Byggðarráð Borgarbyggðar

Framlagt bréf Félags eldri borgara í Borgarnesi og nágrenni þar sem farið er fram á styrk til starfseminnar.
Samþykkt að vísa erindinu til umsagnar Borgarfjarðarstofu og velferðarnefndar vegna tengsla við félagsstarf aldraðra ásamt því að erindið verður rætt á sameiginlegum fundi sveitarstjórnar og eldriborgararáðs í næstu viku.

Á fundi sveitarstjórnar 13. sept s.l. var vísað til byggðarráðs erindi frá Safnahúsi Borgarfjarðar vegna 150 ára afmælis Borgarness sem verður árið 2017.
Á fundinn mætti Guðrún Jónsdóttir forstöðumaður Safnahúss Borgarfjarðar til viðræðna um erindið.

Guðrún Jónsdóttir forstöðumaður Safnahúss Borgarfjarðar kynnti hugmyndir sínar um nýtingu á gömlu húsunum í Englendingavík.

Framlagt bréf frá Eigendanefnd Orkuveitu Reykjavíkur dags. 26.09."12 þar sem óskað er eftir afstöðu Borgarbyggðar til tillögu nefndarinnar um sölu á Gagnaveitu Reykjavíkur.
Byggðarráð Borgarbyggðar styður þær hugmyndir að Gagnaveita Reykjavíkur verði seld m.a. með vísan til Plansins sem Orkuveitan er að vinna eftir.

Framlögð áskorun frá Stéttarfélagi Vesturlands þar sem skorað er á Borgarbyggð að óska eftir aðild að þróunar- og nýsköpunarfélagi sem Akraneskaupstaðar og Hvalfjarðarsveitar fyrirhuga að stofna í samvinnu við Faxaflóahafnir um frekari uppbyggingu á Grundartanga.
Byggðarráð þakkar Stéttarfélagi Vesturlands hvatninguna og samþykkir að sækja um aðild að félaginu.

Framlagt erindi frá Björg Gunnarsdóttur umhverfis- og landbúnaðarfullrúa þar sem óskað er eftir 800 þús kr framlagi til jólaskreytinga á árinu 2012.
Samþykkt að verða við erindinu og verður það fjármagnað með tekjum af ágóðahlut frá EBÍ sem ekki var gert ráð fyrir í fjárhagsáætlun.
Samþykkt að fela Borgarfjarðarstofu að óska eftir fundi með fulltrúum atvinnulífs m.a. um eflingu verslunar í heimabyggð.

Framlagt erindi umhverfis- og landbúnaðarfulltrúa þar sem óskað er eftir allt að 80 þús kr framlagi til gróðursetningar á Skallagrímsvelli. Gróðursettar verða plöntur sem Skógræktarfélag Borgarfjarðar hefur gefið Ungmennasambandi Borgarfjarðar og Borgarbyggð.
Samþykkt að verða við erindinu.

Framlagt erindi Eignarhaldsfélags Brunabótafélags Íslands þar sem tilkynnt er um arðgreiðslu ársins 2012. Hlutur Borgarbyggðar er kr. 1.590.000,-

Framlagt erindi Faxaflóahafna dags. 28.09."12 varðandi breytingu á skilmálum lána félagsins hjá Landsbanka Íslands.
Byggðarráð samþykkti breytingarnar.

Framlagt fundarboð á félagsfund í Veiðifélagi Norðurár sem haldinn verður 11. október n.k. í Hraunsnefi.

Framlögð fundargerð vinnuhóps um breytingar á skipulagi sorphirðu dags. 25. september s.l.
Samþykkt að óska eftir kynningu á verkefninu fyrir sveitarstjórn og umhverfis- og skipulagsnefnd.

Rætt um notendastýrða persónulega aðstoð.
Sveitarstjóri fór yfir stöðu málsins.