Byggðarráð Borgarbyggðar

Á fundinn mætti Guðmundur Eiríksson frá Faxaflóahöfnum og kynnti fyrirhugaðar framkvæmdir félagsins í Brákarey í sumar.

Byggðarráð samþykkti að fela umhverfis- og skipulagssviði að gera fyrir næsta fund byggðarráðs tillögu að aðgerðaráætlun fyrir umhverfisátak í Brákarey.

Framlagðar niðurstöður úr könnun varðandi akstur úr dreifbýli Borgarbyggðar í Menntaskóla Borgarfjarðar.

Samþykkt að fela sveitarstjóra að ræða við skólameistara Menntaskóla Borgarfjarðar um málið.

Framlagt bréf formanns fjallskilanefndar BSN dags. 10.05.´12 varðandi nýtingu á afréttarlandi á Bjarnadal.

Samþykkt að fela sveitarstjóra að ræða við formenn viðkomandi fjallskilanefnda.

Sveitarstjóri greindi frá stöðu mála varðandi gæludýraeftirlit í Borgarbyggð.

Byggðarráð óskar eftir tillögu að hvernig staðið skuli að gæludýraeftirliti í Borgarbyggð ásamt kostnaðarmati.

Tekin fyrir tillaga Finnboga Leifssonar um breytingu á gjaldskrá Búfjáreftirlitsnefndar á starfssvæði 5.

Framlögð var umsögn umhverfis- og landbúnaðarfulltrúa um tillöguna.

Byggðarráð samþykkti tillögu Finnboga.

Framlagt bréf Landgræðslu- og skógræktarfélags Skógarstrandar dags. 12.04."12 varðandi ágang búfjár úr Borgarbyggð á Skógarströnd.

Vísað til fjallskilanefndar Borgarbyggðar.

Framlagt bréf frá félaginu Eyðibýli dags. 18.05."12 varðandi styrk við verkefnið Eyðibýli á Íslandi.

Vísað til Borgarfjarðarstofu.

Framlagt erindi frá Samtökum sveitarfélaga á Vesturlandi þar sem óskað er eftir tilnefningu í vinnuhóp um málefni fatlaðra á Vesturlandi.

Samþykkt að Ingibjörg Daníelsdóttir verði fulltrúi Borgarbyggðar í vinnuhópnum.

Framlögð drög að reglum um styrki vegna náms- og kynnisferða starfsmanna Borgarbyggðar.

Byggðarráð samþykkti drögin með þeim breytingum að styrkirnir séu bæði fyrir ferðir erlendis og innanlands.

Framlagt bréf frá Vegagerðinni dags. 16.05."12 þar sem tilkynnt er um niðurfellingu vega af vegaskrá innan þéttbýlismarka í samræmi við ný vegalög.

Samþykkt að óska eftir fundi með svæðisstjóra norð-vestur svæðis Vegagerðarinnar um málið.

Samþykkt að tilnefna Bjarka Þorsteinsson í stjórn Háskólans á Bifröst og Sigríði G. Bjarnadóttur til vara.

Samþykkt að tilnefna Jónínu Ernu Arnardóttur, Ragnar Frank Kristjánsson og Erlu Stefánsdóttur í fulltrúaráð og Jóhannes F. Stefánsson til vara.

Framlögð skipulagsskrá fyrir Minningarsjóð Jóns Guðmanns Geirssonar og Gróu Gísladóttur.

Samþykkt var að leggja sjóðinn niður og þeir fjármunir sem til eru í sjóðnum skuli renna til byggingar hesthúss við gangnamannaskála  Þverhlíðinga.

Framlögð skipulagsskrá Minningarsjóðs Björn Ólafssonar bónda á Stafholtsveggjum í Stafholtstungum.

Samþykkt var að leggja sjóðinn niður og þeir fjármunir sem til eru í sjóðnum skuli renna til Grunnskóla Borgarfjarðar á Varmalandi.  

Framlagt bréf frá Hildi Traustadóttur og Ara Ingimundarsyni dags. 30.04."12 vegna frágangs á gangstétt við Arnarflöt á Hvanneyri.

Samþykkt að óska eftir umsögn umhverfis- og skipulagssviðs um erindið og mat á kostnaði.

Framlagt erindi forstöðumanns íþróttamannvirkja um kaup á brautarlínum í sundlaugina í Borgarnesi.

Samþykkt að heimila kaup á brautarlínum.

Framlögð beiðni Guðrúnar Soffíu Karlsdóttur um stofnun 7,24 ha lóðar út úr landi Munaðarness landnr. 134915.  Heiti nýrrar lóðar er Orlofsheimili BSRB.

Byggðarráð samþykkti að lóðin verði stofnuð.

Framlögð beiðni Guðrúnar Soffíu Karlsdóttur um stofnun 1,34 ha lóðar úr landi Munaðarness landnr. 134915.  Heiti nýrrar lóðar er Orlofsheimili BSRB.

Byggðarráð samþykkti að lóðin verði stofnuð.

Á fundinn mætti Einar G. Pálsson fjármálafulltrúi og lagði fram yfirlit yfir rekstur Borgarbyggðar fyrstu fjóra mánuði ársins 2012.

Samþykkt að óska eftir frekari skýringum frá forstöðumönnum stofnana varðandi frávik frá áætlun.

Framlögð fundargerð aðalfundar Menningarráðs Vesturlands ásamt fundargerðum frá stjórnarfundum.

Framlagt fundarboð á aðalfund Landskerfis bókasafna 2012.

Framlagður dómur Héraðsdóms Vesturlands í máli Borgarbyggðar gegn Arion-banka hf varðandi útreikning á eftirstöðvum láns.

Framlögð fundargerð stjórnar Samtaka sveitarfélaga á Vesturlandi frá 11. maí 2012.

Framlögð fundargerð frá 98. fundi stjórnar Faxaflóahafna sem haldinn var 11. maí 2012.