Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Björn Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð.

Eftirfarandi var tekið fyrir:

Framlagt minnisblað um fasteignir Borgarbyggðar í Englendingavík.

Samþykkt að fela sveitarstjóra að ganga til viðræðna við Bernt Ogrodnik og Hildi M. Jónsdóttur um mögulega sölu á fasteignum Borgarbyggðar í Englendingavík.

Sveinbjörn sat hjá við afgreiðslu og óskaði eftir að fasteignirnar verði auglýstar til sölu.

Framlagt minnisblað frá sveitarstjóra um uppgjör við Sólorku ehf. vegna hússins að Skúlagötu 10 í Borgarnesi, auk þess rætt um fasteign Sólorku ehf. við Hrafnaklett í Borgarnesi.

Samþykkt að fela framkvæmdasviði að vinna áfram að málinu.

Framlögð fundargerð frá eigendafundi í Orkuveitu Reykjavíkur sem fram fór 31. mars s.l.

Sveinbjörn lagði fram svohljóðandi bókun:

"Rétt er að vekja athygli á því að laun fyrir setu í stjórn Orkuveitu Reykjavíkur er ekki í neinu samræmi við laun sem Borgarbyggð greiðir.

Laun fyrir stjórnarsetu í OR eru 112.500 kr á mán.

Laun fyrir setu í sveitarstjórn Borgarbyggðar eru 83.460 kr. á mán.

Laun fyrir setu í byggðarráði eru 98.635 kr. á mán.

Með vísan í ofanritað tel ég eðlilegt að Borgarbyggð leggi til að stjórnarlaun í OR lækki verulega."

Rætt um aðalfund Menningarráðs Vesturlands og samþykkt að Jónína Erna Arnardóttir verði fulltrúi Borgarbyggðar á fundinum.

Byggðarráð ítrekaði fyrri bókun sína að rétt sé að draga úr rekstrarkostnaði Menningarráðsins.

Á fundinn mætti Linda B. Pálsdóttir fjármálastjóri og lagði fram skýringar vegna frávika á rekstri miðað við fjárhagsáætlun Borgarbyggðar á tveimur fyrstu mánuðum ársins 2009. Jafnframt var framlagður tölvupóstur frá framkvæmdstjóra Sambands íslenskra sveitarfélaga vegna hagræðingaraðgerða sveitarfélaga.

Framlagt minnisblað frá sveitarstjóra vegna gatnagerðar við Hallveigartröð í Reykholti.

Samþykkt að fela sveitarstjóra að vinna áfram að málinu og óskað eftir frekari upplýsingum um kostnað við gatnagerðina.

Framlagt bréf frá Guðbrandi Brynjúlfssyni formanni Veiðifélags Álftár á Mýrum dags. 31.03.09 um fjárveitingar til meindýravarna.

Samþykkt að fela sveitarstjóra að svara bréfinu.

Framlagt bréf frá Dagbjarti Arilíussyni f.h. Bílasölunnar Geisla, þar sem óskað er eftir landskiptum á lóð fyrirtækisins á Seleyri í Borgarbyggð.

Afgreiðslu frestað og var erindinu vísað til umfjöllunar vinnuhóps um aðalskipulag.

Framlagt minnisblað frá skrifstofustjóra og verkefnisstjóra eignasjóðs um öryggisgæslu.

Rætt um fasteignina að Brákarsundi 7 í Borgarnesi.

Framlagt minnisblað sveitarstjóra um fund með fulltrúum Strætó bs., Akraneskaupstaðar og Hvalfjarðarsveitar um almenningssamgöngur.

Rætt var um niðurfellingu svæðisskipulags Borgarfjarðarsýslu norðan Skarðsheiðar.

Auk þess var rætt um mögulegan þjónustusamning við Skorradalshrepp um skipulags- og byggingarmál.

Rætt um samning um lögfræðiþjónustu vegna þjóðlendumála.

Samþykkt að fresta ráðningu lögmanns að svo stöddu.

Framlagt erindi frá Samtökum iðnaðarins f.h. verktaka er unnið hafa að mannvirkjagerð í Borgarbyggð um verðbætur á verksamninga.

Samþykkt að hafna kröfum um verðbætur á verksamninga.

Á fundinn mættu Halldór Hróar Sigurðsson og Oddur G. Jónsson frá KPMG hf. og lögðu fram drög að ársreikningi fyrir árið 2008.

Linda B. Pálsdóttir fjármálastjóri og Anna Ólafsdóttiraðalbókari sátu fundinn meðan þessi liður var ræddur.

Rætt var við Halldór Hróar og Odd um endurskoðun hjá sveitarfélaginu.

Framlagður tölvupóstur frá Steinari Berg dags. 31.03.09 varðandi hugmynd að gönguhring þar sem fólki gefst tækifæri að upplifa sögu, náttúru, tröll, örnefni og Borgarfjörð.

Byggðarráð fagnar hugmynd og framtaki Steinars.

Framlagt fundarboð á aðalfund Veiðifélagsins Hvítár sem haldinn verður 16. apríl 2009.

Samþykkt að Ingibjörg Daníelsdóttir verði fulltrúi Borgarbyggðar á fundinum.

Framlagt erindi frá Sýslumanninum í Borgarnesi dags. 23.03.09 þar sem óskað er umsagnar um rekstrarleyfi fyrir veitinga- og skemmtistað við Borgarbraut en afgreiðslu erindisins var frestað á síðasta fundi byggðarráðs.

Fyrir liggur umsögn skipulags- og byggingarnefndar.

Samþykkt að fela sveitarstjóra að veita umsögn um umsóknina.

Rætt um fráveituframkvæmdir í Borgarnesi sem nú standa yfir.

Rætt um málefni Sparisjóðs Mýrasýslu.

Framlögð var kjörskrá Borgarbyggðar vegna alþingiskosninga sem fram fara 25. apríl n.k. Á kjörskrá eru 2.583.

Samþykkt var að fella niður útistandandi kröfur að upphæð kr. 2.354.826 skv. lista, en lögfræðingur telur að fullreynt sé með innheimtu á kröfunum.

Fleira ekki gert.

Fundargerð upplesin og samþykkt samhljóða.

Fundi slitið kl. 13,30.