Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Björn Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Á fundinn mætti Magnús Valur Jóhannsson svæðisstjóri hjá Vegagerðinni til viðræðna um framkvæmdir og viðhaldsverkefni Vegagerðarinnar á árinu 2009.

Byggðarráð samþykkti að óska eftir samstarfi við Vegagerðina um viðhald og nýframkvæmdir við safnvegi.

Einnig var rætt um veghald á þjóðvegum í þéttbýli í ljósi nýrra vegalaga. Mikilvægt er að tekjustofnar fylgi með ef sveitarfélögin eiga að taka við skyldum veghaldara.

Rætt um þriggja ára áætlun fyrir árin 2010-2012.

Samþykkt að óska eftir að framkvæmdasvið kostnaðarmeti og forgangsraði framkvæmdum sem fram koma á minnisblaði.

Samþykkt að óska eftir upplýsingum frá Sambandi íslenskra sveitarfélaga um forsendur sem sveitarfélög geti notað við gerð fjárhagsáætlana.

Einnig var samþykkt að óska álits Sambandsins hvort það sé æskilegt að sveitarfélög skipti reglulega um endurskoðendur.

Rætt um eftirfylgni með fjárhagsáætlun 2009.

Samþykkt að byggðarráð óski eftir fundum með fulltrúum foreldrafélaga leik- og grunnskóla um framtíð skólamála í Borgarbyggð.

Rætt um endurnýjun á samningi við Hjallastefnuna um rekstur leikskólans Hraunborgar á Bifröst og samþykkt að óska eftir endurskoðun á samningnum.

Á fundinn mætti Jónas Guðmundsson framkvæmdastjóri Markaðsstofu Vesturlands og kynnti drög að markmiðum og starfsemi stofnunarinnar.

Framlagt erindi frá Umboðsmanni Alþingis dags. 31.12.08 þar sem kynnt er erindi sem sent hefur verið borgarstjóranum í Reykjavík þar sem umboðsmaður spyrst fyrir um Orkuveitu Reykjavíkur.

Framlögð umsókn dagsett 14.01. 2009 frá Ólafi Magnússyni, Önnu G. Jónsdóttur og Þorsteini Magnússyni vegna stofnunar 13.2 hektara lóðar úr landi Gilsbakka í Hvítársíðu.

Samþykkt að óska eftir umsögn umhverfis- og landbúnaðarnefndar um erindið.

Rætt um beiðni Reiðhallarinnar Vindási ehf. um aukningi á hlutafé Borgarbyggðar í höllinni.

Rætt um beiðni um fjárstuðning við fyrirhugað fjórðungsmót hestamanna á Kaldármelum.

Samþykkt að hafna beiðninni.

Framlagt erindi dagsett 07.01. 2009 frá Högna Gunnarssyni vegna breytinga á landnotkun og stofnunar lögbýlis á Norðurlandi 1. landnr.217556.

Samþykkt að óska eftir umsögn umhverfis- og landbúnaðarnefndar um erindið.

Framlögð ályktun frá félagi tónlistarkennara um stöðu tónlistarskóla í landinu.

Framlagt erindi dagsett 13.01. 2009 frá Sambandi íslenskra sveitarfélaga þar sem óskað er eftir þátttöku Borgarbyggðar í verkefninu skólavoginni, en Borgarbyggð var með í verkefninu árið 2008.

Samþykkt að óska eftir umsögn fræðslunefndar um erindið.

Sveitarstjóri kynnti könnun á þjónustu við íbúa í háskólaþorpum og dreifbýli í Borgarbyggð. Um er ræða samstarfsverkefni sveitarfélaganna Borgarbyggðar og Skagafjarðar og nýtur stuðnings Byggðastofnunar.

Rætt um málefni fasteignafélagsins Menntaborgar ehf. Jafnframt var framlagt afrit af bréfi Menntamálaráðherra til Sturlu Böðvarssonar alþingismanns vegna fyrirspurnar um greiðslur ríkisins vegna húsnæðiskostnaðar Framhaldsskóla Snæfellinga og Menntaskóla Borgarfjarðar.

Framlagt bréf dagsett 13.01. 2009 frá fasteignasölunni Neseignir f.h. landeigenda þar sem óskað er eftir að tveimur landspildum verði skipt út úr landi Háafells í Hvítársíðu. Annars vegar 42.63 hekturum og hins vegar 44.42 hekturum.

Samþykkt að óska eftir umsögn umhverfis- og landbúnaðarnefndar um erindið.

