Byggðarráð Borgarbyggðar

Mættir voru:

Aðalfulltrúar: Bjarki Þorsteinsson

Ingibjörg Daníelsdóttir

Finnbogi Leifsson

Áheyrnarfulltrúi: Geirlaug Jóhannsdóttir

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Rætt um slit á fasteignafélaginu Menntaborg ehf.

Byggðarráð staðfesti ákvörðun um að slíta félaginu og skipun í slitastjórn þess.

Framlagt erindi frá Safnahúsi Borgarfjarðar þar sem óskað er eftir stuðningi sveitarstjórnar við uppsetningu á sýningu um sr. Magnús Andrésson á Gilsbakka.

Samþykkt að vísa erindinu til Borgarfjarðarstofu.

Framlagður samningur á milli Borgarbyggðar og Reiðhallarinnar Vindási ehf. um greiðslu framlaga Borgarbyggðar til reiðhallarinnar.

Byggðarráð samþykkti samninginn.

Framlagður samningur við Björgunarsveitina Brák um þrettándabrennu á Seleyri.

Byggðarráð samþykkti samninginn.

Framlagt minnisblað frá sveitarstjóra vegna breytinga á stjórnsýslu sem tóku gildi 1. janúar s.l.

Geirlaug lagði fram svohljóðandi bókun:

"Niðurstaða af vinnu við endurskoðun á stjórnsýslu Borgarbyggðar sem hófst síðsumars og ætlað var að bæta skilvirkni og stuðla að hagræðingu, er óverulegur sparnaður í stjórnsýslu sem er vel innan þeirrar upphæðar sem meirihlutinn kynnti sem sparnað."

Á fundinn mætti Linda B. Pálsdóttir fjármálastjóri og lagði fram yfirlit um rekstur Borgarbyggðar fyrstu 11 mánuði ársins 2010.

Rætt um þriggja ára áætlun 2012-2014.

Rætt um skipan í stjórn menningarsjóðs Borgarbyggðar

Framlögð fundargerð frá fundi búsetuhóps Menntaskóla Borgarfjarðar sem haldinn var 21.12.10.

Sveitarstjóri lagði fram drög að viðauka við samninga Orkuveitu Reykjavíkur og Borgarbyggð og Borgarfjarðarsveit um sameiningu fráveitu sveitarfélaganna.

Sveitarstjóra var falið að vinna áfram að málinu.

a. Framlögð skýrsla Almannavarnarnefndar og fundargerð frá fyrsta fundi nefndarinnar á nýju kjörtímabili.

Fleira ekki gert.

Fundargerðin upplesin og samþykkt samhljóða.

Fundi slitið kl. 11,15