Byggðarráð Borgarbyggðar

Framlagt erindi frá Óskari Halldórssyni Krossi þar sem óskað er eftir leyfi til að flytja fé á Oddstaðaafrétt.
Byggðarráð getur ekki orðið við beiðni bréfritara

Samþykkt að Páll S. Brynjarsson fari með atkvæði Borgarbyggðar á fundinum. Fulltrúar Borgarbyggðar í stjórn MB verða; Vifill Karlsson, Hanna K. Þorgrímsdóttir, Geirlaug Jóhannsdóttir og Sigríður G. Bjarnadóttir. Varamenn þeirra verða Bjarki Þorsteinsson, Ulla Pedersen, Erla Stefánsdóttir og Bragi Þ. Svavarsson

Byggðarráð samþykkti fyrirliggjandi tillögu að eigendastefnu Orkuveitu Reykjavíkur. Jafnframt gerir byggðarráð það að tillögu sinni að skipan áheyrnarfulltrúa Borgarbyggðar í stjórn fyrirtækisins verði sett í sameignarsamning.

Framlagt bréf frá Umhverfisstofnun og Skipulagsstofnun um efnistöku, framkvæmdaleyfi og mat á umhverfisáhrifum.
Byggðarráð vísaði erindinu til umfjöllunar í umhverfis- og skipulagsnefnd.

Framlagt erindi Sigurði Erni Sigurðssyni þar sem óskað er eftir leyfi frá stöfum við Grunnskólann í Borgarnesi.
Byggðarráð samþykkti að veita starfsmanninum ársleyfi frá störfum.

Framlagt erindi frá Helgu Jensínu Svavarsdóttur þar sem óskað er eftir leyfi frá störfum við Grunnskólann í Borgarnesi.
Byggðarráð samþykkti að veita starfsmanninum ársleyfi frá störfum.

Framlögð kjörskrá í Borgarbyggð fyrir forsetakosningarnar sem fram fara 30. júní n.k. Á kjörskrá eru 2560.
Byggðarráð samþykkti kjörskrána

Sveitarstjórn Borgarbyggðar samþykkir hér með að taka lán hjá Lánasjóði sveitarfélaga að fjárhæð 95.000.000 kr., í samræmi við samþykkta skilmála lánveitingarinnar sem liggja fyrir fundinum. Til tryggingar láninu standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011. Er lánið tekið til að endurfjármagna hluta af afborgunum ársins 2012 hjá LS, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Páli S. Brynjarssyni kt.010365-4819, veitt fullt og ótakmarkað umboð til þess f.h. Borgarbyggðar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.

Framlagðar fundargerðir vinnuhóps um skipulag sorphirðu frá 25.04. og 23.05.

Framlagt bréf frá Kristjáni Stefánssyni hrl. þar sem mótmælt er innheimtu á kostnaði vegna forðagæslu.
Byggðarráð samþykkti að óska eftir umsögn Inga Tryggvasonar hdl. um heimild Borgarbyggðar til að innheimta kostnað vegna forðagæslu.

Framlögð beiðni frá Aflinu- systursamtökum Stígamóta þar sem óskað er eftir styrk til starfsemi samtakanna.
Því miður sér Borgarbyggð sér ekki fært að veita samtökunum fjárstyrk.

Byggðarráð samþykkti að veita Fornbílafjelagi Borgarfjarðar styrk að upphæð kr.200.000 vegna opnunar Samgönguminjasafns í Brákarey. Fjárveitingin verður tekin af liðnum 05.819 og verður hún viðauki við fjárhagsáætlun

Rætt um sölu á jörðinni Syðri-Hraundal í Borgarbyggð, en sveitarstjórn vísaði málinu til frekari umræðu í byggðarráði.
Byggðarráð áréttar að um er ræða 709 hektara úr landi jarðarinnar neðan fjallgirðingar sem auglýstir eru til sölu.

Rætt um stofnun jarðvangs frá Berserkjahrauni að Grábrók, en sveitarstjórn vísaði málinu til umræðu í byggðarráði.
Byggðarráð tekur jákvætt í aðkomu að verkefninu og óskar eftir að fá fulltrúa í undirbúningshópinn.

