Byggðarráð Borgarbyggðar

Mættir voru:

Aðalfulltrúar: Bjarki Þorsteinsson

Ingibjörg Daníelsdóttir

Finnbogi Leifsson

Áheyrnarfulltrúi: Geirlaug Jóhannsdóttir

Sveitarstjóri: Páll S. Brynjarsson

Fjármálastjóri: Linda B. Pálsdóttir sem ritaði fundargerð

Eftirfarandi var tekið fyrir:

Framlögð fundargerð frá verkefnisstjórn um sameiningu Varmalandsskóla og Grunnskóla Borgarfjarðar frá 25. júní 2010. Jafnframt framlögð kostnaðaráætlun vegna sameiningarinnar. Byggðarráð samþykkir kostnaðaráætlun vegna sameiningar og vísar henni til endurskoðunar fjárhagsáætlunar skólans. Lagt fram erindi frá skólastjóra Grunnskóla Borgarfjarðar vegna búnaðarkaupa. Byggðarráð óskar eftir úttekt framkvæmdasviðs á viðhaldsþörf skólahúsnæðisins á Kleppjárnsreykjum ásamt samantekt á ástandi búnaðar og þörfum búnaðarkaupa í grunnskólum Borgarbyggðar. Úttekt þessi liggi fyrir 14. júlí nk.

Framlögð tilboð og minnisblað skrifstofustjóra vegna útboðs á skólaakstri. Byggðarráð samþykkir að samið verði við aðila eins og lagt er til í minnisblaðinu, að undanskilinni leið 3, þar sem afgreiðslu var frestað og sveitarstjóra falið að leita frekari upplýsinga.

Framlögð fundargerð frá aðalfundi Orkuveitu Reykjavíkur sem og skýrsla formanns.

Framlögð skýrsla SSV- þróunar og ráðgjafar um sameiningu sveitarfélaga á Vesturlandi í eitt sveitarfélag.

Framlagt fundarboð á framhaldsaðalfund Menningarráðs Vesturlands sem fram fer að Búðum föstudaginn 2. júlí n.k. Samþykkt að Ragnar Frank Kristjánsson verði fulltrúi Borgarbyggðar.

Framlagt samkomulag eigenda jarðarinnar Grjóteyri í Borgarbyggð þar sem jörðinni er skipt á milli eigenda, en óskað er samþykki sveitarstjórnar fyrir skiptunum. Jafnframt er framlögð umsókn Knúts Jeppesen þar sem óskað er eftir stofnun nýrrar lóðar sem mun bera heitið Grjóteyrartunga. Vísað til umsagnar í umhverfis- og skipulagsnefnd.

Framlögð ársskýrsla frá Heilbrigðiseftirliti Vesturlands.

 

Framlögð erindi frá 66. fundi fræðslunefndar. Byggðarráð samþykkir að farið verði eftir reglum sem settar hafa verið um hámarksfjölda í bekk og samþykkir á þeim forsendum breytingar í Grunnskóla Borgarness og vísar þeim til endurskoðunar fjárhagsáætlunar. Fræðslunefnd falið að gera tillögu að verklagsreglum varðandi hámarksfjölda í bekk. Framlagt minnisblað fræðslustjóra um mötuneyti Grunnskóla Borgarfjarðar á Hvanneyri og minnisblað um opnunartíma leikskóla. Byggðarráð felur sveitarstjóra að koma með tillögur að útfærslu launadreifingar.

Framlögð fundargerð frá 8. fundi Búfjáreftirlitsnefndar fyrir svæði 5. Jafnframt rætt um skipan í nefndina.

Framlagt bréf frá Ingibjörgu Jónsdóttur og Berki Nóasyni f.h. leigjenda í húsnæði Borgarbyggðar á Varmalandi vegna fyrirhugaðrar hækkunar á húsaleigu. Samþykkt að óska eftir úttekt sveitarstjóra á stöðu leigumarkaðar á svæðinu.

