Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Björn Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt bréf dagsett 10.03. 2009 frá Húsfriðunarnefnd þar sem tilkynnt er um styrkveitingu til Borgarbyggðar að kr. 1.500.000.- til húsakönnunar.

Framlagður úrskurður samgönguráðuneytis í stjórnsýslumáli nr. 1/2009, Þór Elmar Þórðarson gegn Borgarbyggð.

Í úrskurðarorðum kemur fram að kærunni er vísað frá. Ekki verður annað séð en að Borgarbyggð hafi farið að lögum við ráðningu sérkennslufulltrúa.

Framlagt minnisblað sveitarstjóra um almenningssamgöngur, auk þess sem lagðar voru fram niðurstöður úr farþegatalningu sem gerð var dagana 24. febrúar til 2. mars s.l.

Samþykkt að fela sveitarstjóra að ræða við fulltrúa Akraneskaupstaðar og Hvalfjarðarsveitar um málið.

Rætt um skólaakstur við grunnskóla í Borgarbyggð, en samningar við skólabílstjóra við Grunnskólann í Borgarnesi og Varmalandsskóla renna út í júní 2009.

Samþykkt að fela sveitarstjóra að ræða við skólabílstjórana um framlengingu á samningunum um eitt ár.

Rætt um búfjáreftirlit í Borgarbyggð.

Framlagt bréf frá Friðriki Aspelund dags. 15.03.09 varðandi kostnað við tónlistarfræðslu.

Á fjárhagsáætlun Borgarbyggðar fyrir árið 2009 er framlag til tónlistarfræðslu eingöngu til reksturs Tónlistarskóla Borgarfjarðar og því verður ekki veittur stuðningur til tónlistarnáms í skólum utan sveitarfélagsins sbr. fyrri samþykktir.

Byggðarráð ítrekar fyrri afstöðu að eðlileg verkaskipting á milli ríkis og sveitarfélaga sé að tónlistarfræðsla á framhaldsskólastigi sé á vegum ríkisins.

Byggðarráð mun funda með menntamálaráðherra n.k. föstudag.

Framlagt bréf frá Skógræktarfélagi Borgarfjarðar dags. 16.03.09 um átaksverkefni í skógrækt í Borgarbyggð sumarið 2009.

Byggðarráð tekur jákvætt í erindið og var sveitarstjóra falið að ræða við Skógræktarfélagið.

Framlagt svar Ungmennafélags Íslands vegna fyrirspurnar íþrótta- og æskulýðsfulltrúa um úthlutun á unglingalandsmótinu árið 2009.

Sveitarstjóra var falið að svara erindinu. Einnig var sveitarstjóra falið að kynna erindið fyrir Ferðamálasamtökum á Vesturlandi.

Jafnframt var framlagt bréf UMFÍ þar sem auglýst er eftir umsóknum frá áhugasömum mótshöldurum fyrir Unglingalandsmótið árið 2011.

Framlagt bréf frá menningarfulltrúa og forstöðumanni framkvæmdasviðs varðandi lagfæringu á gömlu húsunum að Hlíðartúni.

Samþykkt að heimila að nota þá fjárveitingu sem fékkst frá Húsafriðunarvernd í lagfæringarnar. Einnig verði athugað hvort þetta verkefni geti fallið undir átaksverkefni í sumar.

Framlagt erindi frá Sýslumanninum í Borgarnesi dags. 23.03.09 þar sem óskað er umsagnar um rekstrarleyfi fyrir veitinga- og skemmtistað við Borgarbraut.

Afgreiðslu frestað þar sem erindið er til umfjöllunar hjá skipulags- og byggingarnefnd.

Framlögð drög að dagskrá fyrir vinabæjarmót 29. - 31. maí n.k. í Odsherred í Danmörku.

Rætt um eignarhluti Borgarbyggðar í félögum, auk þess sem rætt var um endurskoðun fyrir sveitarfélagið.

Samþykkt að óska eftir viðræðum við forstjóra og stjórnarformann Orkuveitu Reykjavíkur.

Samþykkt að óska eftir viðræðum við fulltrúa KPMG-Endurskoðunar um endurskoðun hjá Borgarbyggð.

Framlagt bréf frá Björgu Gunnarsdóttur umhverfisfulltrúa vegna efnistöku úr fjörunni á Ökrum á Mýrum.

Umhverfisfulltrúa falið að vinna áfram að málinu.

Sveitarstjóri sagði frá að Ásgerður Ólafsdóttir hefur tekið að sér skólastjórn í Grunnskóla Borgarfjarðar út þetta skólaár. Aldís Eiríksdóttir verður aðstoðarskólastjóri við skólann til sama tíma.

Á fundinn mætti Jökull Helgason forstöðumaður framkvæmdasviðs og ræddi framkvæmdir við fráveitu í Borgarnesi og sérstaklega í Brákarey, auk þess sem farið var yfir mögulegar breytingar á götum og gangstéttum frá húsi nr. 54 að nr.61 við Borgarbraut.

Framlagt bréf verktaka varðandi verðbætur á verksamninga. Forstöðumaður framkvæmdasviðs fór yfir verðbætur á samningsverk hjá Borgarbyggð.

Byggðarráð fellst ekki á kröfu verktakans um verðbætur.

Á fundinn mættu Davíð Pétursson og Pétur Davíðsson, fulltrúar Skorradalshrepps, til viðræðna um skipulags- og byggingarmál.

Einnig var rætt um búfjáreftirlit á svæðinu.

a. Bréf frá Menntamálaráðuneytinu þar sem ráðstefna Menningarland 2009 er kynnt.

b. Bréf frá samtökum forstöðumanna sundstaða á Íslandi dags. 13.03.09 .

Fleira ekki gert.

Fundargerð upplesin og samþykkt samhljóða.

Fundi slitið kl. 11,50.