Rætt um drög að starfslýsingu fyrir starf verkefnisstjóra Borgarfjarðarstofu, en sveitarstjórn vísaði málinu til frekari umræðu byggðarráði.

Rætt um dóm Héraðsdóms Vesturlands í máli Borgarbyggðar gegn Arion-banka.
Byggðarráð samþykkti að áfrýja málinu til Hæstaréttar.

Rætt um tilboð sem bárust í skólaakstur.
Sveitarstjóra falið að vinna áfram að málinu.

Framlagt bréf frá Davíð Ólafssyni og Einar S. Traustasyni þar sem þeir gera athugasemdir við útboðsgögn vegna skólaaksturs og krefjast þess að sveitarstjórn ógildi útboðið.
Þar sem fyrir liggur að lögð hefur verið fram kæra vegna útboðs á skólaakstri samþykkti byggðarráð Borgarbyggðar að tilboðum verði ekki tekið í hinu kærða útboði fyrr en niðurstaða kærunefndarinnar um stöðvunarkröfu liggur fyrir.

Rætt um stöðu á fyrirhuguðum framkvæmdum við nýja vatnsveitu í Reykholtsdal.
Byggðarráð hefur kallað eftir tímaáætlun frá Orkuveitu Reykjavikur vegna framkvæmda við vatnsveitu í Reykholtsdal og væntir svara innan skamms

Á fundinn komu Ásthildur Magnúsdóttir fræðslustjóri og Ásta B. Björnsdóttir sérkennsluráðgjafi og greindum frá undirbúningi að stofnun námsvers fyrir einhverf börn í Borgarbyggð.
Byggðarráð lýsir yfir ánægju með undirbúningsvinnu að stofnun námsvers og býður Ástu B. Björnsdóttur velkomna til starfa.

Rætt um viðbrögð Borgarbyggðar þegar alvarleg slys eða óhöpp verða í sveitarfélaginu.
Byggðarráð samþykkti að fela velferðarnefnd að vinna drög að viðbragðsáætlun þegar um alvarleg slys eða óhöpp verða í sveitarfélaginu.

Rætt um starfsmannamál.
Sveitarstjóra falið að vinna áfram málinu.

Framlögð samþykkt um skipan stjórn fjallskiladeildar Akraneskaupstaðar, Hvalfjarðarsveitar, Skorradalshrepps og Borgarbyggðar. Samkvæmt henni hefur Borgarbyggð rétt á að kjósa tvo fulltrúa í nefndina.
Samþykkt að óska eftir tilnefningum frá Fjallskilanefnd Borgarbyggðar í stjórnina.

Á fundinn mætti Einar G. Pálsson fjármálafulltrúi og fór yfir rekstur Borgarbyggðar fyrstu fimm mánuði árins 2012.
Fjármálafulltrúa falið að funda með forstöðumönnum stofnana þar sem um frávik frá fjárhagsáætlun er að ræða.

Framlagt bréf Orkuveitu Reykjavíkur frá 18. þ.m. um samþykkt stjórnar OR um breytingu á greiðsluröð afborgana lána frá Depfa bankanum. Óskað er staðfestingar á breytingunum. Jafnframt eru framlögð umsögn fjármálastjóra Reykjavíkurborgar og umsögn frá fjármálaskrifstofu og borgarlögmanni frá 19. s.m. um erindið.

Þá var framlagt bréf Orkuveitu Reykjavíkur frá 18. þ.m. um samþykkt stjórnar OR um breytingu á greiðsluröð afborgana lána frá Dexia bankanum. Óskað er staðfestingar á breytingunum. Jafnframt er lögð fram umsögn fjármálastjóra Reykjavíkurborgar og sameiginleg umsögn fjármálaskrifstofu og borgarlögmanns frá 19. s.m. um erindið.

Byggðarráð samþykkti bæði erindin.

Byggðarráð samþykkir að fela forstöðumanni umhverfis- og skipulagssviðs að malbika bílastæði og snúningsplan á lóð Grunnskóla Borgarfjarðar á Hvanneyri árið 2012. Janframt óskar byggðarráð eftir frekari gögnum um gatnahönnun vegna fyrirhugaðra breytinga á Brúartorgi í Borgarnesi.

Framlögð fundargerð byggingarnefndar DAB frá 04.06.