Framlögð ályktun frá fundi í skólaráði Grunnskóla Borgarfjarðar sem haldinn var 15. desember s.l.

Framlagt bréf dagsett 07.01. 2009 frá heilbrigðisráðuneytinu vegna sameiningar heilbrigðisstofnana á Vesturlandi.

Samþykkt að fela sveitarstjóra að gera uppkast að umsögn um málið.

Framlagt bréf dagsett 06.01. 2009 frá Guðrúnu Björk Friðriksdóttur formanni sóknarnefndar þar sem óskað er eftir stuðningi sveitarfélagsins við endurnýjun girðingar við garðinn.

Afgreiðslu frestað og óskað umsagnar framkvæmdasviðs um erindið.

Framlagt erindisbréf skóla- og rekstrarnefndar Laugargerðisskóla sem og fundargerðir nefndarinnar frá fundum 21.08. 2008, 11.11. 2008, 09.12 2008 og 13.01. 2009.

Framlögð breytingartillaga frá sveitarstjórn Eyja- og Miklaholtshrepps á erindisbréfinu og samþykkti byggðarráð það með þeim breytingum.

Rætt um atvinnumál í Borgarbyggð og möguleg úrræði ef dregur enn frekar úr atvinnuþátttöku á svæðinu. Jafnframt lagt fram minnisblað frá félagsmálastjóra um úrræði fyrir íbúa sem missa atvinnu og erindi frá ASÍ um aðgengi að íþróttamiðstöðvum.

Samþykkt að fela félagsmálastjóra og framkvæmdasviði að gera tillögu að aðstöðu fyrir atvinnulausa til að koma saman.

Einnig var samþykkt að bjóða atvinnulausu fólki frítt í sund og var íþrótta- og æskulýðsfulltrúa falið að sjá um það.

Framlögð endurskoðuð tillaga um húsaleigu í íbúðarhúsnæði Borgarbyggðar.

Afgreiðslu frestað til næsta fundar.

Framlagt erindi frá Sýslumanninum í Borgarnesi þar sem óskað er umsagnar sveitarfélagsins vegna leyfis fyrir giststað við Skúlagötu í Borgarnesi.

Byggðarráð gerir ekki athugasemdir við að leyfið sé veitt.

Framlögð tillaga að gjaldskrá fyrir félagsheimili í Borgarbyggð. Jafnframt rætt um tillögur menningarnefndar um rekstur félagsheimila.

Samþykkt að kynna tillöguna fyrir húsnefndum félagsheimilanna og taka hana aftur fyrir á næsta fundi byggðarráðs.

Rætt um erindi Golfklúbbs Borgarness um fjárstuðning á árinu 2009.

Byggðarráð samþykkti með 2 atkv. að ekki sé hægt að verða við beiðni Golfklúbbsins. Sveinbjörn sat hjá við afgreiðslu.

Framlagðir samningar við Innova ehf. og þrotabú Guls ehf. um lóðir við Brákarsund í Borgarnesi.

Byggðarráð samþykkti samningana.

Jafnframt var framlagt mat frá Fasteignamiðstöðinni vegna mögulegar skerðingar á verðmæti eigna að Skúlagötu 7.

Samþykkt að fela sveitarstjóra að vinna áfram að málinu.

Rætt um þjóðlendumál.

Rætt um gjaldskrá vegna handsömunar búfjár.

Rætt um samstarf sveitarfélaga á sunnanverðu Vesturlandi.

Framlagt minnisblað sveitarstjóra um brúðulistasetur í Borgarnesi.

Samþykkt að fela sveitarstjóra að vinna áfram að málinu.

Rætt um reglur um styrki vegna aksturs barna og unglinga úr dreifbýli á skipulagðar íþróttaæfingar.

Samþykkt að kostnaður við akstur á æfingar hjá Dansfélagi Borgarfjarðar falli undir reglurnar.

Samþykkt að beina því til tómstundanefndar að endurskoða framangreindar reglur.

 

a. Bréf Akraneskaupstaðar vegna samstarfs um nýja fjallskilareglugerð.

b. Fundargerð frá stjórnarfundi Faxaflóahafna 09.01. 2009.

c. Yfirlit frá Sambandi sveitarfélaga yfir verkfallslista

d. Áætluð framlög Jöfnunarsjóðs vegna framlaga til nýbúafræðslu.

Fleira ekki gert.

Fundargerð upplesin og

samþykkt samhljóða.

Fundi slitið kl. 12,10.