Byggðarráð Borgarbyggðar

Á fundinn mætti Halldór Halldórsson formaður stjórnar Sambands íslenskra sveitarfélaga til viðræðna um ýmis mál sem stjórn Sambandsins er með til umfjöllunar.

Ragnar Frank Kristjánsson forseti sveitarstjórnar sat fundinn meðan þessi liður var ræddur. 

Framlögð tillaga að skiltum fyrir Hjálmaklett og Menntaskóla Borgarfjarðar ásamt kostnaðaráætlun.

Byggðarráð samþykkti tillöguna.  

Framlagt erindi frá Eyja- og Miklaholtshreppi dags. 11.04.´12 þar sem óskað er eftir þátttöku Borgarbyggðar í verkefni um jarðvang frá Berserkjahrauni að Grábrók.

Vísað til umsagnar umhverfis- og skipulagsnefndar.

Framlagt erindi frá Samstarfshópi um forvarnir í Borgarbyggð þar sem sveitarfélagið er hvatt til að setja skýrar reglur um útleigu félagsheimila fyrir dansleikjahald.

Vísað til umsagnar stjórnar Borgarfjarðarstofu.

Framlagt fundarboð á aðalfund Háskólans á Bifröst sem haldinn verður 30. maí n.k., auk þess sem framlögð var tillaga að breytingum á samþykktum skólans.

Samþykkt að fresta til næsta fundar byggðarráðs að tilnefna í fulltrúaráð og stjórn skólans.

Framlagt bréf frá velferðarnefnd Borgarbyggðar dags. 08.05.´12 þar sem fram kemur umsögn nefndarinnar við skýrslu um öldrunarþjónustu í Borgarbyggð sem unnin var í tengslum við afmæli DAB.

Samþykkt að óska eftir að fulltrúar úr velferðarnefnd ásamt félagsmálastjóra, sem hafa unnið umsögn nefndarinnar ræði mögulega samþættingu  öldrunarþjónustu við fulltrúa Dvalarheimilis aldraðra og Heilbrigðisstofnun Vesturlands.

Ákveðið að halda kynningarfund með fulltrúum úr sveitarstjórn, velferðarnefnd, eldri borgara ráði og félögum eldri borgara.

Framlagt minnisblað frá félagsmálastjóra um ungmennahúsið Mími.

Samþykkt að ræða við húsráð Mímis, fulltrúa úr skólafélagi Menntaskóla Borgarfjarðar og skólameistara um málið.

Framlögð kostnaðaráætlun frá fjölskyldusviði vegna sumarnámskeiða fyrir börn 10-13 ára.

Byggðarráð samþykkti kostnaðaráætlunina og verður gerður viðauki við fjárhagsáætlun ársins vegna kostnaðarins.

Framlögð drög að starfslýsingu fyrir starf verkefnisstjóra Borgarfjarðarstofu.

Samþykkt að fela sveitarstjóra að vinna áfram að málinu.

Geirlaug sat hjá við atkvæðagreiðslu.

Framlagt bréf frá formanni Ungmennasambands Borgarfjarðar dags. 06.05.´12 þar sem óskað er eftir samstarfi um stefnumótun í íþrótta- og tómstundamálum.

Samþykkt að óska eftir upplýsingum og kynningu frá öðrum sem hafa farið svipaðar leiðir og hugmynd UMSB gengur út á.

Framlagt bréf frá starfsmannafundi Grunnskóla Borgarfjarðar á Kleppjárnsreykjum sem haldinn var 03. maí 2012, en í bréfinu er sveitarstjórn hvött til að skoða vel hvort gamli læknisbústaðurinn á Kleppjárnsreykjum nýtist ekki best í þágu skólastarfs.

Byggðarráð tók fram að búið er að afmarka 1000 fermetra lóð í kringum húsið og taka frá 3 ha af landi.

Framlagt afrit af bréfi frá Mennta- og menningarráðuneytinu til Menntaskóla Borgarfjarðar dags. 02.05.´12 varðandi húsleigu í Hjálmakletti.

Samþykkt að óska eftir fundi með menntamálaráðherra um málið.

Framlögð umsögn umhverfis- og skipulagsnefndar um tillögu Jóhannesar Stefánssonar um deiliskipulag á Fitjum við Engjaás en nefndin tekur vel í að hafist verði handa um deiliskipulag svæðisins.

Sjá bókun við lið 14 í fundargerðinni.

Framlögð umsögn umhverfis- og skipulagsnefndar um tillögu Jóhannesar Stefánssonar um skipulag fyrir miðsvæði Borgarness en nefndin tekur vel í að hafist verði handa um deiliskipulag svæðisins.

Samþykkt að vinna við skipulag miðsvæðisins verði í forgangi fram fyrir gerð skipulags á Fitjum. 

Samþykkt var að fela umhverfis- og skipulagssviði að hefjast handa við undirbúingsvinnu en kostnaður við skipulagið verður tekinn inn á fjárhagsáætlun 2013.

Framlögð drög að reglum um náms- og kynnisferðir starfsmanna leik- og grunnskóla.

Samþykkt að fela skrifstofustjóra að gera tillögur um breytingar á reglunum í takt við starfsmannastefnu sveitarfélagsins.

Framlagt erindi frá Björgu Gunnarsdóttur umhverfis- og landbúnaðarfulltrúa varðandi hreinsunarátak 2012.

Samþykkt að fela umhverfis- og landbúnaðarfulltrúa að auglýsa hreinsunarátak og hvetja íbúa til að taka þátt.  

Framlagt kostnaðarmat umhverfis- og landbúnaðarfulltrúa á garðslætti fyrir eldri borgara, en matið er unnið með hliðsjón af því að þær reglur sem giltu fyrir árið 2009 yrðu teknar upp að nýju.  Skv kostnaðarmatinu er kostnaður ca 1,5 millj ef umfang er með svipuðu sniði og var 2009.

Tekin var fyrir tillaga Geirlaugar frá 26.04."12 um garðslátt fyrir eldri borgara.

Byggðarráð felldi tillöguna með 2 atk gegn 1 (GJ)

Framlagt erindi frá forstöðumanni íþróttamiðstöðva þar sem óskað er eftir aukafjárveitingu vegna kaupa á brautarlínum í sundlaugina í Borgarnesi.

Samþykkt að óska eftir frekari upplýsingum um kostnað.

Framlagt tilboð frá Borgarverki ehf. í lagfæringar á götu á Bifröst.

Samþykkt að óska sem fyrst eftir fundi með Vegagerðinni til að útkljá hverjum beri að sjá um viðhald götunnar.  

Framlagt bréf frá Búnaðarsamtökum Vesturlands dags. 24.04."12 með ályktun frá aðalfundi samtakanna um samræmingu á leitum og réttum i Borgarbyggð og Dalabyggð.

Vísað til fjallskilanefndar.

Framlagt bréf frá Búnaðarsamtökum Vesturlands dags. 24.04.´12 með ályktun frá aðalfundi samtakanna þar sem skorað er á ríki og sveitarfélög að auka framlag til minka- og refaveiða.

Vísað til landbúnaðarnefndar.

Framlagt bréf frá UMSB þar sem þakkað er fyrir stuðning Borgarbyggðar við sambandið.

Fundargerð aðalfundar Veiðifélags Gljúfurár sem haldinn var 29. apríl 2012.