Byggðarráð Borgarbyggðar

Mætt voru:

Aðalfulltrúar: Ingibjörg Daníelsdóttir

Geirlaug Jóhannsdóttir

Varafulltrúi: Dagbjartur Arilíusson

Áheyrnarfulltrúi: Sigríður G. Bjarnadóttir

Sveitarstjóri: Páll S. Brynjarsson sem ritaði fundargerð

Eftirfarandi var tekið fyrir:

Framlagt erindi frá Guðrúnu Völu Elísdóttur formanni Nýbúaráðs Borgarbyggðar um nýbúastefnu sveitarfélagsins og eftirfylgni með henni.

Byggðarráð óskar eftir því að nýbúastefna sveitarfélagsins verði kynnt almennt og sérstaklega á vinnustöðum sveitarfélagsins.

Rætt um starfsmannamál

Framlagt erindi frá Ólafi Magnússyni og Önnu Gullu á Gilsbakka þar sem óskað er eftir kostnaðarþátttöku Borgarbyggðar við girðingu á milli heimalands Gilsbakka og afréttarlands Þverárréttarupprekstrar. Eldri girðing þjónaði sem sauðfjárveikivarnarlína, en er ónýt vegna viðhaldsleysis af hálfu ríkisins.

Sveitarstjóra falið að ræða við Matvælastofnun og sjávarútvegs- og landbúnaðarráðuneytið um málið. Jafnframt var óskað umsagnar afréttarnefndar Þverárréttarupprekstrar.

Á 78. fundi sveitarstjórnar var samþykkt að vísa tillögu Geirlaugar Jóhannsdóttur um stofnun vinnuhóps um nýtingu vindorku til byggðarráðs.

Samþykkt að stofna vinnuhóp um nýtingu vindorku og sveitarstjóra falið að leggja fram drög að erindisbréfi hópsins á næsta fundi.

Framlagt minnisblað um rekstur mennta- og menningarhússins Hjálmakletts.

Á fundinn mætti Einar G. Pálsson fjármálafulltrúi Borgarbyggðar og gerði grein fyrir rekstri Borgarbyggðar fyrstu sex mánuði ársins.

Byggðarráð samþykkti að hefja vinnu við endurskoðun fjárhagsáætlunar fyrir árið 2011.

Á fundinn mætti Ásthildur Magnúsdóttir fræðslustjóri til viðræðna vegna yfirvofandi verkfalls leikskólakennara.

Rætt um eigendastefnu Orkuveitu Reykjavíkur, en frestur til að skila inn umsögn er til 22.08 2011.

Á fundinn mættu Þórólfur Sveinsson, Birna Konráðsdóttir og Ólafur Jóhannesson fulltrúar frá Veiðifélagi Borgarfjarðar til viðræðna um netalagnir við Borgarnes.

Á fundinn mættu Bjarni Bjarnason forstjóri Orkuveitu Reykjavíkur, Páll Erland yfirmaður veitumála og Sigurbjörn Búi Sigurðsson forstöðumaður vatnsveitu til viðræðna um vatnsveitur í Borgarbyggð.

Rætt um þjónustu dýralækna í Borgarbyggð og fyrirhugaðar breytingar á skipulagi á þjónustu dýralækna á Vesturlandi.

Samþykkt að óska umsagnar landbúnaðarnefndar um skipulag dýralæknaþjónustu .

Framlagt minnisblað frá skrifstofustjóra um skjalastjórnunarkerfi Borgarbyggðar, One-system.

Framlögð drög að umferðaröryggisáætlun. Jafnframt rætt um akstursleið skólabíls í Borgarnesi.

Samþykkt að óska eftir kynningu frá skýrsluhöfundi, auk þess sem samþykkt var að ráðast í aðgerðir til að tryggja frekar umferðaröryggi gangandi vegafaranda við Skallagrímsgötu.

Sveitarstjóri greindi frá fundi með oddvita Eyja- og Miklaholtshrepps og skólabílstjórum við Laugargerðisskóla um skólaakstur skólarárið 2011-2012. Samþykkt að framlengja samninga við skólabílstjóra, skólaárið 2011-2012.

Rætt um framkvæmdir við Oddstaðarétt.

a. Fundargerðir byggingarnefndar við Dvalarheimili aldraðra í Borgarnesi

Fleira ekki gert.

Fundargerðin upplesin og samþykkt samhljóða.

Fundi slitið kl. 13.00