Byggðarráð Borgarbyggðar

Rætt um gerð deiliskipulags á miðsvæði Borgarness og afmörkun þess en á síðasta fundi sveitarstjórnar var erindinu vísað til byggðarráðs.
Byggðarráð fagnar að umhverfis- og skipulagsnefnd sé farin af stað með vinnu við deiliskipulag miðsvæðisins og fer fram á að nefndin vinni áfram með skipulagið og óskar eftir tillögum um frekari útfærslu og verklag til afgreiðslu í byggðarráði.

Framlagt fundarboð á fjármálaráðstefnu sveitarfélaga sem haldin verður í Reykjavík 27. og 28. september n.k.
Samþykkt að fjórir fulltrúar úr sveitarstjórn fari á ráðstefnuna af hálfu Borgarbyggðar auk embættismanna.

Framlögð ný skýrsla félagsmálastjóra um stöðu og þróun jafnréttismála og skýrsla um launamun kynjanna hjá Borgarbyggð frá árinu 2011.
Samþykkt að óska eftir að velferðarnefnd og félagsmálastjóri taki saman nýjar upplýsingar um stöðu mála varðandi mismun á launakjörum kynjanna hjá Borgarbyggð.

Framlögð var beiðni Markaðsstofu Vesturlands um hækkun á framlagi sveitarfélaga til stofunnar.
Beiðnin er til umfjöllunar í Borgarfjarðarstofu.

Framlögð tillaga að fjárhagsáætlun Menningarráðs Vesturlands 2013 ásamt fundargerðum Menningarráðsins frá 28. mars, 25. júní og 03. sept 2012.
Samþykkt að óska eftir að formaður og framkvæmdastjóri komi á fund byggðarráðs til að ræða fjárhagsáætlunina.

Framlögð stöðuskýrsla Orkuveitu Reykjavíkur um aðgerðaráætlun fyrirtækisins sem hófst snemma árs 2011.

Framlagt erindi frá Fjallskilsnefnd Kolbeinsstaðarhrepps þar sem óskað er eftir fjárveitingu til nefndarinnar.
Byggðarráð samþykkti að veita kr. 180.000 til fjallskilasjóðsins.

Framlagt minnisblað frá skólastjóra Grunnskólans í Borgarnesi um skólaakstur í Borgarnesi, en nemendum sem nýta sér skólaakstur hefur fjölgað nokkuð á milli skólaára.
Byggðarráð óskar eftir tillögu frá skólastjóra um úrlausn málsins.

Framlagt bréf frá Guðrún Jónsdóttur arkitekt f.h. vinnuhóps um stofnun jarðvangs á Snæfellsnesi og í Borgarbyggð.
Boðað er til undirbúningsfundar 3. október n.k.

Framlagt erindi frá Saga-jarðvangi í uppsveitum Borgarfjarðar, þar sem óskað er eftir fjárstuðningi frá Borgarbyggð til að hefja undirbúningsvinnu að stofnun jarðvangsins.
Vísað til umfjöllunar í umhverfis- og skipulagsnefnd og Borgarfjarðarstofu.

Rætt um vinnu við fjárhagsáætlun 2013.
Lögð var fram tímaáætlun um vinnuna.
Farið var yfir tímasetningar fyrir heimsóknir byggðarráðs í stofnanir sveitarfélagsins og stefnt á að fyrsta heimsókn verði 2. október n.k.

Framlögð tillaga frá umhverfis- og skipulagssviði um breytingar á framkvæmdaáætlun Borgarbyggðar. Breytingin felur í sér tilfærslu á fjármangi að upphæð 2 millj kr. frá nýframkvæmdum í viðhald gatna.
Byggðarráð samþykkti tillöguna.

Framlagt erindi frá byggingarnefnd vegna endurbóta á húsakosti Brákarhlíðar, hjúkrunar- og dvalarheimilis, þar sem óskað er eftir að Borgarbyggð skipi áheyrnarfulltrúa í byggingarnefnd meðan að á endurbótum stendur.
Samþykkt að Jökull Helgason forstöðumaður umhverfis- og skipulagssviðs verði fulltrúi Borgarbyggðar í nefndinni.

Framlagðar fundargerðir byggingarnefndar Brákarhlíðar frá 11. júlí, 18. júlí, 22. ágúst, 29. ágúst og 05. september 2012.

Framlögð fundargerð 799. fundar stjórnar Sambands íslenskra sveitarfélaga frá 07.09. 2012