Byggðarráð Borgarbyggðar

kl. 08:00 að Borgarbraut 14 í Borgarnesi.

Mættir voru:

Aðalfulltrúar: Bjarki Þorsteinsson

Ingibjörg Daníelsdóttir

Finnbogi Leifsson

Áheyrnarfulltrúi: Geirlaug Jóhannsdóttir

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt bréf frá Helga Þór Ingasyni forstjóra Orkuveitu Reykjavíkur dags. 27.10.10 þar sem húsaleigu í húsnæði Borgarbyggðar við Sólbakka í Borgarnesi er sagt upp.

Samþykkt að ræða málið á fyrirhuguðum fundi byggðarráðs með forstjóra og stjórnarformanni Orkuveitunnar í næstu viku.

Framlagt bréf til sveitarstjórnar frá Magnúsi B. Jónssyni formanni og Jón Guðbjörnssyni varaformanni stjórnar DAB dags. 20.10.10 vegna byggingar hjúkrunarálmu við heimilið.

Rætt um vinnu við fjárhagsáætlun 2011.

Á fundinn mætti Linda B. Pálsdóttir fjármálastjóri.

Fjármálastjóri kynnti fjárhagsstöðu málaflokka eftir fyrstu níu mánuði árins 2010.

Framlögð tillaga um fjármögnun á byggingu reiðhallarinnar Faxaborgar í Borgarnesi.

Samþykkt að vísa tillögunni til sveitarstjórnar.

Framlagt minnisblað frá skrifstofustjóra um innheimtumál.

Samþykkt að óska eftir samanburði á kostnaði við lögfræðiinnheimtu.

Framlagt minnisblað frá fundi skólameistara og fulltrúa aðildarsveitarfélaga að FVA um breytingar á stofnskrá skólans.

Byggðarráð hafnar því að taka þátt í kostnaði við skólaakstur við FVA.

Samþykkt var að Borgarbyggð greiði kr. 541.000 vegna byggingarkostnaðar við verknámsdeild.

Samþykkt að fara fram á að skoðuð verði kostnaðarskipting sveitarfélaganna sem standa að skólanum um húsnæðiskostnað.

Framlagt yfirlit frá framkvæmdasviði yfir fasteignir Borgarbyggðar og nýtingu á þeim.

Samþykkt að vísa yfirlitinu til Borgarfjarðarstofu.

Framlagt bréf frá Jöfnunarsjóði sveitarfélaga dags. 29.10.10 þar sem tilkynnt er um greiðslu tekjujöfnunarframlags til Borgarbyggðar.

Rætt um endurskoðun á stjórnsýslu Borgarbyggðar.

Framlögð skýrsla vinnuhóps sem skipaður var til að fara yfir skipulag á þjónustu við fatlaða þegar það verkefni flyst yfir til sveitarfélaga.

Samþykkt að fela sveitarstjóra að vinna áfram að málinu.

Framlagðar umsagnir frá afréttarnefnd BSN vegna erinda sem byggðarráð beindi til nefndarinnar.

Sveitarstjóra var falið að koma umsögn nefndarinnar varðandi bókun í fundargerð á framfæri við hlutaðeigandi aðila.

Umsögn nefndarinnar vegna álagningar fjallskila á Ásbjörn Pálsson var vísað til fjallskilanefndar Borgarbyggðar.

Framlagt erindi frá Ásu Hlín Svavarsdóttur dags. 31.10.10 þar sem hún óskar eftir samstarfi við Borgarbyggð vegna listviðburðar með ungu fólki.

Vísað til Borgarfjarðarstofu.

Framlagt minnisblað skrifstofustjóra um kaup Borgarbyggðar á ráðgjafaþjónustu, endurskoðun og þjónustu lögfræðings.

Framlagt bréf frá Sigríði G. Bjarnadóttir fulltrúa í sveitarstjórn um að fjárveiting til refa- og minkaveiða á árinu 2010 verði hækkuð.

Framlagt bréf Bjargar Gunnarsdóttur umhverfis- og landbúnaðarfulltrúa dags. 03.11.10 varðandi framlag til refa- og minkaveiði.

Samþykkt að fela umhverfis- og landbúnaðarfulltrúa að skipuleggja átak til að eyða dýrbítum sem orðið hefur vart við í sveitarfélaginu.

Samþykkt að vísa erindi Sigríðar til endurskoðunar fjárhagsáætlunar 2010 og vinnu við gerð fjárhagsáætlunar 2011.

Framlagt bréf umhverfis- og landbúnaðarfulltrúa dags. 03.11.10 um framlag til jólaskreytinga.

Samþykkt að draga úr kostnaði við jólaskreytingar frá því sem verið hefur.

Framlagt minnisblað um viðbrögð Borgarbyggðar vegna yfirvofandi sameiningar háskóla.

Byggðarráð lýsir yfir miklum áhyggjum af stöðu háskóla í héraðinu vegna þeirra viðræðna sem standa yfir um sameiningu.

Samþykkt að fela SSV þróun og ráðgjöf að gera skoðun á samfélagsáhrifum þess að starfsemin á Bifröst og Hvanneyri breytist verulega. Jafnframt var samþykkt að óska eftir fundi með menntamálaráðherra og öðrum með háskólaráði og þingmönnum norð-vestur kjördæmis um málið.

a. Fundargerðir stjórnar Orkuveitu Reykjavíkur 15.10. og 20.10.10.

Fleira ekki gert.

Fundargerðin upplesin og samþykkt samhljóða.

Fundi slitið kl. 13,00.