Byggðarráð Borgarbyggðar

Framlagður dómur Héraðsdóms Vesturlands í máli Borgarbyggðar gegn Arion-banka varðandi eftirstöðvar lánssamnings.

Framlögð framvinduskýrsla um byggingu hjúkrunarheimilis við Dvalarheimili aldraðra í Borgarnesi.

Framlagt fundarboð á aðalfund Orkuveitu Reykjavíkur sem haldinn verður fimmtudaginn 14. júní n.k. í Reykjavík.

Framlagt erindi Bjargar Gunnarsdóttur umhverfis- og landbúnaðarfulltrúa varðandi girðingu á milli Tungulækjar og Einkunna.

Girðingin er um 2 km löng og verður meðfram Háfslæknum.  

Samþykkt að farið verði í þetta verk en óskað eftir endurskoðaðri kostnaðaráætlun.

Einnig var rætt um beiðni landeiganda á Gilsbakka um girðingu afréttarlands.

Byggðarráð leggur áherslu á að afstaða ríkisins um kostnaðarþátttöku liggi fyrir áður en tekin verður ákvörðun um framkvæmdir.

Framlagt bréf Vatnafélags Norðurár þar sem gagnrýnd er innheimta Borgarbyggðar á leyfisgjöldum fyrir framkvæmdaleyfi.

Samþykkt að fela umhverfis- og skipulagsnefnd að láta endurskoða gjaldskrá um gatnagerðar- og byggingaleyfisgjöld.  

Framlagt erindi Bjargar Gunnarsdóttur umhverfis- og landbúnaðarfulltrúa varðandi breytingar á gæludýraeftirliti Borgarbyggðar.

Samþykkt að fela umhverfis- og landbúnaðarfulltrúa að afla upplýsinga um sambærilega starfsemi í öðrum sveitarfélögum.

Tekin fyrir beiðni starfsmanns um ársleyfi frá störfum en erindinu var frestað á síðasta fundi byggðarráðs og óskað frekari upplýsinga.

Með vísan til reglna Sambands íslenskra sveitarfélaga um leyfisveitingar samþykkti byggðarráð að veita umbeðið leyfi.

Á fundinn mætti Ingi Tryggvason hdl. til viðræðna um sölu á jörðinni Syðri-Hraundal sem er í eigu Borgarbyggðar.

Samþykkt að auglýsa jörðina til sölu í heilu lagi.

Framlagt bréf frá Bjarna Ásgeirssyni hrl. f.h. Gunnars Jónssonar Króki varðandi eignarrétt á hluta af jörðinni Króki sem er í eigu Borgarbyggðar. 

Byggðarráð samþykkti að fela Inga Tryggvasyni hdl að svara bréfritara.

Framlagt bréf Umhverfisráðuneytisins dags. 30.05."12 varðandi dag íslenskrar náttúru sem haldinn verður hátíðlegur 16. september n.k.

Rætt um stöðu mála varðandi fasteignina að Borgarbraut 57 í Borgarnesi.

Framlagt bréf Eiríks Jónssonar dags. 05.06."12 þar sem hann óskar eftir að vera leystur frá störfum sem formaður tómstundanefndar og varamaður í sveitarstjórn vegna brottflutingins úr sveitarfélaginu.

Byggðarráð samþykkti erindið og þakkaði Eiríki störf í þágu sveitarfélagsins.

Rætt um eignarhald á húsum Fígúru ehf í Englendingavík.

Samþykkt að heimila sveitarstjóra að gefa út afsal vegna húsanna.

Framlagt bréf Ungmennasambands Borgarfjarðar dags. 06.06."12 þar sem óskað er eftir viðræðum um frekara samstarf við stefnumótun í íþróttamálum.

Samþykkt að leggja til við UMSB að skipaður verði sameiginlegur vinnuhópur um verkefnið.

Á fundinn mætti Jökull Helgason forstöðumaður umhverfis- og skipulagssviðs og fór yfir aðkomu Borgarbyggðar að framkvæmdum við kirkjugarða í sveitarfélaginu árið 2012. 

Rætt var um aðrar framkvæmdir hjá sveitarfélaginu í sumar s.s. stígagerð og ákveðið að lagfæra stíga um Vesturnes, í gegnum Vigdísarlund og hjá kirkjugarðinum í Borgarnesi.

Einnig var rætt um malbikunarframkvæmdir sem verið er að skoða hvort hægt sé að fara í og samþykkt að láta gera tillögu að endurskoðaðri framkvæmdaáætlun í tengslum við þær.

Forstöðumaður umhverfis- og skipulagssviðs gerði grein fyrir tilboðum sem bárust í gerð gangstétta við Stekkjarholt í Borgarnesi.

Tvö tilboð bárust í verkið.

Samþykkt var að taka tilboði frá lægstbjóðenda sem er JBH vélar í Borgarnesi.

Forstöðumaður umhverfis- og skipulagssviðs kynnti tilboð í malbikun í Flatahverfi á Hvanneyri.

Tvö tilboð bárust í verkið.

Samþykkt var að taka tilboði frá lægstbjóðenda sem er Jörvi á Hvanneyri.