Byggðarráð Borgarbyggðar

Aðalfulltrúar: Bjarki Þorsteinsson

Ingibjörg Daníelsdóttir

Finnbogi Leifsson

Áheyrnarfulltrúi: Jóhannes Stefánsson

Sveitarstjóri: Páll S. Brynjarsson

Fjármálastjóri: Linda Björk Pálsdóttir sem ritaði fundargerð

Á fundinn kom Guðrún Gísladóttir, forstöðumaður Vinnumálastofnunar á Vesturlandi, til viðræðna um stöðu atvinnuleitenda í Borgarbyggð og þær úrlausnir sem stofnunin býður upp á til að fjölga fólki á vinnumarkaði. Guðrún lagði fram ýmsar tölulegar upplýsingar og greindi frá stöðu verkefna á vegum Vinnumálastofnunar. Byggðarráð samþykkti að fela sveitarstjóra að taka saman minnisblað í framhaldi af heimsókn Guðrúnar sem lagt verði fram á næsta fundi byggðarráðs.

Framlögð slitagerð um byggðasamlag Laugargerðisskóla. Rætt um eignarhlut Borgarbyggðar í fasteignum byggðarsamlagsins. Slitagerð slitastjórnar vísað til sveitarstjórnar.

Framlögð gögn um mögulegar breytingar á akstursleið skólabíls í Borgarnesi. Samþykkt að vísa til fjárhagsáætlunar ársins 2011.

Á fundinn kom Jökull Helgason, forstöðumaður framkvæmdasviðs, og fór yfir stöðu framkvæmdaáætlunar fyrir árið 2010, auk þess sem lagt var fram yfirlit yfir ófrágengna húsgrunna í Borgarnesi. Samþykkt að fela forstöðumanni framkvæmdasviðs að krefja lóðarhafa um úrbætur og jafnframt samþykkt að vísa umræðu um húsgrunna til umhverfis- og skipulagsnefndar.

Framlagt minnisblað skólastjóra vegna búnaðarkaupa fyrir skólann. Byggðarráð samþykkir fjárveitingu til skólans að fjárhæð kr. 1.500.000 til búnaðarkaupanna og er þeirri fjárhæð vísað til endurskoðunar fjárhagsáætlunar.

Fjármálastjóri fór yfir rekstrarstöðu Borgarbyggðar eftir fyrstu sex mánuði árins.

Framlagt bréf frá NKG (nýsköpunarkeppni grunnskólanna) þar sem óskað er eftir styrk frá Borgarbyggð vegna keppninnar. Byggðarráð getur ekki orðið við beiðninni.

Framlagt minnisblað frá umhverfis- og landbúnaðarfulltrúa um hross á eyðijörðum sem er án tilsjónarmanna. Sveitarstjóra falið í samstarfi við lögmann að kanna réttarstöðu og skyldur sveitarfélagsins og leggja fram tillögu að úrbótum.

Framlagt minnisblað sveitarstjóra vegna viðræðna við Lionsklúbbinn í Borgarnesi vegna aðkomu klúbbsins að uppbyggingu hússins. Byggðarráð samþykkir að leggja tillögu sveitarstjóra fyrir samninganefnd Lionsklúbbsins.

Framlagður úrskurður samgöngu- og sveitarstjórnarráðuneytisins vegna kæru Kapals hf. á hendur Borgarbyggðar vegna smölunar búfjár. Byggðarráð samþykkir að fá álit lögfræðings sveitarfélagsins á úrskurðinum.

Rætt um yfirfærslu á málefnum fatlaðra til sveitarfélaga.

Rætt um átak Borgarbyggðar og Búnaðarsamtaka Vesturlands. Verkefninu er lokið og þakkar sveitarfélagið Búnaðarsamtökunum fyrir samstarfið.

Sveitarstjóri greindi frá viðræðum sveitarfélagsins við Íslandsbanka. Byggðarráð felur sveitarstjóra að ljúka samningum við bankann.

14. Afréttarmál

Lagt fram álit Inga Tryggvasonar, lögfræðings, um álagningu fjallskila.

 

Rætt um málefni Orkuveitunnar og stöðu Borgarbyggðar innan fyrirtækisins.

Fleira ekki gert.

Fundargerðin upplesin og samþykkt samhljóða.

 

Fundi slitið kl. 12:05.