Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Björn Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Rætt um búfjárhald í Borgarbyggð.

Rætt um forsendur fyrir þriggja ára áætlun fyrir árin 2010-2012.

Gert er ráð fyrir að framkvæmdir verði um 75 milljónir á ári á tímabilinu. Reiknað er með að fjöldi íbúa aukist um 1% á ári. Ekki er reiknað með að fasteignamat breytist og að skattprósenta verði svipuð.

Framlagt bréf frá Kristjáni Inga Hjörvarssyni Mávakletti 1 þar sem óskað er eftir stækkun lóðar.

Samþykkt að óska eftir umsögn skipulags- og byggingarnefndar um erindið.

Rætt um endurskoðun á samningi við Hjallastefnuna um rekstur leikskólans Hraunborgar á Bifröst.

Framlagt bréf dagsett 20.01. 2009 frá Fjárlaganefnd þar sem tilkynnt er um framlag af fjárlögum til sýningarinnar “Börn í 100 ár”.

Byggðarráð þakkar framlagið.

Framlagt erindi dagsett 21.01. 2009 frá Nýsköpunarmiðstöð námsmanna þar sem óskað er eftir stuðningi að upphæð kr. 500.000 fyrir árið 2009.

Samþykkt að óska eftir umsögn atvinnu- og markaðsnefndar um erindið.

Framlögð tillaga framkvæmdasviðs um skipulag refa- og minkaveiða á árinu 2009 og tillaga Finnboga Leifssonar um sama mál.

Samþykkt að vísa tillögunum til umhverfis- og landbúnaðarnefndar.

Rætt um beiðni Reiðhallarinnar Vindási ehf. um aukningu á hlutafé Borgarbyggðar í höllinni.

Sveitarstjóri greindi frá fundi stjórnar Reiðhallarinnar með fulltrúum eigenda um málið.

Óskað er eftir frekari upplýsinga frá stjórninni og íþrótta- og æskulýðsfulltrúa falið að afla upplýsinga hvernig staðið hefur verið að uppbygginu og fjármögnun sambærilegra reiðhalla í öðrum sveitarfélögum.

Framlagðir samningar vegna verkefnis um könnun á þjónustu við íbúa í háskólaþorpum og dreifbýli í Borgarbyggð. Um er ræða samstarfsverkefni sveitarfélaganna Borgarbyggðar og Skagafjarðar og nýtur stuðnings Byggðastofnunar.

Byggðarráð samþykkti samningana.

Framlagt minnisblað frá fundi með starfsmönnum Grunnskóla Borgarfjarðar á Hvanneyri sem haldinn var 22. janúar s.l.

Framlögð umsögn til heilbrigðisráðherra vegna sameiningar heilbrigðisstofnana á Vesturlandi.

Framlagt minnisblað framkvæmdasviðs um skyldur sveitarfélagsins varðandi viðhald og nýframkvæmdir við kirkjugarða.

Afgreiðslu frestað til næsta fundar.

Framlagt bréf frá Hótel Borgarnesi dags. 14.01.09 þar sem tilkynnt er að ekki komi til vísitöluhækkunar á samningi um mötuneyti skóla til júní 2009.

Byggðarráð þakkar erindið.

Framlagt minnisblað um fyrirhugaða kynningu atvinnu- og markaðsnefndar á mögulegum stuðningi ýmissa aðila við atvinnulíf og fólk án atvinnu.

Framlögð endurskoðuð tillaga um húsaleigu í íbúðarhúsnæði Borgarbyggðar.

Byggðarráð samþykkti þann hluta tillögunnar sem snýr að félagslegu húsnæði en öðrum hluta tillögunnar frestað til næsta fundar.

Á fundinn mætir Jökull Helgason forstöðumaður framkvæmdasviðs Kristján F. Kristjánsson verkefnastjóri og kynntu stöðu mála varðandi framkvæmdir OR við fráveitur í Borgarbyggð.

Jökull og Kristján kynntu fyrirhugað viðhald fasteigna á árinu 2009.

Samþykkt að bjóða út viðhald fasteigna hjá Borgarbyggð til tveggja ára.

Framlögð tillaga að gjaldskrá fyrir félagsheimili í Borgarbyggð og viðbrögð húsnefnda við breytingum.

Samþykkt að tillagan verði viðmiðunargjaldskrá fyrir félagsheimilin.

Rætt um samstarf sveitarfélaga á sunnanverðu Vesturlandi.

a. Þakkarbréf frá Björgunarsveitinni Brák vegna þrettándabrennu.

b. Bréf vegna uppgjörs Jöfnunarsjóðs sveitarfélaga á árinu 2008

c. Fundarboð frá Bændasamtökum Íslands um fund sem haldinn verður 9. febrúar um bótarétt vegna framkvæmda í almannaþágu og framkvæmd eignarnáms.

Fleira ekki gert.

Fundargerð upplesin og samþykkt samhljóða.

Fundi slitið kl. 10,40.