Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Rætt um starfsemi Sparisjóðs Mýrasýslu.

Sveinbjörn ræddi ákveðnar hugmyndir hvernig byggðarráð geti sinnt eftirlitsskyldu sinni.

Framlagt bréf dómsmálaráðherra dagsett 09.09. 2008 um skipan í almannavarnarnefndir.

Samþykkt að ræða við nágrannasveitarfélög um samstarf í almannavörnum.

Framlagt bréf dagsett 19.09. 2008 frá Heilbrigðiseftirliti Vesturlands varðandi mannvirki í jaðri Langjökuls.

Samþykkt að óska eftir umsögn framkvæmdasviðs um málið.

Framlagt bréf dagsett 16.09. 2008 frá Golfklúbbi Borgarness um rekstur golfvallar að Hamri.

Vísað til umsagnar tómstundanefndar.

Framlagt bréf frá skólastjóra Varmalandsskóla um heilsustefnu skólans og gjaldskrá við mötuneyti.

Samþykkt að fela skólastjóra að kynna erindið og óska eftir umsögn foreldrafélags Varmalandsskóla.

Framlagðar frekari upplýsingar um kostnað við sýninguna “Börn í 100 ár”.

Rætt um skipulag á eignasjóði Borgarbyggðar.

Á fundinn mætti Linda B. Pálsdóttir fjármálastjóri.

 

Samþykkt var með 2 atkv. að endurskoðuð framkvæmdaáætlun ársins 2008 verði 418 milljónir króna. SE sat hjá.

 

Rætt um skiptingu tekna á málaflokka fyrir árið 2009.

Samþykkt að fela sveitarstjóra að leggja fram tillögu á næsta fundi byggðarráðs um skiptingu á milli málaflokka á árinu 2009 þar sem gert er ráð fyrir að rekstur sveitarfélagsins verði í jafnvægi.

Framlögð kostnaðaráætlun fyrir fyrir ráðningu starfsmanns við ferðaþjónustu fatlaðra.

Samþykkt að heimila ráðningu í tímabundið starf við ferðaþjónustu fatlaðra frá 01. október til 31. desember 2008 og veita til þess kr. 350.000,-.

Framlögð brunavarnaráætlun Borgarbyggðar með breytingum.

Samþykkt að vísa áætluninni til umsagnaraðila.

Framlögð umsögn byggingafulltrúa um gatnagerðargjöld.

Samþykkt að fela sveitarstóra að óska eftir frekari upplýsingum.

Rætt um málefni Orkuveitu Reykjavíkur.

Byggðarráð lýsir ánægju með að sátt hafi náðst um málefni REI. Byggðarráð bindur vonir við að sú leið sem valin hefur verið skili góðum árangri af starfsemi fyrirtækisins og að friður verði um störf Orkuveitu Reykjavíkur.

Rætt um fyrirhugaðar breytingar á heilsugæsluumdæmum.

Rætt um gatnagerð og skipulagsmál í Reykholti.

Samþykkt að fela sveitarstjóra að kynna fyrir forsvarsmönnum Reykholtsstaðar áherslur byggðarráðs í þessu máli.

Framlögð greinargerð frá Smára Ólafssyni ráðgjafa um almenningssamgöngur innan Borgarbyggðar.

Sveitarstjóra var falið að vinna áfram að málinu.

Á fundinn mættu Guðbrandur Brynjúlfsson stjórnarformaður og Hrefna B. Jónsdóttir framkvæmdastjóri hjá Sorpurðun Vesturlands til viðræðna um sorpurðun í Fíflholtum.

 

Fyrir var tekin beiðni Sorpurðunar um ábyrgð á lántöku, sem frestað var á síðasta fundi og var svohljóðandi samþykkt:

" Byggðarráð Borgarbyggðar samþykkir hér með að veita ábyrgð að sínum hluta vegna lántöku Sorpurðunar Vesturlands hf. hjá Lánasjóði sveitarfélaga ohf. allt að fjárhæð 35.000.000 króna til 6 ára, með 5,0% verðtryggðum breytilegum vöxtum. Er ábyrgð þessi veitt sbr. heimild í 6. mgr. 73. gr. sveitarstjórnalag nr. 45/1998. Til tryggingar ábyrgðinni standa tekjur sveitarfélagsins, sbr. heimild í 3. mgr. 73. gr. sömu laga. Ábyrgðin tekur til allra greiðslna sem og hvers kyns kostnaðar sem hlýst af vanskilum.

Jafnframt er Páli S. Brynjarssyni sveitarstjóra kt. 010365-4819 veitt fullt og ótakmarkað umboð til þess að staðafesta f.h. Borgarbyggðar veitingu ofangreindrar ábyrgðar með áritun á lánssamninginn."

a. Fundargerð frá fundi í skóla- og rekstrarnefnd Laugargerðisskóla 16.09.08.

Byggðarráð óskar eftir skýringum á aukinni fjárþörf skólans á árinu 2008.

b. Fundargerð frá fundi í stjórn Faxaflóahafna 12.09.08.

Fleira ekki gert.

Fundargerðin upplesin og samþykkt .

Fundi slitið kl. 11,30.