggðarráð samþykkti að heimila stofnun lóðarinnar.

Rætt um fund byggðarráðs með umhverfisráðherra sem haldinn var á Hvanneyri 22. febrúar s.l.

Rætt var um þá ákvörðun Fasteignamats ríkisins að leggja niður skrifstofu Fasteignamatsins í Borgarnesi.

Byggðarráð mótmælir harðlega þeirri ákvörðun að loka skrifstofu FMR í Borgarnesi án nokkurrar kynningar fyrir heimaaðilum. Byggðarráð undrast þá stefnu stjórnvalda að flytja opinber störf frá Borgarbyggð til Reykjavíkur.

Samþykkt var að fela sveitarstjóra að óska eftir fundi með forstjóra Fasteignamatsins og fjármálaráðherra um málið.

a. Fundargerð frá fundi í skólanefnd Fjölbrautarskóla Vesturlands á Akranesi.

b. Kynning á verkefninu “Héraðsáætlanir Landgræðslunnar”

c. Friðlýsing æðarvarps: Hvalseyjar.

d. Fundargerðir frá eigendafundi og stjórnarfundi í Faxaflóahöfnum

Fleira ekki gert.

Fundargerðin upplesin og

samþykkt samhljóða.

Fundi slitið kl. 11,30.