Byggðarráð Borgarbyggðar

Mætt voru:

Aðalfulltrúar: Bjarki Þorsteinsson

Finnbogi Leifsson

Ingibjörg Daníelsdóttir

Áheyrnarfulltrúi: Geirlaug Jóhannsdóttir

Sveitarstjóri: Páll S. Brynjarsson sem ritaði jafnframt fundargerð

Eftirfarandi var tekið fyrir:

Framlögð gögn frá fundi formanns byggðarráðs og sveitarstjóra með fulltrúum SSV og Akraneskaupstaðar um almenningssamgöngur. Sveitarstjóra falið að vinna áfram að málin með SSV og öðrum sveitarfélögum á Vesturlandi.

Framlagt erindi frá Ingva Árnasyni formanni Golfklúbbs Borgarness sem varðar viðbótar svæði til þróunar fyrir klúbbinn. Sveitarstjóra falið að leggja fyrir byggðarráð upplýsingar um afnot aðila af spildum í landi Hamars.

Framlagt samkomulag Sambands íslenskra sveitarfélaga og mennta- og menningarráðuneytisins um eflingu tónlistarnáms og jöfnun á aðstöðumun nemenda til tónlistarnáms. Byggðarráð fagnar því að loks hafi náðst samkomulag á milli ríkis og sveitarfélaga um tónlistarnám og væntir þess að samningurinn muni efla slíkt nám í framtíðinni

Framlögð kauptilboð í gamla læknisbústaðinn á Kleppjárnsreykjum sem og minnisblað umhverfis- og skipulagssviðs um tilboðin.

Byggðarráð samþykkir að hafna öllum tilboðum í eignina. FL sat hjá við atkvæðagreiðsluna Jafnframt samþykkti byggðarráð að fela Inga Tryggvasyni fasteignasala að auglýsa húsið til sölu að nýju.

Framlögð umsögn umhverfis- og skipulagsnefndar um söfnunarsvæði og kurlun við Ölduhrygg. Umhverfis- og landbúnaðarfulltrúa falið að taka saman minnisblað fyrir byggðarráð um málið.

Framlögð umsókn um stofnar lóðar úr landi Hraunsmúla, 1.77 ha að stærð. Samþykkt að vísa erindinu til umsagnar umhverfis- og skipulagsnefndar.

Rætt um starfsmannamál. Jafnframt var framlagt erindi frá skólastjóra Grunnskóla Borgarfjarðar varðandi ráðningu deildarstjóra á Varmalandi, en starfið hafði verið auglýst innanhúss. Byggðarráð samþykkti að heimila skólastjóra að ganga frá ráðningunni.

Framlögð yfirmatsgerð vegna Skúlagötu 7 í Borgarnesi. Í niðurstöðu matsnefndar kemur fram að húsið að Brákarsundi 7 skerði ekki nýtingu fasteignarinnar að Skúlagötu 7 eða rýri verðmæti hennar.

Eftirtöldum erindum var vísað frá sveitarstjórn til byggðarráðs;

a. Grímshúsið – tillögu um sölu hússins. Sveitarstjóra falið að ræða við áhugamenn um útgerðarsögu Borgarness.

b. Menntaskóli Borgarfjarðar – Framlagður samningur við Arion-banka um kaup Borgarbyggðar á eignarhlut bankans í Menntaskóla Borgarfjarðar. Byggðarráð samþykkti samninginn.

c. Skýrsla vinnuhóps um mötuneytismál í skólum Borgarbyggðar. Samþykkt að fela fræðslustjóra að leggja fram kostnaðarmat varðandi tillögur vinnuhópsins.

Framlagt minnisblað unnið af fræðslustjóra og félagsmálastjóra um áhrif efnahagsþrenginga á velferð íbúa í Borgarbyggð. Samþykkt að óska eftir því að félagsmálastjóri og fræðslustjóri komi á næsta fund byggðarráðs og kynni efni skýrslunnar.

Á fundinn mættu Sigurður Arnar Jónsson og Grétar Eggertsson frá Motus og kynntu starfsemi fyrirtækisins og ræddu framtíð starfsstöðvar þess í Borgarnesi. Sveitarstjóra falið að leggja fram gögn um innheimtuferla.

Framlagt minnisblað frá fundi umhverfis- og landbúnaðarfulltrúa með formanni Hestamannafélagsins Skugga. Sveitarstjóra falið að leggja fyrir byggðarráð upplýsingar um afnot aðila af spildum í landi Hamars.

Á fundinn mættu Theodór Þórðarson yfirlögregluþjónn og Jón Arnar Sigþórsson lögregluþjónn til viðræðna um starfsemi lögreglu og fyrirhugaðar breytingar á lögregluumdæmum.

Byggðarráð samþykkti að óska eftir fundi með innríkisráðherra um málefni lögreglu í Borgarbyggð.

Rætt um aðalfund Faxaflóahafna. Samþykkt að Páll S. Brynjarsson verði aðalmaður í stjórn og Geirlaug Jóhannsdóttir varamaður.

Finnbogi Leifsson vék af fundi kl.11.35

Rætt um fund með lögmanni frá Veritas lögmönnum vegna lánamála. Byggðarráð samþykkir að fela Veritas lögmönnum að leggja fram stefnu fyrir hönd sveitarfélagsins vegna málsins

Á fundinn mætti Björg Gunnarsdóttir umhverfis- og landbúnaðarfulltrúi til viðræðna um refa- og minkaveiði.

a. Fundargerðir frá fundum vinnuhóps um endurskoðun fjallskilareglugerða

Fleira ekki gert.

Fundargerðin upplesin og samþykkt samhljóða.

Fundi slitið kl. 12.12