Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Sveinbjörn Eyjólfsson

Varafulltrúi: Torfi Jóhannesson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt svar sparisjóðsstjóra Sparisjóðs Mýrasýslu við fyrirspurn Sveinbjörns Eyjólfssonar, varðandi lánveitingar Sparisjóðsins til hlutafjárkaupa í Icebank, þar sem hafnað er að veita umbeðnar upplýsingar með vísan til bankaleyndar.

Sveinbjörn lagði fram svohljóðandi bókun og fyrirspurn:

"Sparisjóðsstjóri Sparisjóðs Mýrasýslu hefur frá upphafi skýrt milljarðs króna lán til hlutafjárkaupa í Icebank að það hafi verið veitt til lykilstjórnenda bankans. Ástæða er til að ætla að þessi skýring sé í besta falli villandi og í versta falli ósönn. Óþolandi er að sveitarstjórnarmenn geti ekki fengið þessar upplýsingar og fráleitt að sparisjóðsstjóri komi sér undan ábyrgð með því að vísa í bankaleynd. Þar sem nauðsynlegt er að leiða þetta mál til lykta er enn spurt um þessa lánveitingu.

Hversu stór hluti þessa láns fór til:

a) Lykilstjórnenda Icebank?

b) Stjórnarmanna í Icebank?

c) Annarra fjárfesta? "

Framlagt bréf frá foreldrafélagi leikskólans á Varmalandi dags. 21.08.08 um lengingu á opnunartíma skólans.

Samþykkt að vísa erindinu til umsagnar fræðslunefndar.

Framlagt bréf frá Sambandi sveitarfélaga dags. 14.08.´08 vegna fyrirspurnar Borgarbyggðar um húsaleigubætur.

Samþykkt að fela sveitarstjóra að gera tillögu að endurskoðaðri gjaldskrá vegna leigu á íbúðarhúsnæði sveitarfélagsins.

Sveitarstjóri sagði frá fundi með fulltrúum Flugstoða og samgönguráðuneytis sem fram fór 25. ágúst s.l.

Samþykkt að vísa málinu til umfjöllunar í aðalskipulagshópi.

Byggðarráð samþykkti að óska eftir fundi með landeigendum, fulltrúum Flugstoða og samgönguráðuneytisins um málið.

Framlagt bréf frá Menningarráði Vesturlands varðandi endurnýjun á menningarsamningi fyrir landshlutann. Jafnframt er framlögð greinargerð menningarfulltrúa um áhrif menningarsamnings fyrir Borgarbyggð.

Byggðarráð áréttar mikilvægi þess að menningarsamningur sé í gildi og leggur áherslu á að framlög pr. íbúa séu í samræmi við það sem er í öðrum landshlutum.

Framlögð umsögn fjallskilanefndar Hraunhrepps um afréttar- og upprekstrarmál.

Framlagðar þróunaráætlanir stofnana sveitarfélagsins fyrir árið 2009 þar sem fram koma helstu áherslur í rekstri þeirra.

Samþykkt að vísa þróunaráætlunum til umsagnar í viðkomandi nefndum.

Á fundinn mætti Smári Ólafsson ráðgjafi til viðræðna um almenningssamgöngur.

Jafnframt framlagt bréf frá Vegagerðinni vegna samnings um einkaleyfi á sérleiðinni Reykjavík – Borgarnes.

Rætt um erindi Innova varðandi lóðir við Brákarsund sem frestað var á fundi 30. júlí s.l.

Samþykkt að fela sveitarstjóra að ræða við fulltrúa Innova um málið.

Rætt um kvartanir um ástand byggingalóða.

Samþykkt að fela framkvæmdasviði að leita úrbóta.

Rætt um beiðni umhverfis- og landbúnaðarnefndar að fá að ræða við Umís ehf. um hvernig best megi haga sorphirðu í sveitarfélaginu.

Samþykkt að fela framkvæmdasviði óska tilboðum frá Umís ehf um skipulag við sorphirðu í Borgarbyggð.

Rætt um atvinnumál í Borgarbyggð.

Samþykkt að sveitarstjórn og atvinnu- og markaðsnefnd haldi sameiginlegan fund um atvinnumál í Borgarbyggð.

Samþykkt var að fela sveitarstjóra að gera tillögu að erindisbréfi fyrir vinnuhóp um refa- og minkaveiði í Borgarbyggð sem umhverfis- og landbúnaðarnefnd mun skipa.

Rætt um leigu á húsnæði Grunnskóla Borgarfjarðar að Kleppjárnsreykjum fyrir sumarbúðir.

Rætt um gróðurkortagerð fyrir hluta sveitarfélagsins í tengslum við gerð aðalskipulags Borgarbyggðar.

Samþykkt að gera samkomulag við Náttúrufræðistofnun um verkefnið.

Torfi sagði frá vinnu við gerð aðalskipulags fyrir Borgarbyggð.

Rætt um brunavarnaráætlun Borgarbyggðar.

Samþykkt að taka hana fyrir á næsta fundi byggðarráðs.

a. Bréf frá Jöfnunarsjóði sveitarfélaga vegna kostnaðarþáttöku sjóðsins í ýmsum verkefnum.

b. Bréf frá Umhverfisstofnun vegna framkvæmda í fólkvanginum í Einkunnum.

Fleira ekki gert.

Fundargerðin upplesin og samþykkt samhljóða.

Fundi slitið kl. 11,45.