Byggðarráð Borgarbyggðar

Mætt voru:

Aðalfulltrúar: Bjarki Þorsteinsson

Ingibjörg Daníelsdóttir

Geirlaug Jóhannsdóttir

Áheyrnarfulltrúi: Sigríður G. Bjarnadóttir

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagður tölvupóstur dags. 18.12.11 frá Ingimundi Grétarssyni vegna lóðarinnar að Brákarbraut 11.

Byggðarráð áréttar að varðandi eignarnámsmál hefur sveitarstjóri unnið skv ákvörðun byggðarráðs 17. mars og sveitarstjórnar 14. apríl 2011. Varðandi breytingar á deiliskipulagi í gamla miðbænum beinir byggðarráð því til umhverfis- og skipulagsnefndar að málið verði tekið fyrir sem fyrst.

Geirlaug vék af fundi meðan þessi liður var afgreiddur vegna tengsla við aðila málsins.

Rætt um fyrirhugaðan eigendafund í Orkuveitu Reykjavíkur.

Jafnframt var framlagt bréf frá Orkuveitunni dags. 09.12.11 varðandi auglýsingu á gjaldskrá fráveitu.

Byggðarráð samþykkti að heimila Orkuveitunni að birta auglýsingar um gjaldskrá fráveitu í Borgarbyggð.

Á fundinn mættu Jökull Helgason forstöðumaður umhverfis- og skipulagssviðs og Kristján Finnur Kristjánsson verkefnisstjóri eignasjóðs og kynntu greinargerð um viðhaldsþjónustu eingasjóðs og tillögu að samningum við verktaka.

Samþykkt að fela Jökli og Kristjáni að vinna áfram að verkefninu.

Framlagt bréf frá Félagi leikskólakennara dags. 30.11.11 þar sem óskað er upplýsinga frá sveitarfélögum á Vesturlandi vegna aukins álags á starfsfólk.

Samþykkt að vísa erindinu til fræðslunefndar og fræðslustjóra.

Rætt um aldursskiptingu í gjaldskrá íþróttamiðstöðva.

Byggðarráð samþykkti að aldurskipting gjaldskrár í sund verði 0 - 5 ára, 6 - 15 ára og 16 ára og eldri nema hvað eldri borgarar eru með sérstakan afslátt. Tómstundanefnd var falið að fara yfir aðra liði gjaldskrárinnar.

Rætt um tillögu að nýjum reglum um ferðaþjónustu fatlaðra og aldraðra í Borgarbyggð.

Samþykkt að ræða við Dvalarheimili aldraðra um ferðaþjónustuna.

Rætt um þriggja ára áætlun Borgarbyggðar 2013 - 2015.

Lagður fram listi um fasteignir Borgarbyggðar.

Á fundinn mætti Einar G. Pálsson fjármálafulltrúi og lagði fram yfirlit um rekstur Borgarbyggðar 11 mánuði ársins 2011.

Samþykkt var að fela skrifstofustjóra að leggja fram sundurliðun á þjónustukaupum sem færður er á sameiginlegan kostnað.

Samþykkt var að fela sveitarstjóra að leggja fram sundurliðun á kostnaði við aðalskipulag og deiliskipulag.

a.Fundargerð frá 93. fundi í stjórn Faxaflóahafna.

b.Ályktun frá Félagi tónlistakennara gegn niðurskurði í tónlistarskólum.

Fleira ekki gert.

Fundargerðin upplesin og samþykkt .

Fundi slitið kl. 10,55.