Byggðarráð Borgarbyggðar

Mættir voru:

Aðalfulltrúar: Sveinbjörn Eyjólfsson

Finnbogi Rögnvaldsson

Bjarki Þorsteinsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Rætt um þriggja ára áætlun fyrir árin 2011-2013.

Sveitarstjóri lagði fram tillögu að frekari vinnu við endurskoðun á skólamálum og samráði við hagsmunaaðila.

Jafnframt voru framlagðar ályktanir frá yfirstjórnarfundi við Landbúnaðarháskóla Íslands og frá skólaráði Grunnskóla Borgarfjarðar sem og undirskriftarlisti frá íbúum í skólahverfi Varmalandsskóla.

Framlagður samningur um slit á byggðasamlagi um Laugargerðisskóla og þjónustusamningur við Eyja-Miklaholtshrepp um skólavist barna úr gamla Kolbeinsstaðahreppi í Laugargerði.

Byggðarráð samþykkti samningana.

Sveitarstjóri sagði frá viðræðum við Orkuveitu Reykjavíkur um framkvæmdir við fráveitu.

Sveitarstjóri greindi frá stöðu mála í viðræðum sveitarfélaga við félags- og tryggingarráðuneytið um uppbyggingu dvalar- og hjúkrunarheimila.

Framlögð fundargerð frá fundi í yfirkjörstjórn Borgarbyggðar dags. 14.01.10 þar sem veitt var umsögn um breytingar á kjördeildum í Borgarbyggð

Samþykkt var að leggja niður Lyngbrekkukjördeild og hún sameinuð Borgarneskjördeild og einnig verði Brúaráskjördeild lögð niður og sameinuð Kleppjárnsreykjakjördeild.

Framlagt minnisblað frá sveitarstjóra vegna erindis frá Evu K. Þórðardóttur um aðstöðu fyrir dansstúdíó í Brákarey.

Framlögð ársskýrsla 2009 fyrir Slökkvilið Borgarbyggðar.

Jafnframt var framlagt bréf slökkviliðstjóra vegna vatnsmála í Reykholtsdal.

Samþykkt að senda bréfið til Orkuveitu Reykjavíkur.

Framlögð ársskýrsla félagsþjónustu Borgarbyggðar.

Framlagt minnisblað um eftirlit með fjárhagsáætlun árins 2010.

Samþykkt að fela sveitarstjóra að láta hefja eftirlit í takt við innihald minnisblaðsins með áorðnum breytingum.

Sveitarstjórn vísaði eftirtöldum liðum úr fundargerð byggðarráðs frá 06.01.10 til frekari umfjöllunar í byggðarráði:

1. lið um félagsþjónustu

1. lið um menningarmál

1. lið um íþrótta- og æskulýðsmál

1. lið um framkvæmdasvið og umhverfismál

1. lið um sameiginlegan kostnað

Samþykkt var að fela sveitarstjóra að vinna áfram að þessum málum m.a. að óska eftir fundi með bankastofnunum um lánamál.

Rætt um Stefnumót 2010 sem fram fer 30. janúar n.k. í Borgarnesi.

Á fundinn mættu fulltrúar frá foreldrafélagi leikskólans á Varmalandi til viðræðna við byggðarráð um framtíð leikskólans.

Samþykkt var að Brynjólfur Guðmundsson verði varamaður af hálfu Borgarlistans í fræðslunefnd en það láðist að kjósa í þetta embætti á síðasta fundi sveitarstjórnar þegar gerðar voru breytingar á skipun nefnda.

a. Bréf frá Orkuveitu Reykjavíkur vegna kaupa á eignarhluta ríkisins í HAB

b. Fundargerð frá stjórnarfundi í OR 30.12. 2009

c. Fundargerð frá stjórnarfundi Faxaflóahafna 15.01. 2010.

Fleira ekki gert.

Fundargerðin upplesin og samþykkt .

Fundi slitið kl. 22,30.