Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Bjarki Þorsteinsson

Varafulltrúi: Jenný Lind Egilsdóttir

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt fundarboð á aðalfund Menntaskóla Borgarfjarðar sem fram fer fimmtudaginn 20. nóvember 2008.

Samþykkt að fela Páli S. Brynjarssyni sveitarstjóra að fara með umboð Borgarbyggðar á fundinum.

Framlagt bréf dagsett 12.11. 2008 frá Vegagerðinni vegna færslu þjóðvegar 1 við Borgarnes.

Sveitarstjóri sagði frá viðræðum á milli Borgarbyggðar, Hvalfjarðarsveitar og Akraneskaupstaðar um almenningssamgöngur.

Framlagt bréf dagsett 12.11. 2008 frá Skógræktarfélagi Borgarfjarðar þar sem óskað er eftir stuðningi til ýmissa verkefna á vegum félagsins.

Samþykkt að óska eftir að fulltrúi Skógræktarfélagsins komi á fund byggðarráðs til viðræðna.

Framlagt bréf dagsett 12.11. 2008 frá Magnúsi Skúlasyni og Kolfinnu Jóhannesdóttur, Norðtungu þar óskað er eftir að nokkrar spildur úr landi Norðtungu verði gerðar að séreign. Landnotkun verði óbreytt. Jafnframt er óskað eftir umsögn sveitarstjórnar vegna breytinga á heimreið.

Samþykkt að vísa erindinu til umsagnar umhverfis- og landbúnaðarnefndar og skipulags- og bygginganefndar.

Sveitarstjóri kynnti stöðu mála varðandi vinnu við úttekt á þjónustu við háskólaþorp í Borgarbyggð, en fyrirhuguð er könnun á þessum þáttum í samstarfi við Sveitarfélagið Skagafjörð.

Framlagt erindi Borgarverks ehf. dags. 17.11.08 þar sem farið er fram á frestun á framkvæmdum við malbikun og steypu á kantsteini við Sólbakka.

Byggðarráð leggur áherslu á að verkefnið klárist sem fyrst svo fremi sem veður komi ekki í veg fyrir að það sé hægt.

Framlagt bréf undirbúningsaðila að félaginu Deildartungulinda dags. 12.11.08 þar sem óskað er eftir að Borgarbyggð verði hluthafi í félaginu.

Byggðarráð tekur jákvætt í erindið og var sveitarstjóra falið að ræða við bréfritara.

Framlagt bréf Barnaverndarstofu dags. 13.11.08 þar sem farið er fram á að losna undan leigusamningi um Hvítárbakka.

Samþykkt að óska eftir fundi með Fasteignum ríkissjóðs um erindið.

Framlagt fundarboð á félagsfund Veiðifélags Gljúfurár sem haldinn verður 26. nóvember n.k.

Samþykkt að Sigurjón Jóhannsson verði fulltrúi Borgarbyggðar á fundinum.

Á 90. fundi byggðarráðs var lögð fram beiðni Helga Guðmundssonar þar sem óskað var eftir að spilda úr landi Hólmakots verði gerð að séreign og tekin úr landbúnaðarnotkun. Byggðarráð óskaði eftir umsögn umhverfis- og landbúnaðarnefndar um erindið.

Umsögnin liggur nú fyrir og samþykkti byggðarráð erindið.

Rætt um fjárhagsáætlun 2009.

Samþykkt var tillaga að nýrri skiptingu á milli málaflokka og var sveitarstjóra falið að kynna hana fyrir forstöðumönnum.

Linda B. Pálsdóttir fjármálastjóri sat fundinn meðan þessi liður var ræddur.

Rætt um starfsmannamál og launakjör sveitarstjórnarmanna.

Samþykkt að fela sveitarstjóra leggja fram greinargerð um málið.

Á fundinn mætti Ásbjörn Sigurgeirsson fulltrúi Borgarbyggðar í stjórn Reiðhallarinnar Vindási ehf. til viðræðna um framkvæmdir við reiðhöllina.

a. Bréf frá framkvæmdastjóra SSV vegna þátttöku SSV í open days í Brussel 6. til 9. október s.l.

b. Fundargerð frá fundi í stjórn Faxaflóahafna 14.09.08.

c. Bréf frá Íþróttasambandi Íslands vegna efnahagsþrenginga dags. 14.11.08.

Fleira ekki gert.

Fundargerðin upplesin og samþykkt samhljóða.

Fundi slitið kl. 10,40.