Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagður verksamningur við Nýverk ehf. um byggingu leikskóla á Hvanneyri.

Byggðarráð samþykkti samninginn.

 

Framlagt minnisblað um helstu viðburði í sveitarfélaginu sumarið 2008.

Samþykkt að fela menningarfulltrúa að skipuleggja dagskrá 7. júní og einnig var samþykkt að fela kynningarfulltrúa að kynna þá viðburði sem verða í Borgarbyggð í sumar.

Framlagt bréf dagsett 25.03. 2008 frá Búnaðarsamtökum Vesturlands þar gerð er grein fyrir stöðu mála varðandi samstarfsverkefni um þjóðlendumál. Jafnframt var lagt fram yfirlit um kostnaðarskiptingu vegna verkefnisins.

 

Framlagt fundarboð á aðalfund Menningarráðs Vesturlands sem haldinn verður í Reykholti 16. apríl n.k.

Samþykkt að fela Páli S. Brynjarssyni sveitarstjóra að vera fulltrúi Borgarbyggðar á fundinum.

Framlögð umsögn félagsmálanefndar um framtíðarsýn stjórnar Dvalarheimilis aldraðra í Borgarnesi varðandi þjónustu við eldri borgara á starfsvæði heimilisins.

Sveinbjörn lagði fram svohljóðandi bókun:

"Tek undir með félagsmálanefnd að málefni aldraðra eigi að vera á ábyrgð sveitarfélagsins".

Framlagt erindi frá Búafli ehf. dagsett 25.03. 2008 varðandi þörf sveitarfélagsins fyrir félagslegar íbúðir.

Samþykkt að fela framkvæmdasviði og félagsmálastjóra að meta þörf fyrir endurnýjun íbúða í félagslega kerfinu.

Á fundinn mætti Jökull Helgasonforstöðumaður framkvæmdasviðs til viðræðna um viðhald á vatnsveitu Álftaneshrepps.

Forstöðumaður framkvæmdasviðs kynnti vinnu við gerð þjónustusamninga við iðnaðarmenn í Borgarbyggð um viðhald á fasteignum sveitarfélagsins.

Sveinbjörn lagði fram bókun um að þó hann telji að alla jafna eigi að bjóða þessi verk út sé hann tilbúinn að samþykkja til reynslu í eitt ár.

Á fundinn mætti Haukur Ingibergsson forstjóri Fasteignamats ríkisins til viðræðna um framtíð útbús stofnunarinnar í Borgarnesi.

Byggðarráð ítrekar fyrri samþykkt um ósk um fund með fjármálaráðherra varðandi málið.

Rætt um horfur í rekstri sveitarfélagsins á árinu 2008 með hliðsjón af þeim breytingum sem hafa verið í efnahagslífi landsins.

Samþykkt var að ræða endurskoðun á framkvæmdaáætlun ársins á næsta fundi byggðarráðs.

Framlögð fyrirspurn frá Eðalfiski ehf. vegna atvinnumála.

Sveitarstjóri sagði frá viðræðum sem farið hafa fram við skólabílstjóra við Grunnskólann í Borgarnesi og Varmalandsskóla um framlengingu samninga um skólaakstur.

Byggðarráð samþykkti að bjóða bílstjórunum 13% hækkun á gjaldskrá sem fram kemur í gildandi samningum.

a. Ályktanir frá aðalfundi Félags Leikskólakennara sem haldinn var 13. og 14. mars s.l.

b. Bréf frá Sorpurðun Vesturlands varðandi arðgreiðslu til hluthafa.

Fleira ekki gert.

Fundargerðin upplesin og

samþykkt samhljóða.

Fundi slitið kl. 11,15.