Byggðarráð Borgarbyggðar

Mættir voru:

Aðalfulltrúar: Bjarki Þorsteinsson

Finnbogi Leifsson

Varafulltrúi: Ragnar Frank Kristjánsson

Varaáheyrnarfulltrúi: Jóhannes F. Stefánsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt erindi frá félagsmálastjóra f.h. íbúa þar sem sótt er um niðurfellingu á fasteignaskatti vegna veikinda.

Samþykkt að verða við erindinu.

Framlagt erindi frá eldriborgara ráði þar sem óskað er eftir greiðslu fyrir fundarsetur og akstur.

Byggðarráð samþykkti að greitt verði fyrir akstur á fundi ráðsins.

Framlagt erindi frá Gylfa Árnasyni dags. 17.02.11 þar sem hann óskar eftir aðstöðu í fasteignum Borgarbyggðar í Brákarey undir lítið fyrirtæki sem mun framleiða byggingarvörur úr áli.

Samþykkt að fela sveitarstjóra að ræða við Gylfa.

Framlögð ályktun frá mótmælafundi „Samstaða um framhald tónlistarskólanna“, ályktunin er undirrituð af fulltrúum frá Félagi tónlistarkennara, Félagi íslenskra hljómlistarmanna, Samtaka tónlistarskólastjóra og tónlistarnemenda.

Byggðarráð ítrekar fyrri afstöðu að eðlileg verkaskipting á milli ríkis og sveitarfélaga sé að tónlistarfræðsla á framhaldsskólastigi sé á vegum ríkisins.

Framlagt erindi frá Rannsóknarstofnun í menntastjórnun, nýsköpun og mati á skólastarfi dags. 15.02.11, en stofnunin óskar eftir því að Grunnskólinn í Borgarnesi verði hluti af rannsókn um áhrif efnahagskreppunnar á skólastarf.

Byggðarráð samþykkti erindið.

Framlögð drög að starfsmannastefnu Borgarbyggðar. Jafnframt eru framlögð drög að reglum um endurmenntun og nám starfsmanna.

Samþykkt að fela sveitarstjóra að vinna áfram að málinu.

Framlögð endurskoðuð drög að innkaupareglum fyrir Borgarbyggð.

Samþykkt að fela sveitarstjóra að vinna áfram að málinu.

Framlagt minnisblað frá sveitarstjóra vegna atvinnuátaksverkefnis.

Samþykkt var að veita 2,5 milljónum króna í atvinnuátaksverkefni á árinu 2011 og taka fjármagnið af framkvæmdaliðnum bílaplan á horni Bjarnarbrautar og Brákarbrautar. Verkefnin sem unnið verður að eru í umhverfismálum/skógrækt, verkefna í Safnahúsi og verkefna í stjórnsýslu. Þá var einnig rætt um að fara í verkefni sem hefði það að markmiði að hvetja fyrirtæki til að ráða til sín fleira starfsfólk.

Á fundinn mætti Þorsteinn Eyþórsson formaður sóknarnefndar Borgarneskirkju til viðræðna um kirkjugarðinn í Borgarnesi.

Jökull Helgason forstöðumaður framkvæmdasviðs sat fundinn meðan þessi liður var ræddur.

Framlagt erindi frá Farfuglaheimilinu í Borgarnesi dags. 15.02.11 varðandi áframhaldandi samstarf um rekstur tjaldsvæðis í Borgarnesi.

Samþykkt að fela sveitarstjóra að ræða við bréfritara um rekstur tjaldsvæðisins árið 2011.

Fleira ekki gert.

Fundargerðin upplesin og samþykkt samhljóða.

Fundi slitið kl. 9,45