Byggðarráð Borgarbyggðar

Mættir voru:

Aðalfulltrúar: Sveinbjörn Eyjólfsson

Finnbogi Rögnvaldsson

Bjarki Þorsteinsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt erindi dagsett 04.09. 2009 frá Magnúsi Magnússyni þar sem óskað er eftir að stofna 5000 fm. lóð í landi Birkihlíðar í Reykholtsdal.

Samþykkt að heimila að lóðin verði stofnuð.

Framlagt erindi dagsett 03.09. 2009 frá Lúmex og Félagi sumarhúsaeigenda að Kolstöðum um skiptingu jarðarinnar að Kolstöðum í Hvítársíðu.

Samþykkt að óska umsagnar skipulags- og byggingarnefndar og umhverfis- og landbúnaðarnefndar.

Rætt um starfsmannamál.

Rætt um skiptingu tekna á málaflokka og fyrirhugaðar fjárfestingar á árinu 2010.

Framlögð áskorun frá fulltrúum fyrirtækja við “efri” Sólbakka í Borgarnesi um breikkun gatnamóta Sólbakka og þjóðvegar 1 við Borgarnes.

Samþykkt að óska eftir fundi með fulltrúum Vegagerðarinnar um málið.

Framlögð ályktun frá aðalfundi Samtaka sveitarfélaga á Vesturlandi um vegamál.

Samþykkt að óska eftir fundi með fulltrúum Vegagerðarinnar um málið.

Rætt um viðræður við fjármála- og menntamálaráðuneyti sem og Íslandsbanka vegna Menntaborgar ehf.

Framlagt erindi vegna Kárastaða í Borgarbyggð.

Samþykkt að fela sveitarstjóra að ræða við aðila málsins.

Framlagt minnisblað frá framkvæmdasviði vegna niðurfellingar svæðisskipulags fyrir Borgarfjörð norðan Skarðsheiðar.

Samþykkt að skipa samvinnunefnd um svæðisskipulagið. Í nefndinni verða Jenný Lind Egilsdóttir og Torfi Jóhannesson en Finnbogi Rögnvaldsson og Sigríður G. Bjarnadóttir til vara.

Rætt um kröfu S.Ó. húsbygginga um greiðslu kostnaðar við hönnun á húsi á lóð við Sólbakka.

Samþykkt að fela sveitarstjóra að leggja fram minnisblað á næsta fundi byggðarráðs.

Rætt um verkefni vinnuhóps um skólamál, en hópurinn hefur verið að störfum s.l. mánuð.

Rætt um samvinnu við Greenstone ehf. um uppbyggingu netþjónabús í Borgarbyggð.

Framlagðar umsagnir fjallskilanefndar Borgarbyggðar og vinnuhóps umhverfis- og landbúnaðarnefndar um samþykkt um búfjarhald.

Samþykkt að skipa vinnuhóp til að endurskoða fjallskilareglugerðir. Í vinnuhópnum verða Finnbogi Leifsson, Ólafur Jóhannesson og Kristján F. Axelsson.

Framlögð fyrirspurn frá fyrirtæki um lóðir í Borgarnesi.

Ekki liggur fyrir skipulag á umræddu svæði og því ekki hægt að verða við beiðninni.

a. Fundargerð frá fundi í stjórn Orkuveitu Reykjavíkur sem haldinn var 31.08.09.

b. Fundargerð frá aðalfundi Bifur ehf. sem haldinn var 03.09.09.

Fleira ekki gert.

Fundargerðin upplesin og samþykkt samhljóða.

Fundi slitið kl. 22,00.