Rætt um málefni Menntaborgar ehf. og starf húsvarðar við mennta- og menningarhúsið. Sveitarstjóra falið að gera tillögu að starfshlutfalli húsvarðar og markaðssetningu hússins.

Framlögð fundargerð frá 31. fundi umsjónarnefndar fólkvangsins í Einkunnum, en á fundinum var rætt um úrskurð umhverfisráðherra vegna stjórnsýslukæru umsjónarnefndarinnar. Byggðarráð samþykkir að óska eftir að Hilmar Már Arason komi á næsta fund byggðarráðs.

Á fundinn mætti Kristján Gíslason, skólastjóri Grunnskóla Borgarness, til viðræðna um fjárhagsstöðu skólans. Byggðarráð óskar eftir að Kristján sendi sundurliðað yfirlit vegna stöðunnar á næsta fund þess. Byggðarráð samþykkir að heimila skólastjóra Grunnskóla Borgarness að ráða í 40% stöðu húsvarðar við skólann.

Á fundinn mætti Indriði Jósafatsson, íþrótta- og æskulýðsfulltrúi, og fór yfir rekstur íþróttamiðstöðva það sem af er ári 2010. Byggðarráð óskar eftir tillögum frá sveitarstjóra um viðbrögð. Byggðarráð samþykkir að hækka gjaldskrá á stökum miðum fullorðinna í sund í kr. 450 frá og með 2. júlí, hækkunin er m.a. vegna aðfangahækkana.

Á fundinn mætti Jökull Helgason forstöðumaður framkvæmdasviðs og greindi frá fundi Akraneskaupstaðar, Hvalfjarðarsveitar og Borgarbyggðar um tilboð í sorphirðu sem fram fór 30. júní sl. Byggðarráð samþykkir að fela framkvæmdasviði að ganga frá samningi við Íslenska Gámafélagið ehf.

Rætt um vinnu við fjárhagsáætlun fyrir árið 2011. Samþykkt að halda undirbúningsfund sveitarstjórnar, nefndarmanna og forstöðumanna 10. ágúst nk. Rætt um skipan vinnuhóps um endurskoðun stjórnsýslu Borgarbyggðar.

Rætt um stöðu undirbúnings við byggingu hjúkrunarheimilis við Dvalarheimili aldraðra í Borgarnesi.

Framlagt minnisblað sveitarstjóra um framlag Lionsklúbbs Borgarness til uppbyggingar að Borgarbraut 65. Sveitarstjóra falið að leggja fram tillögu að lausn.

Framlögð beiðni starfsmanns um tímabundið leyfi frá störfum. Byggðarráð samþykkir beiðnina.

Sveitarstjórn vísaði til byggðarráðs beiðni eigenda Staðarhúsa varðandi upprekstur á Þverárréttarafrétt. Vegna þessa bókar byggðarráð eftirfarandi:

 

"Nú þegar hefur féð frá Staðarhúsum verið rekið á Þverárréttarafrétt, enda lá fyrir samþykki afréttarnefndar Þverárréttar þar um. Byggðarráð gerir því ekki athugasemd við þá ákvörðun, þrátt fyrir að samþykki sveitarstjórnar hafi ekki legið fyrir. Hins vegar ítrekar byggðarráð að þessi ákvörðun á aðeins við um þetta ár og beinir því til afréttarnefndar Borgarhrepps, Stafholtstungna og Norðurárdals vestan Norðurár og afréttarnefndar Þverárréttarupprekstrar að ræða um upprekstrarmál viðkomandi svæða."

Byggðarráð samþykkir að Davíð Pétursson verði sameiginlegur fulltrúi Borgarbyggðar, Hvalfjarðarsveitar og Skorradalshrepps í stjórn Snorrastofu.

Samþykkt að fela sveitarstjóra að kynna nefndarskipan.

a. Fundargerð frá fundi í skólanefnd Fjölbrautarskóla Vesturlands.

b. Bréf frá EBÍ vegna ágóðahlutar 2010.

Fleira ekki gert.

Fundargerðin upplesin og samþykkt.

 

Fundi slitið kl. 12:30