Byggðarráð Borgarbyggðar

Framlagt bréf frá Landmælingum Íslands um merkingu göngu- og reiðvega annars vegar og akvega hins vegar í kortagrunni Landmælinga Íslands fyrir Borgarbyggð.

Vísað til umhverfis- og skipulagsnefndar.

Framlagt fundarboð á aðalfund Veiðifélagsins Hvítár sem haldinn verður í Valfelli 26. apríl 2012.

Samþykkt að Ingibjörg Daníelsdóttir verði fulltrúi Borgarbyggðar á fundinum.

Framlagt fundarboð á aðalfund Veiðifélags Gljúfurár sem haldinn verður 29. apríl n.k.

Samþykkt að Sigurjón Jóhannsson verið fulltrúi Borgarbyggðar á fundinum.

Framlögð gögn frá forstöðumanni umhverfis- og skipulagssviðs um rotþróarhreinsun en samningur um hana rennur út á þessu ári.

Samþykkt að fela forstöðumanni umhverfis- og skipulagssviðs að undirbúa útboð.

Rætt um fyrirhugað útboð á skólaakstri í Borgarbyggð.

Á fundinn mættu Margrét Vagnsdóttir og Ólöf María Brynjarsdóttir fulltrúar frá Rauðakrossdeildinni í Borgarfirði til viðræðna um mögulega umsókn deildanna á Akranesi og Borgarnesi um IPA-styrk til að vinna að aðlögun innflytjenda á sunnanverðu Vesturlandi. Fyrir liggur að Akraneskaupstaður hyggst verða með í verkefninu og óskað er eftir þátttöku Borgarbyggðar í því.

Byggðarráð tekur jákvætt í að Borgarbyggð taki þátt í þessu verkefni.

Framlagt bréf frá Skorradalshreppi dags. 14.04."12 varðandi yfirstjórn fjallskilamála í Borgarfjarðarsýslu.

Rætt um húsin í Englendingavík en sveitarstjórn vísað því máli til umfjöllunar í byggðarráði.

Það er ósk byggðarráðs að hægt verði að nota húsin í sumar, sveitarstjóra var falið að ræða við skiptastjóra um málið.

Framlagðar fundargerðir búfjáreftirlitsnefndar á svæði 5 frá 9. og 23. mars 2012 ásamt tillögu að gjaldskrá fyrir búfjáreftirlit í Borgarbyggð og Skorradalshreppi.

Lögð fram tillaga að breytingu á gjaldskránni og var samþykkt að óska eftir umsögn umhverfis- og landbúnaðarfulltrúa um tillgöuna.

Framlögð tillaga Jóhannesar Stefánssonar um skipulag fyrir miðsvæði Borgarness sem sveitarstjórn vísaði til byggðarráðs.

Vísað til umsagnar umhverfis- og skipulagsnefndar.

Framlögð tillaga Jóhannesar Stefánssonar um deilidskipulag á Fitjum við Engjaás sem sveitarstjórn vísaði til byggðarráðs.

Vísað til umsagnar umhverfis- og skipulagsnefndar.

Framlagt erindi Ungmennasambands Borgarfjarðar dags. 15.04."12  þar sem óskað er eftir stuðningi sveitarfélagsins við að halda Unglingalandsmót UMFÍ og landsmót fyrir 50+ í Borgarnesi.

Byggðarráð lýsir yfir stuðningi við umsóknir UMSB.

Ungmennasamband Borgarfjarðar á 100 ára afmæli í dag, 26. apríl. 

Byggðarráð sendir sambandinu hamingjuóskir í tilefni dagsins og var sveitarstjóra falið að mæta sem fulltrúi sveitarfélagsins á afmælisfagnað sambandsins og færa því afmælisgjöf frá sveitarfélaginu.

Rætt um samstarf við Skorradalshrepp um skipulagsmál.

Samþykkt að skipa þriggja manna nefnd til viðræðna við fulltrúa Skorradalshrepps.

Framlagt erindi frá Sigurði Jóhannssyni um stofnun lóðar úr úr jörðinni Stóra-Kálfalæk.  Lóðin sem er fyrir íbúðarhús er 1.759 fermetrar að stærð og fær heitið Stóri-Kálfalækur 3.

Byggðarráð samþykkti að lóðin verði stofnuð.

Framlagt fundarboð á aðalfund Faxaflóahafna sem haldinn verður 11.05."12 í Sjóminjasafninu í Reykjavík.

Samþykkt að sveitarstjóri verði fulltrúi Borgarbyggðar á fundinum.

Framlagt fundarboð á aðalfund Dvalarheimilis aldraðra sem fram fer 30. apríl n.k.

Rætt um endurbætur á dvalarrýmum á Dvalarheimili aldraðra í Borgarnesi og framkvæmdir á lóð heimilisins.

Samþykkt að heimila að farið verði í lóðarframkvæmdir í samræmi við þau gögn sem kynnt voru á fundinum.

Bjarki vék af fundi meðan þessi liður var afgreiddur.

Framlagt minnisblað frá fræðslustjóra um verkefnið Skólavogina.

Samþykkt að Borgarbyggð taki þátt í verkefninu.

Framlagt bréf frá Jóni Nikolaisyni og Erlu Delbertsdóttur dags. 29.03."12 varðandi deiliskipulag í landi Ánabrekku í Borgarbyggð.

Byggðarráð ítrekar beiðni sína um að tillaga að deiliskipulagi verði kláruð.

Á fundinn mætti Björg Gunnarsdóttir umhverfis- og landbúnaðarfulltrúi og kynnti fyrirhugað atvinnuátak.

Lagður var fram samningur við Skógræktarfélag Íslands um atvinnuátak og var hann samþykktur.

Umhverfis- og landbúnaðarfulltrúi kynnti tillögu að skipulagi að slætti á opnum svæðum sumarið 2012.

Samþykkt var að gera viðauka við fjárhagsáætlun ársins og hækka liðinn sláttur á opnum svæðum um kr. 1.500.000

Geirlaug lagði til að eldri borgurum verði boðinn garðsláttur í sumar með sama hætti og áður var þ.e. þrjú skipti á sumri.

Samþykkt að fela umhverfis- og landbúnaðarfulltrúa að kostnaðarmeta tillöguna.

Einnig var rætt um hreinsunarátak í þéttbýli vorið 2012.

Á fundinn mættu Birgir Kristinsson og Auðunn Pálsson fulltrúar frá Íslenska gámafélaginu til viðræðna um sorphirðu í Borgarbyggð.

Björg Gunnarsdóttir umhverfis- og landbúnaðarfulltrúi og Sigurður Guðmundsson, Þór Þorsteinsson og Þorsteinn Eyþórsson fulltrúar úr vinnuhópi um skipulag sorphirðu sátu fundinn meðan þessi liður var ræddur.

Framlögð niðurstaða úr verðkönnun vegna þökulagnar við Digranesgötu.

Þrjú tilboð bárust og var samþykkt að taka tilboði Borgarverks sem var með lægsta tilboðið.

Framlagðar fundargerðir byggingarnefndar 07.03., 11.04. og 18.04.